ລິ້ງ ສຳຫລັບເຂົ້າຫາ

378 ຄົນຕາຍ ຍ້ອນແຕກຕື່ນແຫຍ້ກັນ ຢູ່ກໍາປູເຈຍ

  • ສິງ ບູຣົມມະວົງ

ຊາວກໍາປູເຈຍຈໍານວນນຶ່ງຢ່າງຢຽບເກີບແລະເຄື່ອງຂອງທີ່ພວກທີ່ໄດ້ ຮັບເຄາະຮ້າຍປະຖິ້ມໄວ້ ວັນທີ 22 ພະຈິກ 2010.

ເຈົ້າ​ໜ້າ​ທີ່​ກໍາປູ​ເຈ​ຍກ່າວ​ວ່າ ຢ່າງ​ນ້ອຍ​ປະຊາຊົນ 378 ຄົນ
ເສຍຊີວິດ​ ແລະ​ຫລາຍ​ຮ້ອຍ​ຄົນໄດ້​ຮັບ​ບາດ​ເຈັບ ​ໃນ​ການ
ແຕກ​ຕື່ນແລະເອົາ​ໂຕແລ່ນ​ໜີ​ໃນ​ວັນ​ຈັນ​ວານ​ນີ້ ​ໃນ​ງານ​ບຸນ
ທີ່​ສໍາຄັນ​ບັ້ນ​ນຶ່ງ ໃນ​ນະຄອນຫລວງພະນົມ​ເປັນ.

ທາງ​ການ​ກໍາປູ​ເຈ​ຍ ກ່າວ​ວ່າພວກ​ທີ່​ໄດ້​ຮັບ​ເຄາະ​ຮ້າຍ​ສ່ວນ​
ຫລາຍພາກັນ​ແລ່ນ​ແຫຍ້​ກັນແລະ​ຫາຍ​ໃຈ​ບໍ່​ໄດ້ ​ເວລາ​ພວກ​
ຝູງ​ຊົນ​ຢູ່​ໃນ​ເກາະນຶ່ງ​ ໃນແມ່​ນໍ້າທະ​ເລ​ສາບ ​ແຕກ​ຕື່ນ​ກັນ
ແລະ​ພາກັນ​ຟ້າວ​ແລ່ນ​ຂ້າມ​ຂົວ​ໄປ. ພວກ​ທີ່ເຫັນ​ເຫດການ
ກ່າວ​ວ່າ ປະຊາຊົນ​ບາງ​ຄົນ​ພາກັນຕາຍ​ດຶກ​ນໍ້າ​ຫລັງຈາກ ກະ​ໂດດ ຫລື​ບໍ່​ກໍ​ຕົກລົງໄປ​ໃສ່​ແມ່​ນໍ້ານັ້ນ.

ໃນ​ການ​ກ່າວຖະ​ແຫລ​ງ​ໃນ​ຕອນ​ເຊົ້າ​ວັນ​ອັງຄານ​ມື້​ນີ້ ນາຍົກ
ລັດ​ມົນຕີຮຸນເຊນ​ແຫ່ງ​ກໍາປູ​ເຈຍ ເອີ້ນ​ຄວາມ​ສັບສົນ​ວຸ້ນວາຍ
ທີ່​ວ່ານີ້​ວ່າເປັນ​ໂສກນາດຕະ​ກໍາ​ຄັ້ງ​ໃຫຍ່​ທີ່​ສຸດ​ ທີ່​ປະ​ທະ​ປະ
ເທດຊາດ ນັບ​ແຕ່​ພວກ​ຄອມ​ມີ​ວນິດ​ຂະ​ເໝນ​ແດງ​ໄດ້​ປົກຄອງ​ປະ​ເທດດ້ວຍ​ການ​ສ້າງຄວາມ
ຢ້ານກົວ​ຂູ່​ເຂັນ​ປະຊາຊົນໃນຊຸມ​ປີ 1970 ນັ້ນ. ທ່ານ​ຮຸນເຊນ ​ໄດ້​ສັ່ງ​ໃຫ້​ທໍາ​ການ​ສືບສວນ
ສອບ​ສວນ​ກຽວ​ກັບ​ເຫດການ​ດັ່ງກ່າວ ​ແລະ​ປະກາດ​ເອົາ​ວັນ​ພະຫັດ​ສັບປະດານີ້ ​ເປັນ​ວັນໄວ້​
ອາ​ໄລ​ອາວ​ອນ​ແຫ່ງ​ຊາດ​ ນໍາ​ພວກ​ທີ່​ໄດ້​ຮັບ​ເຄາະ​ຮ້າຍ​ໃນ​ຄັ້ງ​ນີ້.

XS
SM
MD
LG