ລິ້ງ ສຳຫລັບເຂົ້າຫາ

ວັນອາທິດ, ໒໑ ກໍລະກົດ ໒໐໒໔

ກຳປູເຈຍເລີ້ມດຳເນີນຄະດີ ຊາວໄທ 7 ຄົນ


ນາຍວີຣະ ສົມຄວາມຄິດ ນັກເຄື່ອນໄຫວເສື້ອເຫຼືອງຂອງໄທ (ຊ້າຍ) ແລະທ່ານພານິດ ວາກິສເຣດ ສະມາຊິກສະພາແຫ່ງຊາດໄທສັງກັດ ພັກປະຊາທິປັດ (ຂວາ) ພວມຍ່າງໄປຂຶ້ນສານ ທີ່ສານພະນົມເປັນ (6 ມັງກອນ 2011)
ນາຍວີຣະ ສົມຄວາມຄິດ ນັກເຄື່ອນໄຫວເສື້ອເຫຼືອງຂອງໄທ (ຊ້າຍ) ແລະທ່ານພານິດ ວາກິສເຣດ ສະມາຊິກສະພາແຫ່ງຊາດໄທສັງກັດ ພັກປະຊາທິປັດ (ຂວາ) ພວມຍ່າງໄປຂຶ້ນສານ ທີ່ສານພະນົມເປັນ (6 ມັງກອນ 2011)

ການດຳເນີນຄະດີໄດ້ເລີ້ມຂຶ້ນ
ແລ້ວທີ່ກຳປູເຈຍຕໍ່ຊາວໄທ 7
ຄົນຮວມທັງສະມາຊິກສະພາ
ແຫ່ງຊາດຄົນນຶ່ງຂອງໄທ ທີ່
ຖືກຈັບໃນສັບປະດາແລ້ວ ຢູ່
ໃນບໍລິເວນຊາຍແດນ ທີ່ມີ
ການຂັດແຍ້ງກັນນັ້ນແລະຖືກ
ກ່າວຫາວ່າເຂົ້າໄປໃນປະເທດ
ກຳປູເຈຍແບບຜິດກົດໝາຍ.

ລາຍງານຂ່າວໂທລະພາບ ຈາກກຸງພະນົມເປັນສະແດງໃຫ້ເຫັນວ່າ ພວກຜູ້ຊາຍທັງ 7 ທີ່
ຢູ່ໃນຊຸດເຄື່ອງນຸ່ງນັກໂທດສີຟ້າ ໄດ້ຖືກນຳໂຕໄປຍັງສານໃນຕອນເຊົ້າຂອງວັນພະຫັດມື້ນີ້.
ບໍ່ມີນັກໂທດຄົນໃດກ່າວຖະແຫຼງ ມີແຕ່ທ່ານພານິດ ວິກິສເຣດສະມາຊິກສະພາສັງກັດພັກ
ປະຊາທິປັດ ຊຶ່ງເປັນພັກລັດຖະບານຂອງໄທ ໄດ້ໂບກມືຕໍ່ພວກນັກຂ່າວ.

ການຮັບຟັງຄຳໃຫ້ການຂອງພວກນັກໂທດ ແມ່ນໄດ້ດຳເນີນໄປແບບປິດລັບແຕ່ລາຍງານ
ຂ່າວ​ເວົ້າວ່າ ບຸກຄົນທັງ 7 ໄດ້ຖືກສອບຖາມເທື່ອລະຄົນ ກ່ຽວກັບການກະທຳຂອງພວກ
ເຂົາເຈົ້າ ຢູ່ໃນບໍລິເວນຊາຍແດນ. ນອກນັ້ນແລ້ວພວກເຂົາເຈົ້າ ຍັງໄດ້ຖືກກ່າວຫາວ່າເຂົ້າ
ໄປໃນເຂດຫວງຫ້າມທາງທະຫານ ຊຶ່ງໝາຍຄວາມວ່າ ພວກເຂົາເຈົ້າອາດຈະໄດ້ຮັບໂທດ
ໜັກເຖິງ 1 ປີເຄິ່ງ.

ເປັນທີ່ຄາດກັນວ່າ ການດຳເນີນຄະດີນີ້ ຈະເປັນໄປຢ່າງວ່ອງໄວ ແຕ່ຍັງບໍ່ທັນເປັນທີ່ຈະ
ແຈ້ງເທື່ອວ່າ ເວລາໃດຈຶ່ງຈະມີການອອກຄຳຕັດສິນ.

XS
SM
MD
LG