ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກຳປູເຈຍ ເຫັນພ້ອມນຳກັນ ກ່ຽວກັບ ສະມາຊິກ ກຳມະການ ເລືອກຕັ້ງ ທີ່ເປັນກາງ


ທ່ານ Sam Rainsy ກ່າວຄຳປາໄສ ຢູ່ທີ່ການຊຸມນຸມໃນ Phnom Penh ເມື່ອປີ 2013 ທີ່ກ່າວວ່າ ພັກ​ກູ້ຊາດ​ກຳປູ​ເຈຍ​ ຫຼື CNRP ຂອງທ່ານ ອາດສະໜັບສະໜຸນ ທ່ານ Hang Puthea ຜູ້ທີ 9 ເປັນສະມາຊິກ ຂອງຄະນະເລືອກຕັ້ງແຫ່ງຊາດ ທີ່ເປັນກາງ.
ທ່ານ Sam Rainsy ກ່າວຄຳປາໄສ ຢູ່ທີ່ການຊຸມນຸມໃນ Phnom Penh ເມື່ອປີ 2013 ທີ່ກ່າວວ່າ ພັກ​ກູ້ຊາດ​ກຳປູ​ເຈຍ​ ຫຼື CNRP ຂອງທ່ານ ອາດສະໜັບສະໜຸນ ທ່ານ Hang Puthea ຜູ້ທີ 9 ເປັນສະມາຊິກ ຂອງຄະນະເລືອກຕັ້ງແຫ່ງຊາດ ທີ່ເປັນກາງ.

ພັກຝ່າຍ​ຄ້ານກຳປູ​ເຈຍກ່າວ​ວ່າ ຕົນ​ໄດ້​ຕັດສິນ​ໃຈທີ່​ຈະສະໜັບ
ສະໜຸນ ຜູ້​ສະໝັກທີ່​ເປັນ​ກາງ ທີ່ນາຍົກລັດຖະມົນຕີ Hun Sen
ມັກນັ້ນ ເພື່ອເຂົ້າຮັບຕຳແໜ່ງ ໃນ​ຄະນະກຳມະ​ການ​ເລືອກ​ຕັ້ງ
​ແຫ່ງ​ຊາດ ຫຼື NEC.

ທ່ານ Sam Rainsy ຜູ້ນຳ​ຂອງ​ພັກ​ກູ້ຊາດ​ກຳປູ​ເຈຍ​ ຫຼື CNRP
ກ່າວ​ໃນ​ວັນ​ພະ​ຫັດ​ວານ​ນີ້ ວ່າ ມັນ​ເປັນ​ການ​ງາຍ​ດາຍ ສຳ​ຫລັບ
​ທ່ານ ​ທີ່​ຈະ​ສະໜັບສະໜຸນ ທ່ານ Hang Puthea ​ທີ່​ບໍລິຫານງານ
ອົງການ​ກວດກາ ​ການ​ເລືອກ​ຕັ້ງທີ່​ເປັນອິດ​ສະຫລະນັ້ນ.

ທ່ານ Sam Rainsy ​ເວົ້າວ່າ “ທ່ານ Hang Puthea ​ໄດ້​ທຳງານ​ກັບ ທ່ານນາງ Pung Chhiv Kek ມາ​ໄດ້ 17 ປີ​ແລ້ວ. ພວກ​ເຂົາ​ເຈົ້າທັງ​ສອງ ​ແມ່ນ​ຄື​ຄົນ​ດຽວ​ກັນ. ລາວ​ຕ້ອງ​ມີ​ ​ຕຳ​ແໜ່​ງອັນດຽວ​ກັນມີຄວາມ​ສັດຊື່​ ​ແລະ ມີການ​ຕັດສິນ​ໃຈ​ທີ່​ເດັດຂາດ. ​ເພາະສະນັ້ນ ຄັນ​ຈະ​ເອົາ ທ່ານ Hang Puthea ​ກໍ​ເປັນ​ທີ່​ເພິ່ງ​ພໍ​ໃຈ ຖ້າ​ຫາ​ກວ່າ​ພວກ​ເຮົາ​ບໍ່​ສາມາດ ​ເອົາ ທ່ານນາງ Pung Chhiv Kek.”

ທ່ານນາງ Pung Chhiv Kek ​ຊຶ່ງເປັນ​ຜູ້​ສະໝັກ​ຄົນ​ທຳ​ອິດ ເອົາຕຳ​ແໜ່​ງດັ່ງກ່າວ ​ ກ່າວ​ໃນ​ອາທິດ​ນີ້ ວ່າ ທ່ານນາຈະ​ບໍ່​ຮັບ​ເອົາ​ຕຳ​ແໜ່​ງ​ນັ້ນ ​ເພາະວ່າ ມັນ​ຈະ “​ເປັນ​ໄປ​ບໍ່​ໄດ້” ​ເພື່ອ​ທີ່​ຈະ​ຮັກສາ​ໄວ້ ເພື່ອຄວາມ ​ເປັນ​ອິດ​ສະຫລະທາງ​ດ້ານ​ການ​ເມືອງ ຂອງກຳມະການ NEC.

ພັກ​ຝ່າຍ​ຄ້ານ ​ໄດ້​ຕອບ​ໂດຍ​ກ່າວ​ວ່າ ຕົນ​ຢາກ​ໃຫ້​ພິຈາລະນາ ຜູ້​ສະໝັກ​ອີກ 3 ທ່ານ. ​ແຕ່ ທ່ານ Hun Sen ກ່າວ​ວ່າ ທ່ານ ຈະ​ຕົກລົງ​ເອົາ​ພຽງ​ແຕ່ ທ່ານ Heng Puthea ​ເທົ່າ​ນັ້ນ.

XS
SM
MD
LG