ລິ້ງ ສຳຫລັບເຂົ້າຫາ

ວັນອາທິດ, ໒໑ ເມສາ ໒໐໒໔

ພັກ​ຝ່າຍ​ຄ້ານ​ກຳ​ປູ​ເຈ​ຍ ຫວັງ​ວ່າ ຈະ​ໄດ້​ຮັບ​ຄະ​ແນນ​ສຽງ​ຕື່ມ​ຂຶ້ນ ໃນ​ການ​ເລືອກ​ຕັ້ງ ເດືອນ​ກໍ​ລະ​ກົດ


​ພວກ​ນັກ​ເຄື່ອນ​ໄຫວ​ຂອງ​ພັກ​ແສງ​ທຽນ ແລະ​ຜູ້​ສະ​ໜັບ​ສະ​ໜຸນ ໄປ​ຮ່ວມກອງ​ປະ​ຊຸມ​ພິ​ເສດ​ຂອງ​ພັກ ທີ່​ແຂວງສຽມ​ຣຽບ ​ເມື່ອ​ວັນ​ທີ 11 ກຸມ​ພາ 2023.
​ພວກ​ນັກ​ເຄື່ອນ​ໄຫວ​ຂອງ​ພັກ​ແສງ​ທຽນ ແລະ​ຜູ້​ສະ​ໜັບ​ສະ​ໜຸນ ໄປ​ຮ່ວມກອງ​ປະ​ຊຸມ​ພິ​ເສດ​ຂອງ​ພັກ ທີ່​ແຂວງສຽມ​ຣຽບ ​ເມື່ອ​ວັນ​ທີ 11 ກຸມ​ພາ 2023.

“ປ່ຽນ​ແ​ປງ​ຫຼື​ບໍ່​ປ່ຽນ​ແປງ” ຜູ້​ປະ​ກາດ​ໄດ້​ຕັ້ງ​ຄຳ​ຖາມ ທີ່ກອງ​ປະ​ຊຸມ​ແຫ່ງ​ຊາດ​ເທື່ອ​ທຳ​ອິ​ດຂອງ​ພັກ​ແສງ​ທຽນ.

“ປ່ຽນ​ແປງ! ປ່ຽນ​ແປງ! ປ່ຽນ​ແປງ! ນັ້ນ​ຄື​ສຽງ​ໂຮ່​ຮ້ອງ​ຂອງ​ພວກ​ນັກ​ເຄື່ອນ​ໄຫວ​ແລະ​ສະ​ໜັບ​ສະ​ໜຸນ​ປະ​ມານ 7,000 ຄົນ​ຂອງ​ພັກ ທີ່ເປັນ​ຜູ້ຕາງ​ໜ້າ​ໃຫ​ແກ່​ພັກ​ປະ​ຊາ​ຊົນ​ກຳ​ປູ​ເຈຍ​ທີ່​ປົກ​ຄອງ​ປະ​ເທດ​ມາ​ເປັນ​ເວ​ລາ​ດົນ​ນານພາຍ​ໃຕ້​ການ​ນຳ​ພາ​ຂອ​ງ​ນາ​ຍົກ​ລັດ​ຖະ​ມົນ​ຕີ​ຮຸນ​ເຊນ ພວມ​ປະ​ເຊີນ​ໜ້າ ​ໃນ​ການ​ເລືອກ​ຕັ້ງ​ແຫ່ງ​ຊາດ​ຊຶ່ງ​ຈະ​ມີ​ຂຶ້ນ​ເດືອນ​ກໍ​ລະ​ກົດ​ນີ້.

ສຽງ​ຮຽກ​ຮ້ອງ​ແລະ​ຕອບ​ຮັບ​ໄດ້​ດັງ​ຂຶ້ນ​ຈາກ​ຝູງ​ຊົນທີ່​ໄປ​ເຕົ້າ​ໂຮມ​ກັນ​ໃນ​ຕົ້ນ​ເດືອນ​ກຸມ​ພາ​ຜ່ານ​ມາ ຢູ່​ໃນ​ເຂດ​ຊານ​ເມືອງ​ ຂອງ​ນະ​ຄອນ​ ສຽມ​ຣຽບ ຊຶ່ງ​ເປັນ​ທີ່​ຮູ້​ກັນ​ດີ​ຍ້ອນ​ເປັນ​ທີ່​ຕັ້ງ​ຂອງ​ປາ​ສາດ​ຫີນ​ອັງ​ກໍ​ວັດ.

ພວກ​ທີ່​ໄປ​ຮ່ວມ​ ໄດ້​ສະ​ທ້ອນ​ໃຫ້​ເຫັນ​ການ​ໂຮມ​ຊຸມ​ນຸມ​ທີ່​ອຶກ​ກະ​ທຶກນອງ​ນັນ​ຂອງ​ພັກ​ກູ້​ຊາດ​ກຳ​ປູ​ເຈຍ ​ຫຼື CNRP ຊຶ່ງ​ໄດ້​ຮັບ​ການ​ສະ​ໜັບ​ສະ​ໜຸນ ​ຂອງ​ປະ​ຊາ​ຊົນ ຢ່າງ​ໃຫຍ່ ແລະ​ປະ​ສົບ​ຄວາມ​ສຳ​ເລັດ ​ໃນ​ການ​ເລືອກ​ຕັ້ງ​ແຫ່ງ​ຊາດ ​ໃນ​ປີ 2013 ແລະການ​ເລືອກ​ຕັ້ງ​ຊຸມ​ຊົນ​ໃນ​ປີ 2017 ກ່ອນ​ທີ່​ຈະ​ຖືກ​ທັບ​ມ້າງ ​ໂດຍ​ສານ ​ຂອງ​ປະ​ເທດ​ດັ່ງ​ກ່າວ ເຮັດ​ໃຫ້​ພວກ​ຜູ້​ນຳ​ຫຼາຍໆ​ຄົນ​ຕ້ອງ​ໄດ້​ໄປ​ລີ້​ໄພ​ຢູ່​ຕ່າງ​ປະ​ເທດ.

ໃນ​ຂະ​ນະ​ທີ່​ພັກ ໄດ້​ຢືມ​ສັນ​ຍາ​ລັກ​ ຂອງ​ຂະ​ບວນ​ການ ທີ່​ເລີ້ມ​ຂຶ້ນ​ໂດຍ​ຜູ້​ນຳ​ພັກ​ຝ່າຍ​ຄ້ານ ທ່ານ​ແຊມ ຣັງ​ສີ ຄື​ທຽນສີ​ຂາວ​ ແລະ​ແສງ​ທຽນ​ສີ​ເຫຼືອງ​ແກ່ ແຕ່​ທ່ານ ກໍ​ບໍ່​ໄດ້​ມີ​ສ່ວນ​ກ່ຽວ​ຂ້ອງ​ໃດໆ​ຢ່າງ​ເປັນ​ທາງ​ການ ຍ້ອນບັນ​ຫາ​ທາງ​ດ້ານ​ກົດ​ໝາຍ
​ຂອງ​ຜູ້​ກ່ຽວ ແລະ​ບາງ​ຄົນ​ຄາດ​ວ່າ ພັກ​ດັ່ງ​ກ່າວ​ແມ່ນ​ຍາກທີ່​ຈະ​ໄດ້​ຮັບ​ບ່ອນນັ່ງ​ຢູ່ ​ໃນ​ສະ​ພາ ໃກ້​ຄຽງ​ກັບ​ຈຳ​ນວນ 55 ບ່ອນ ທີ່​ພັກ​ຝ່​າຍ​ຄ້ານ CNRP ເຄີຍ​ໄດ້​ຮັບ​ເມື່ອ​ນຶ່ງ​ທົດ​ສະ​ວັດ​ກ່ອນ.

ອ່ານ​ຂ່າວ​ນີ້​ຕື່ມ​ເປັນ​ພາ​ສາ​ອັງ​ກິດ

XS
SM
MD
LG