ສານສູງສຸດຂອງກໍາປູເຈຍເຫັນດີນໍາການຕັດສິນລົງໂທດຈໍາຄຸກເປັນເວລາ 2 ປີ ສໍາລັບທ່ານຊໍາແຣງສີ ຜູ້ນໍາຝ່າຍຄ້ານທີ່ມີຊື່ສຽງຫລາຍທີ່ສຸດຂອງກໍາປູເຈຍ.
ສານສູງກ່າວໃນວັນອັງຄານມື້ນີ້ວ່າ ສານຊັ້ນຕົ້ນໄດ້ຕັດສິນຖືກຕ້ອງແລ້ວໃນເດືອນມັງກອນປີ 2010 ນັ້ນເວລາສານດັ່ງກ່າວພົບວ່າທ່ານຊໍາແຣງສີມີຄວາມຜິດແທ້ໃນຂໍ້ຫາເປັນຜູ້ນໍາພາການປະທ້ວງດ້ານການເມືອງໃນລະຫວ່າງທີ່ທ່ານໄດ້ໄປຖອນຫລັກໝາຍຊາຍແດນຫລາຍຫລັກໃນເຂດຊາຍແດນພາກຕາເວັນອອກຂອງກໍາປູເຈຍຕິດກັບຫວຽດນາມນັ້ນ.
ທ່ານຊໍາແຣງສີ ຊຶ່ງປັດຈຸບັນລີ້ໄພຢູ່ໃນກຸງປາຣີ ຍັງປະເຊີນ
ກັບການລົງໂທດຈຳຄຸກ 10 ປີເຊ່ນກັນ ຍ້ອນໄດ້ກ່າວຫາ
ກ່ຽວກັບການລ່ວງລໍ້າຊາຍແດນຂອງຫວຽດນາມ ເຂາມາເອົາ
ດິນກຳປູເຈຍຢູ່ໃນ Website ຂອງທ່ານ. ທັງສອງສານ
ມີຄວາມໝັ້ນໃຈວ່າ ການກ່າວຫາຂອງທ່ານຊໍາແຣງສີນັ້ນ ບຖືກຕອງ.
ພວກສະມາຊິກພັກຝ່າຍຄ້ານຂອງທ່ານຊໍາແຣງສີ ແລະພວກກຸ່ມປົກປ້ອງສິດທິມະນຸດບາງກຸ່ມ
ພາກັນກ່າວອ້າງວ່າ ການດໍາເນີນຄະດີດັ່ງກ່າວນີ້ມີວັດຖຸປະສົງທາງດ້ານການເມືອງ ແລະວ່າ
ພວກສານດັ່ງກ່າວໄດ້ດໍາເນີນການໄປຕາມຄຳສັ່ງຂອງລັດຖະບານ. ການຕັດສິນຄວາມຜິດ
ທີ່ວ່ານີ້ ມີທ່າທາງວ່າຈະເຮັດໃຫ້ຝ່າຍຄ້ານອ່ອນແອລົງ ກ່ອນການເລືອກຕັ້ງປະຈຳທ້ອງຖິ່ນ
ຕ່າງໆໃນປີໜ້າ ແລະການເລືອກຕັ້ງສະພາ ໃນປີ 2013 ນັ້ນ.
