ລິ້ງ ສຳຫລັບເຂົ້າຫາ

ວັນອັງຄານ, ໑໘ ມິຖຸນາ ໒໐໒໔

ກໍາປູເຈຍກ່າວວ່າ ບໍ່ມີຜູ້ໃດຜິດ ໃນເຫດ ໂສກນາດຕະກໍາ ແຫຍ້ກັນຕາຍ


ພວງມາລາ ດອກໄມ້ ແລະອາຫານການກິນ ໄດ້ຖືກນໍາມາວາງໄວ້ ເພື່ອໄວ້ອາໄລແດ່ພວກທີ່ເສຍຊີວິດ ໃນເຫດໂສກນາດຕະກໍາ ໃນເທດສະການບຸນຊ່ວງເຮືອ ທີ່ພະນົມເປັນ ເມື່ອວັນທີ 22 ພະຈິກ.
ພວງມາລາ ດອກໄມ້ ແລະອາຫານການກິນ ໄດ້ຖືກນໍາມາວາງໄວ້ ເພື່ອໄວ້ອາໄລແດ່ພວກທີ່ເສຍຊີວິດ ໃນເຫດໂສກນາດຕະກໍາ ໃນເທດສະການບຸນຊ່ວງເຮືອ ທີ່ພະນົມເປັນ ເມື່ອວັນທີ 22 ພະຈິກ.

ນາຍົກລັດຖະມົນຕີກໍາ​ປູເຈ​ຍ ກ່າວ​ໃນ​ວັນ​ຈັນ​ມື້​ນີ້​ວ່າ ຈະ​ບໍ່​ມີ​ການ​ຕັ້ງ​ຂໍ້ຫາ​ໃສ່​ຜູ້​ໃດ​ທັງ​ສິ້ນ​ ໃນ​ເຫດ​ການ​ແຕກ​ຕື່ນ​ແຫຍ້​ຢຽບ​ກັນ​ຕາຍ​ ທີ່​ເ​ກີດ​ຂຶ້ນ​ໃນ​ລະຫວ່າງ​ບຸນຊ່ວງ​ເຮືອອາທິດ​ແລ້ວ​ນີ້​ ທີ່​ພາ​ໃຫ້​ມີ​ຜູ້ເສຍ​ຊີວິດ​ເຖິງ 351 ຄົນ​ນັ້ນ.

ເທດ​ສະການ​ບຸນຊ່ວງ​ເຮືອປະ​ຈໍາປີ​ຂອງກໍາປູເຈ​ຍ​ໄດ້​ສິ້ນ​ສຸດ​
ລົງ​ໃນ​ວັນ​ຈັນ​ແລ້ວ​ນີ້​ດ້ວຍ​ຄວາມໂສ​ກນາດຕະກໍາ ເມື່ອ​ຝູງ​
ຊົນ​ເກີດ​ຄວາມຕື່ນ​ຕົກ​ໃຈ​ ຕອນ​ທີ່​ຍ່າງ​ຂ້າມຂົວທີ່​ອັດ​ແອ​ໄປ
ດ້ວຍ​ຜູ້​ຄົນລະຫວ່າງ​ນະຄອນຫລວງ​ພະນົມ​ເປັນ​ກັບດອນ
ບ່ອນ​ຈັດງານ​ນັ້ນ.

ນາຍົກລັດຖະມົນຕີ ຮຸນ​ ເ​ຊນ ກ່າວໃນ​ມື້​ນີ້ ໃນ​ພິທີ​ເປີດອາຄານ​ໃໝ່​ຫລັງ​ນຶ່ງຂອງລັດຖະ
ບານ​ ໃນ​ນະຄອນຫລວງ​ພະນົມ​ເປັນວ່າ​ ​ໂສກ​ນາດຕະກໍາ​ຄັ້ງ​ນີ້​ແມ່ນ​ເປັນ ຄວາມ​ຮັບຜິດ
ຊອບ​ຂອງ​ລັດຖະບານ​ເອງ​ ແລະກ່າວ​ວ່າ “ມັນ​ເປັນບົດຮຽນທາງ​ປະວັດ​ສາດ​ທີ່​ພວກ​ເຮົາ
ຕ້ອງ​ຈົດ​ຈໍາ”.

ແຕ່​ທ່ານ​ຍັງ​ກ່າວ​ຕື່ມ​ວ່າ ຈະບໍ່​ມີ​ເຈົ້າ​ໜ້າ​ທີ່​ລັດຖະບານ​ຜູ້​ໃດ ​ເປັນ​ຜູ້​ຮັບຜິດຊອບ​ກ່ຽວ​ກັບ
ເຫດການ​ຄັ້ງນີ້. ​ແລະ​ໄດ້​ເອີ້ນ​ຄໍາຮຽກຮ້ອງ​ໃຫ້ພວກເຈົ້າ​ໜ້າ​ທີ່ອະ​ວຸ​ໂສລາ​ອອກ​ນັ້ນ
ວ່າ​ມີ​ສາ​ເຫດ​ທາງການ​ເມືອງ.

ທາງ​ການກໍ​ປູ​ເຈຍ​ກ່າວ​ວ່າ ລາຍ​ງານ​ໂດຍ​ເຕັມ​ກ່ຽວ​ກັບໂສກ​ນາດຕະກໍາ​ດັ່ງ​ກ່າວຈະ​ຖືກ
ນຳ​ອອກ​ມາເປີດ​ເຜີຍໃຫ້​ຊາບ​ກັນ​ໃນ​ຫລາຍໆ​ມື້​ຂ້າງໜ້າ​ນີ້.

XS
SM
MD
LG