ຄະນະໄອຍະການຂອງສານອາຊະຍາກຳສົງຄາມກຳປູເຈຍທີ່ໄດ້
ຮັບການສະໜັບສະໜຸນ ຈາກອົງການສະຫະປະຊາຊາດ ໄດ້ຂໍອຸ
ທອນ ຕໍ່ຄຳຕັດສິນຂອງສານ ທີ່ຈະປ່ອຍແມ່ຕູ້ leng Thirith ນ້ອງ
ໃພ້ທີ່ແກ່ຊະລາ ຂອງໂປນປົດ ມື້ລາງຜູ້ນໍາຂະເໝນແດງນັ້ນ.
ໃນຖະແຫຼງການສະບັບນຶ່ງ ທີ່ນຳອອກເຜີຍແຜ່ໃນວັນສຸກມື້ນີ້ ຄະ
ນະໄອຍະການ ກ່າວວ່າ ເຂົາເຈົ້າຕ້ອງການ ຢາກໃຫ້ມີຂໍ້ຈຳກັດ
ຢ່າງເຄັ່ງຄັດກ່ຽວກັບການປ່ອຍແມ່ຕູ້ leng Thirith ຊຶ່ງໃນມື້ວານ
ນີ້ ທາງສານໄດ້ພົບເຫັນວ່າບໍ່ເໝາະສົມທີ່ຈະຖືກດຳເນີນຄະດີໃນ
ຖານຂ້າລ້າງເຊື້ອຊາດເຜົ່າພັນແລະຂໍ້ຫາອື່ນໆ ຍ້ອນຜູ້ກ່ຽວເປັນ
ໂຣກຄວາມຈຳເຊື່ອມ.
ຄະນະໄອຍະການເວົ້າວ່າ ຂໍ້ຈຳກັດເຫຼົ່ານີ້ກໍແມ່ນເພື່ອຄໍ້າປະກັນບໍ່ໃຫ້ແມ່ຕູ້ leng Thirith ຫຼົບໜີອອກຈາກປະເທດຫຼືໄປຍຸ່ງກ່ຽວແຊກແຊງກັບພວກພະຍານທັງຫຼາຍ. ນອກນັ້ນພວກ ເຂົາເຈົ້າຍັງໄດ້ສະແດງຄວາມວິຕົກກັງວົນກ່ຽວກັບຄວາມປອດໄພຂອງແມ່ຕູ້ ແລະເວົ້າວ່າ ແມ່ຕູ້ຄົນນີ້ຄວນຖືກບັງຄັບໃຫ້ໄປກວດສຸຂະພາບເປັນປະຈຳ.
ສານອາຊະຍາກຳສົງຄາມກຳປູເຈຍ ກ່າວວ່າ ຕົນໄດ້ເລື່ອນເວລາໃນການປ່ອຍແມ່ຕູ້ອາຍຸ 80 ປີ ຊຶ່ງຄັ້ງນຶ່ງ ເຄີຍຖືກຂະໜານນາມວ່າ “ສັດຕີໝາຍເລກນຶ່ງ” ຂອງພວກຂະເໝນແດງ ນັ້ນ ໄປຈົນກວ່າຈົນເທົ່າມີການຕັດສິນກ່ຽວກັບການຂໍອຸທອນ.
ແມ່ຕູ້ leng Thirith ຖືກກ່າວຫາວ່າ ກໍ່ອາຊະຍາກໍາຕ້ານມະນຸດຊາດ ຂ້າລ້າງເຊື້ອຊາດເຜົ່າ
ພັນ ຄາດຕະກໍາ ທໍລະມານ ແລະປະຫັດປະຫານການເຊື່ອຖືສາສະໜາ ໃນລະຫວ່າງການ
ປົກຄອງຂອງຂະເໝນແດງ ແຕ່ປີ 1975 ຫາ 1979 ຊຶ່ງເຮັດໃຫ້ຊາວກໍາປູເຈຍປະມານ 1 ລ້ານ 7 ແສນຄົນ ເສຍຊີວິດໄປນັ້ນ.
