ນາຍົກລັດຖະມົນຕີກໍາປູເຈຍ ກ່າວວ່າ ສາຍພົວພັນທີ່ເຄັ່ງຕຶງມາເປັນເວລາດົນນານກັບໄທ
ປະເທດເພື່ອນບ້ານ ໄດ້ກັບຄືນສູ່ສະພາບປົກກະຕິແລ້ວ ທັງນີ້ກໍຍ້ອນການພົບປະຫາລືກັນ
ຫລາຍຄັ້ງກັບນາຍົກລັດຖະມົນຕີໄທນັ້ນ.
ໃນພິທີແຈກຢາຍໃບປະກາດສະນີຍະບັດເວລາຈົບຮຽນແຫ່ງນຶ່ງໃນນະຄອນຫລວງພະນົມເປັນໃນວັນຈັນມື້ນີ້ ນາຍົກລັດຖະມົນຕີຮຸນເຊນ ກ່າວວ່າ ຫລັງຈາກໄດ້ພົບປະສົນທະນາກັນມາ 4 ຄັ້ງກັບນາຍົກລັດຖະມົນຕີ ອະພິສິດ ເວດຊາຊີວະ ນັ້ນ
ບັນຫາຂັດແຍ່ງກັນເລື່ອງເຂດຊາຍແດນ ທີ່ໄດ້ພາໃຫ້ເກີດການປະທະກັນທາງດ້ານທະຫານ ເລັກໆນ້ອຍໆມາຫລາຍຄັ້ງລະຫວ່າງສອງປະເທດ ກໍໄດ້ຜ່ອນຄາຍລົງແລ້ວ.
ຢ່າງໃດກໍຕາມ ຜູ້ນໍາກໍາປູເຈຍ ກ່າວຕື່ມວ່າ ເລື່ອງອື່ນໆນັ້ນຈະຕ້ອງມີການແກ້ໄຂກັນ ຮວມ
ທັງການປັກຫລັກເຂດຊາຍແດນ ການກວດລ້າງລູກລະເບີດຝັງດິນທີ່ຍັງບໍ່ທັນແຕກແລະການ
ເປີດດ່ານຊາຍແດນໃໝ່ຕື່ມອີກ.
