ລິ້ງ ສຳຫລັບເຂົ້າຫາ

ກໍາປູເຈຍ ບໍ່ຮັບຄໍາຮ້ອງ ສະໝັກເລືອກຕັ້ງ ຂອງ ທ. ຣັງສີ


ຄະນະກໍາມະການເລືອກຕັ້ງ ກໍາປູເຈຍ ປະຕິເສດຄໍາຮ້ອງສະມັກ ຂອງ ທ່ານ Sam Rainsy.
ຄະນະ​ກໍາ​ມະ​ການ​ເລືອກ​ຕັ້ງກໍາປູ​ເຈ​ຍ ​ໄດ້​ປະ​ຕິ​ເສດບໍ່​ຮັບ​ເອົາ​ຄໍາ​
ຮ້ອງ​ຂອງຜູ້​ນໍາ​ຝ່າ​ຍຄ້ານທ່ານ Sam Rainsy ​ທີ່ສະໝັກ​ເຂົ້າແຂ່ງ
ຂັນໃນການ​ເລືອກຕັ້ງ​ສະພາ ​ແຫ່ງ​ຊາດ ຊຶ່ງ​ກຳ​ຈະ​ມີ​ກໍານົດ​ ໃນ​ວັນ
​ອາທິດຈະ​ມາ​ເຖິງ​ນີ້.

ຢູ່​ໃນ​ໜັງສືສົ່ງ​ເຖິງ ທ່ານ Sam Rainsy ​ໃນ​ວັນ​ຈັນ​ວານ​ນີ້ ຄະນະ​
ກໍາ​ມະ​ການ​ເລືອກ​ຕັ້ງ​ແຫ່ງ​ຊາດກໍາປູ​ເຈຍ ກ່າວ​ວ່າ ທ່ານ​ໄດ້​ຍື່ນ​ຄໍາ​
ຮ້ອງ​ຊ້າ​ເກີນ​ໄປຫລັງ​ຈາກ​ໄດ້​ກັບ​ຄືນ​ມາແຕ່ການ​ລີ້​ໄພ ​ໃນ​ອາທິດ​
ແລ້ວ​ນີ້.

ທ່ານ​ໄດ້​ຍື່ນຄໍາ​ຮ້ອງ​ໃນ​ວັນ​ອາທິດ​ແລ້ວ ສອງ​ມື້​ ຫລັງ​ຈາກ​ໄດ້​ກັບ​
ຄືນມາ​ເຖິງ​ນະ ຄອນ​ຫຼວງພະນົມ​ເປັນ ຈາກຝຣັ່ງ ບ່ອນ​ທີ່​ທ່ານ​ໄດ້​
ອາ​ໄສ​ຢູ່​ຕັ້ງ​ແຕ່​ປີ2009ເປັນ ຕົ້ນມາ. ທ່ານ​ໄດ້​ປະ​ເຊີນ​ໜ້າ​ກັບ​ການ​
ຕິ​ດຄຸກ 11 ປີ ຫລັງ​ຈາກ​ການ​ຕັດສິນ​ລົງໂທດ ແບບ​ລັບຫຼັງໃນ
​ຫຼາຍໆຂໍ້ຫາ ຊຶ່ງ​ທ່ານ​ກ່າວ​ວ່າ ​ມີ​ຈຸດປະສົງ​ທາງການ​ເມືອງ.

ກະສັດ​ Norodom Sihamoni ​ແຫ່ງ​ກຳປູ​ເຈຍຊົງ​ປະທານ​ອະ​ໄພໂທດ​ໃຫ້​ແກ່ ທ່ານ
Sam Rainsy ເມື່ອ​ຫລາຍ​ໆມື້​ທີ່​ຜ່ານ​ມາ ​ໂດຍ​ຄໍາ​ຮ້ອງ​ຂໍ​ຈາກນາຍົກລັດ ຖະມົນຕີທີ່
ປົກຄອງ​ປະ​ເທດ​ມາ​ເປັນ​ເວລາ​ດົນ​ນານ ທ່ານ Hun Sen ຊຶ່​ເປັນ​ຄູ່​ປໍ ລະ​ປັກ​ຂອງຜູ້​ນໍາ​
ຝ່າຍ​ຄ້ານນັ້ນ. ທ່ານ Hun Sen ກ່າວ​ວ່າ ທ່ານ​ໄດ້ຮ້ອງຂໍ​ໃຫ້ ປະທານ​ອະ​ໄພ​ຍະ​ໂທດ​
ໃຫ້ກໍ​ເພື່ອ​ເຫັນ​ແກ່ຜົນ​ປະ​ໂຫຍ​ດ​ໃນ​ການ​ສ້າງ​ຄວາມ​ປອງ ດອງ​ຊາດ ກ່ອນ​ໜ້າການ​
ເລືອກ​ຕັ້ງ ​ໃນ​ວັນ​ທີ 28 ​ເດືອນ​ກໍລະກົດ.

ນາຍົກລັດຖະມົນຕີ Hun Sen ​ໄດ້​ກໍາ​ອໍານາດ​ມາ​ໄດ້ 28 ປີ​ແລ້ວ. ພວກ​ຕຳ​ໜິ ຕິຕຽນ
​ຂອງ​ທ່ານເຫັນ​ວ່າທ່ານ​ເປັນຜູ້​ປົກຄອງ​ທີ່​ໃຊ້​ອໍານາດ​ແບບ​ຜະ​ເດັດ​ການ​ໂດຍ ທີ່ພັກ​ປະ
ຊາ​ຊົນ​ກໍາປູ​ເຈຍ ​ໄດ້​ຄອບງຳ​ລະບົບ​ບໍລິຫານ​ງານຂອງ​ລັດ.
XS
SM
MD
LG