ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ເຈົ້າຂອງສະຖານີວິທະຍຸອິດສະຫຼະ ໃນພະນົມເປັນ ຖືກຈັບກັກຂັງ (ວີດີໂອ)


Independent Cambodian Radio Station Runs Without Jailed Owner
please wait

No media source currently available

0:00 0:02:07 0:00
ລິງໂດຍກົງ

ວີດີໂອພາສາອັງກິດ ກ່ຽວກັບສະຖານີວິທະຍຸ ບີຮາຍ ທີ່ເຈົ້າຂອງຖືກຈັບກັກຂັງ ແລະກໍາລັງລໍຖ້າດໍາເນີນຄະດີ.

ຂະນະນີ້ ທ່ານ ມໍາ ໂຊນັນໂດ ເຈົ້າຂອງສະຖານີວິທະຍຸອິດສະຫຼະແຫ່ງນຶ່ງໃນກໍາປູເຈຍ ກໍາລັງຕິດຄຸກ ລໍຖ້າການ ດໍາເນີນຄະດີ ໃນຂໍ້ຫາທໍາການຕໍ່ຕ້ານລັດຖະບານຢ່າງເປີດເຜີຍ. ທ່ານ ມໍາ ເປັນນັກຂ່າວພຽງຄົນດຽວແລະເປັນ ຜູ້ປະກາດຄົນສໍາຄັນຂອງສະຖານີວິທະຍຸ ບີ ຮາຍ. ແຕ່ໃນຂະນະທີ່ ທ່ານ ມໍາ ໄດ້ຫາຍໜ້າໄປຈາກລາຍການ ອອກອາກາດ ຍ້ອນຖືກຈັບນັ້ນ ທ່ານກໍຍັງບໍ່ຖືກລືມເລືອນ ໂດຍສະເພາະໃນບັນດາແຟນໆຮັບຟັງລາຍການ ທີ່ ຈົ່ງຮັກພັກດີ ຂອງສະຖານີວິທະຍຸແຫ່ງນີ້.

ອາທິດນຶ່ງສອງ​ສາມ​ມື້​ ທ່ານ ມໍາ ​ໂຊ​ນັນ​ໂດ ​ເຈົ້າຂອງ​ສະຖານີ​ວິ​ທະ
​ຍຸ ບີ​ຮາຍ ຈະມາ​ອອກ​ອາກາດ​ໃນ​ເວລາ​ນີ້ ​ເພື່ອຄຸຍກັບ​ບັນດາຜູ້​
ໂທ​ເຂົ້າມາ. ​ແຕ່​ບັດ​ນີ້ ສະຖານີວິທະຍຸ​ແຫ່ງ​ນີ້ ບໍ່​ມີທ່ານມໍາ ມາດໍາ​
ເນີນ​ລາຍການ ແລະ​ຜູ້​ຟັງ ກໍ​ບໍ່ໄດ້​ຟັງ​ທ່ານອອກ​ອາກາດ ​ເພາະວ່າ
ທ່ານ​ກໍາລັງ​ນັ່ງຢູ່​ໃນ​ຄຸກ​ຢູ່ອີ​ກ ຟາກ​ນຶ່ງ​ຂອງ​ເມືອງ.

ເຟຍຣຸມ ດີ​ເຈ ຜູ້​ຈັດ​ລາຍການດົນຕີ ທີ່​ຮັບ​ໂທ​ລະ​ສັບ​ຂອງ​ຜູ້​ທີ່​ໂທ
​ເຂົ້າມາ ກ່າວ​ວ່າ ສະຖານີ Beehive ຍັງ​ອອກ​ອາກາດ​ຕໍ່​ໄປຢູ່.​ ​
ລາວເວົ້າ​ວ່າ :

“ບໍ່​ມີ​ຜົນ​ກະທົບກະ​ເທືອ​ນໃດໆ​ຕໍ່​ການ​ປະ​ຕິ​ບັດ​ານ​ຂອງ​ສະຖານີວິທະ​ຍຸ. ມັນ​ເປັນ​ເລຶ່ອງສ່ວນ​​ໂຕ​ຂອງທ່ານ​ປະທານ. ບັນດາ​ພະນັກ ງານ​ກໍມາ​ທໍາ​ງານ​ເປັນ​ປົກກະຕິ. ພະນັກງານ​ຫຼາຍ​ຄົນ​ປະຕິບັດ​ໜ້າ​ທີ່ຕາມ​ກົດ​ລະບຽບຂອງ​ສະຖານີ. ພວກ​ເຮົາ​ບໍ່​ຢ້ານ​ດອກ.”
ນາງ ດິນ ພະນາຣາ ເມຍຂອງທ່ານມໍາ ເວົ້າເຖິງສະຖານນະການຂອງວິທະຍຸບີຮາຍ ໃນລາຍການ Hello VOA.
ນາງ ດິນ ພະນາຣາ ເມຍຂອງທ່ານມໍາ ເວົ້າເຖິງສະຖານນະການຂອງວິທະຍຸບີຮາຍ ໃນລາຍການ Hello VOA.

ສະຖານີວິທະ​ຍຸ ບີ​ຮາ​ຍ ເປັນ​ນຶ່ງ​ໃນ​ຈໍານວນ​ສື່​ຂ່າວ​ອິດ​ສະຫຼະ
ທີ່​ມີ​ຢູ່ບໍ່​ເທົ່າ​ໃດແຫ່ງໃນ​ກໍາປູ​ເຈຍ ບ່ອນ​ທີ່​ຫຼາຍໆ​ສະຖານີຖືກ​
ຄວບ​ຄຸມ​ໂດຍ​ພັກການເມືອງ​ຕ່າງໆ. ລາຍການ​ອອກ​ອາກາດ
​ຂອງສະຖານີ ບີ​ຮາ​ຍນີ້ ​ແມ່ນ​ໄດ້​ຮັບ​ຄໍາ​ຊົມ​ເຊີຍ​ແລະມີ​ກະ​ແສ
​ຕອບ​ຮັບ​ຫຼາຍ​ ຈາກ​ວົງ​ການ​ນັກ​ເຄື່ອນ​ໄຫວ​ດ້ານ​ສິດທິ ຍ້ອນ​
ການ​ລາຍ​ງານ​ຂ່າວ​ສະໜັບສະໜຸນ​ບັນຫາ​ຕ່າງໆ​ ​ທີ່​ສະຖານີ​
ແຫ່ງ​ອື່ນໆ​ບໍ່​ເອົາ​ຫົວຊາ. ນອກນັ້ນ​ແລ້ວ ສະຖານີ​ວິທະ​ຍຸແຫ່ງນີ້
ຍັງ​ອອກ​ອາກາດ​ລາຍ ການ​ຂ່າວຂອງ​ວີ​ໂອ​ເອນໍາ.

ພວກ​ທີ່​ໂທລະສັບ​ເຂົ້າມາ ​ເຄີຍ​ໄດ້ໂອ້​ລົມ​ກັບ​ເຈົ້າຂອງສະຖານີ
ກ່ຽວ​ກັບ​ບັນຫາ​ຕ່າງໆທາງດ້ານ​ສັງຄົມ ​ແລະ​ຄວາມ​ບໍ່​ຍຸຕິ​ທໍາ. ບັດ​ນີ້ ທ່ານ ມໍາ ​ໂຊ​ນັນ​ໂດ
ກັບ​ໄດ້​ກາຍ​ເປັນຫົວ​ຂໍ້ຂອງລາຍການ​ອອກ​ອາກາດ​ ທີ່​ຄັ້ງນຶ່ງທ່ານເຄີຍ​ເປັນ​ຜູ້​ຈັດນັ້ນ. ຜູ້​ໂທລະສັບ​ເຂົ້າ​ມາຄົນ​ນຶ່ງ​ເວົ້າ​ວ່າ:

“ຂ້ອຍ​ຮ້ອງ​ຂໍ​​ໄປ​ຍັງ​ລັດຖະບານ​ ​ໃຫ້ປ່ອຍ​ຕົວ​ທ່ານ ມໍາ ​ໃຫ້​ອິດສະຫຼະພາບ​ແກ່​ທ່ານ
ເສຍ.
ພວກ​ເຮົາ​ເປັນ​ຜູ້​ຄໍ້າປະກັນ​ໃຫ້​ທ່ານ ພວກ​ເຮົາ​ມີ​ນໍາ​ກັນ 100,000 ຄົນ ​ແລະ​
ພວກເຮົາ​ຂໍໄປ​ຕິດ​ຄຸກ​ແທນ​ທ່ານ.”


ນີ້​ເວົ້າ​ໄດ້​ວ່າ ແມ່ນ​ເປັນ​ສະຖາະການ​ທີ່​ທ່ານ ມໍ​າ ​ໂຊ​ນັນ​ໂດ​ ຄຸ້ນ​ເຄີຍ​ດີຜູ້​ທີ່​ ​ເພາະວ່າ
ທ່ານ​ເຄີ​ຍຖືກຈໍາ​ຄຸກມາ​ກ່ອນສອງ​ເທື່ອແລ້ວ ຍ້ອນ​ການ​ລາຍ​ງານ​ຂ່າວ​ຂອງ​ທ່ານ. ​ເທື່ອ​ນີ້
​ທ່ານປະ​ເຊີນ​ກັບ​ການຈໍາ​ຄຸກ​ດົນ​ ​ເຖິງ 30 ປີ ​ໃນ​ຂໍ້​ຫາ​ພະ​ຍາມ​ຍາມ​ຈັດ​ຕັ້ງຂະ​ບວນການ
​ແບ່ງ​ແຍກ​ດິນ​ແດນ.

ພວກ​ທີ່​ສະໜັບສະໜຸນ​ທ່ານ ມໍາ ກ່າວ​ວ່າ ທ່ານ​ຕົກ​ເປັນເປົ້າໝາຍ​ຂອງ​ການ​ປະ​ຫັດ​ປະຫານ
​ຍ້ອນວ່າ​ທ່ານ​ໄດ້​ຕໍາ​ໜິຕິຕຽນລັດຖະບານ​ກໍາປູ​ເຈຍ ​ແລະ​ຍ້ອນ​ການ​ຂົ່ມ​ເຫັງ​ສິດທິ​ຂອງ​ປະຊາ
ຊົນ​ໂດຍ​ຜູ້ມີ​ອໍານາດ. ນາຍົກລັດຖະມົນ ຕີ ຮຸນ​ເຊ​ນ ປະຕິ​ເສດຕໍ່​ການ​ກ່າວ​ຫາ​ນັ້ນ.

ນາງ ດິນ ພາ​ນະຣາ ພັນ​ລະ​ຍາ​ຂອງ​ທ່ານ ມໍາ ​ໄດ້ເຂົ້າ​ມາ​ກໍາ​ໜ້າ​ທີ່ນໍາພາ​ ​ສະຖານີ​ວິ​ທະ​ຍຸ
​ແທນ​ສາມີ. ນາງ​ກ່າວ​ວ່າ ການ​ບໍ່​ມີໜ້າ​ຂອງ​ລາວຢູ່​ທີ່​ນີ້ ນັບ​ວ່າ​ມັນ​ເປັນ​ການ​ປ່ຽນ​ແປງ​ທີ່​
ໃຫຍ່​ຫຼາຍ​. ນາງ ດິນ ​ເວົ້າ​ວ່າ:

“ຍ້ອນ​ວ່າ ມໍາ ​ໂຊ​ນັນ​ໂດ ປຽບສະ​ເໝືອນ​ໝາກຫົວ​ໃຈ​ຂອງສະຖານີ​​ແຫ່ງ​ນີ້.

ນາງ ດິນ ບໍ່​ຍອມຮັບ​ຮູ້​ການ​ດໍາ​ເນີນ​ຄະດີ​ຂອງ​ສານ​ຕໍ່​ສາມີ​ຂອງ​ນາງ ຕະຫລອດ​ທັງ​ແນວ​ຄິດ​
ທີ່​ວ່າ ທ່ານ ມໍາ ວາງ​ແຜນ​ການຈະ​ແບ່ງ​ແຍກ​ດິນ​ແດນ​ຢູ່​ເຂດຊົນນະ​ບົດ ກຣະຕີ່ ທາງ​ພາກ​
ເໜືອ​ຂອງ​ກໍາປູ​ເຈຍ.

“ພວກ​ເຮົາ​ຈະ​ນໍາພາ​ຂະ​ບວນການ​ແບ່ງ​ແຍກ​ທີ່​ວ່າ​ນັ້ນ​ໄດ້​ຈັ່ງໃດ໋…ມີ​ຊາວ​ນາ
ຊາວ​ສວນ​ພຽງ​ສອງ​ສາມ​ຄົນ​
ທີ່ມີ​ລາຍ​ໄດ້​ລ້ຽງ​ຊີບ​ດ້ວຍ​ການ​ລ້ຽງ​ໄກ່​ລ້ຽງ​ໝູ​ຢູ່​
ສືບ​ມື້
​ໄປ. ພວກ​ເຮົາ​ຈະ​ແບ່ງ​ແຍກ​ໂດຍ​ວິທີໃດ໋..ມັນ​ບໍ່​ຈິງ ມັນ​ເປັນ​ໄປ​ບໍ່​ໄດ້.”

ຂະນະ​ນີ້ ​ສານ​ຍັງ​ບໍ່​ມີທັນ​ໄດ້ກໍາ​ນົດ​ເວລາ​ດໍາ​ເນີນ​ຄະດີ​ເທື່ອ ​ແລະ​ສະຖານີ ​ວິ​ທະ​ຍຸ ບີ​ຮາ​ຍວ໌
ກໍ​ອອກ​ອາກາດຕໍ່​ໄປ​ ໂດຍປາດ​ສະ​ຈາກ​ສຽງ​ຂອງ​ທ່ານ​ມໍາ ຜູ້​ປະກາດ​ຄົນ​ສໍາຄັນ ​ແລະບຸລຸດ
ຜູ້ຢູ່​ເບື້ອງ​ຫລັງສະຖານີ​ແຫ່ງ​ນີ້​ ທີ່​ເວລາ​ນີ້ ກໍາລັງຖືກກັກ​ຂັງໄວ້ ກ່ອນ​ການ​ດໍາ​ເນີນ​ຄະດີ ແລະ
ບັນດາຜູ້​ສະໜັບສະໜຸນ​ທ່ານ​ກໍ​ພາກັນ​ເປັນ​ຫ່ວງ​ນໍາ​ສຸຂະພາບ​ຂອງທ່ານ ນັ້ນ​ທີ່​ສຸດ.
XS
SM
MD
LG