ລິ້ງ ສຳຫລັບເຂົ້າຫາ

ພັກຝ່າຍຄ້ານ ກໍາປູເຈຍ ບໍ່ຍອມຮັບເອົາ ຜົນການເລືອກຕັ້ງ (ສະໄລດ໌)


ທ່ານ Sam Rainsy (ກາງ) ປະທານພັກກູ້ຊາດ ຫລື CNRP ກ່າວຕໍ່ກອງປະຊຸມນັກຂ່າວ.
ພັກ​ຝ່າຍ​ຄ້ານ​ທີ່ສໍາຄັນ ​ຂອງກໍາປູ​ເຈຍ ​ໄດ້​ປະຕິ​ເສດ​ບໍ່​ຍອມຮັບ​
ເອົາຜົນ​ການ​ເລືອກ​ຕັ້ງສະພາ​ແຫ່ງ​ຊາດແລະ​ຮຽກຮ້ອງ​ໃຫ້​ມີ​ການ
​ສືບສວນ ກ່ຽວ​ກັບ​ການ​ກ່າວ​ຫາທີ່​ວ່າ ມີ​ການ​ສໍ້​ໂກງ​ຄະ​ແນນ​ສຽງ
ຢ່າງ​ແຜ່​ກວ້າງ​ ຢູ່​ໃນການ​ເລືອກຕັ້ງ​.

ພັກ​ປະຊາຊົນກໍາ​ປູ​ເຈຍຫຼື CPP ຂອງນາຍົກລັດຖະມົນຕີ Hun
Sen ​ໄດ້ອ້າງ​ເອົາ​ໄຊຊະນະ​ ຢ່າງ​ຫວຸດຫ​ວິດ ​ໃນການ​ປ່ອນ​ບັດ​
ເມື່ອ​ວັນ​ອາທິດ​ແລ້ວ​ນີ້ ​ໂດຍຍອມຮັບວ່າ​ ​ເປັນ​ການ​ໄດ້​ຮັບ​ຄະ
​ແນນ​ສຽງ​ທີ່ອ່ອນ​ແອ​ຫຼືໜ້ອຍທີ່​ສຸດນັບ​ຕັ້ງ​ແຕ່​ຕົນ​ໄດ້​ມີບົດ​ບາດ
ຄອບງໍາການ​ເມືອງ​ຂອງ​ກໍາປູ​ເຈຍ​ມາ​ເກືອບ​ສາມ​ທົດ​ສະ​ວັດແລ້ວ
ນັ້ນ.

ບໍ່​ດົນ ຫລັງ​ຈາກ​ໜ່ວຍ​ປ່​ອນບັດ​ໄດ້​ປິດ​ລົງ ພັກ CPP ກ່າວ​ວ່າ ຕົນ​ໄດ້​ຊະນະ 68 ບ່ອນ​ນັ່ງ ​ຂອງ​ຈໍາ​ນວນ​ບ່ອນ​ນັ່ງ​ທັງ​ໝົດ 123 ບ່ອນ​ຢູ່​ໃນ​ສະພາ​ແຫ່ງ​ຊາດ ​ຊຶ່ງເປັນ​ການ​ຫລຸດ​ລົງ​ຢ່າງ​ຫລວງ​ຫລາຍ​ຈາກ 90 ບ່ອນນັ່ງ ທີ່​ຕົນ​ໄດ້​ຮັບມາ​ແຕ່​ກ່ອນ.

ພັກຝ່າຍຄ້ານທີ່​ສໍາຄັນ ຄືພັກກູ້ຊາດ​ກໍາປູ​ເຈຍ​ຫລື​ CNRP ​ໄດ້ຊະນະ​ 55 ບ່ອນ​ນັ່ງທີ່​ຍັງ​ເຫຼືອ ຊຶ່ງ​ເພີ້ມຂຶ້ນ​ເກືອ​ບສອງ​ເທົ່າ ຂອງຈໍານວນ 29 ບ່ອນ​ນັ່ງ​ ທີ່ພັກ​ດັ່ງ ກ່າວເຄີຍຄວບ​ຄຸ​ມ ຢູ່​ໃນ​ສະພາ​ ຊຸດ​ທີ່​ກໍາລັງ​ຈະ​ພົ້ນ​ອໍານາດ​ໄປ.

ພັກປະຊາຊົນ​ກຳປູ​ເຈຍ ປະກົດ​ວ່າ​ອ້າງ​ອິງ​ການ​ປະກາດ​ກ່ຽວ​ກັບ​ການ​ໄດ້​ຮັບ​ໄຊ​ຊະນະ
ຂອງ​ຕົນ​ ໃສ່​ຜົນການນັບ​ຄະ​ແນນ​ສຽງ​ເປັນ​ບາງ​ສ່ວນ ທີ່ນຳ​ອອກ​ເຜີຍ​ແຜ່​ໂດຍຄະນະ​ກໍາ
ມະການ​ເລືອກ​ຕັ້ງ​ແຫ່ງ​ຊາດ ຊຶ່ງ​ບໍ່​ຄາດ​ວ່າ​ຈະ​ເປີດ​ເຜີຍ​ຜົນ​ການ​ນັບ​ຄະ​ແນນ​ສຽງ​ຂັ້ນສຸດ​ທ້າຍ​ໃຫ້​ຮູ້ ​ໃນ​ອີກ​ຫຼາຍໆອາທິດຂ້າງ​ໜ້າ.

ຜູ້ນໍາພັກ CNRP ທ່ານ Sam Rainsy ​ໄດ້​ກ່າວ​ຕໍ່​ບັນດາ​ນັກ​ຂ່າວ ໃນ​ວັນ​ຈັນ​ວານ​ນີ້​ວ່າ ພັກ CNRP ຈະ​ບໍ່​ຮັບເອົາ​ຜົນ​ການ​ປ່ອນ​ບັດເລືອກ​ຕັ້ງ ​ເພາະ​ທ່ານ​ເຫັນ​ວ່າ ມີ​ການ​ສໍ້​ໂກງ​ຄະ​ແນນຢ່າງ​ແຜ່ກວ້າງ.

ທ່ານ​ເວົ້າວ່າ “ພວກ​ເຮົາຮຽກຮ້ອງ​ໃຫ້ ອົງການ​ຈັດຕັ້ງ​ທ້ອງ​ຖິ່ນ ​ແລະ​ນາໆ​ຊາດ ຈົ່ງ​ສົ່ງ​ພວກນັກ​ຊ່ຽວຊານ​ມາ​ດຽວ​ນີ້ ​ເພື່ອປະກອບ​ເປັນ​ພາກສ່ວນ​ຢູ່​ໃນ​ຄະນະ​ກໍາ​ມະ​ການ​ຮ່ວມ ​ເພື່ອສືບສວນ​ເບິ່ງ​ການ​ເຮັດ​ຜິດ​ລະບຽບ​ທັງ​ໝົດ ​ແລະ​ເພື່ອຊັ່ງຊາ ຕີ​ລາຄາ​ເບິ່ງ​ວ່າ​ມີ​ຜົນ​ກະທົບ​ແນວ​ໃດ​ຕໍ່ຜົນ​ການ​ເລືອກ​ຕັ້ງ.”

​ໂຄສົກ​ລັດຖະບານ​ກໍາປູ​ເຈຍ ທ່ານ Phay Siphan ກ່າວ​ຕໍ່ວີ​ໂອ​ເອວ່າ ການ​ປະກາດ​ຂອງ​ພັກຝ່າຍ​ຄ້ານ ​ແມ່ນ​ເປັນນິ​ໄສໃນການ​ປະພຶດເວລາ​ມີກາ​ນ​ເລືອກ​ຕັ້ງຊຶ່ງທ່ານກ່າວ​ວ່າ “ພັກ​ຝ່າຍ​ຄ້ານເຄີຍ​ໃຊ້​ການ​ກະທຳດັ່ງກ່າວມາ​ແລ້ວ ​ຫລັງ​ຈາກການ​ເລືອກ​ຕັ້ງທຸກໆ​ຄັ້ງ.”



XS
SM
MD
LG