ທີ່ກຳປູເຈຍ ເຈົ້າໜ້າທີ່ສາທາລະນະສຸກກ່າວວ່າ ເຂົາເຈົ້າກຳລັງ
ສືບສວນເບິ່ງ ກໍລະນີການເພີ້ມສູງຂຶ້ນ ຢ່າງຫລວງຫລາຍຈົນໜ້າ
ຕົກໃຈ ໃນຈຳນວນຜູ້ຕິດເຊື້ອ HIV ໄວຣັສທີ່ພາໃຫ້ເປັນໂຣກ
AIDS ນັ້ນ ຢູ່ໃນໝູ່ບ້ານນ້ອຍໆ ສອກຫລີກຫ່າງໄກແຫ່ງໜຶ່ງ.
ມີ ຢ່າງນ້ອຍ 82 ຄົນ ຖືກກວດພົບວ່າ ຕິດເຊື້ອ HIV ຢູ່ໃນບ້ານ
Rokar ທີ່ມີປະຊາຊົນອາໄສຢູ່ພຽງສອງພັນຄົນ ໃນແຂວງ
ພະຕະບອງ (Battambang).
ເຈົ້າໜ້າທີ່ກ່າວວ່າ ເຂົາເຈົ້າສົງໄສວ່າ ພະນັກງານຮັກສາສຸຂະພາບ
ໃນໝູ່ບ້ານຄົນໜຶ່ງ ໄດ້ໃຊ້ເຂັມສັກຢາ ທີ່ໃຊ້ສັກໃຫ້ຫລາຍໆຄົນ ນຳກັນນັ້ນ ປິ່ນປົວຊາວບ້ານ ເຮັດໃຫ້ການຕິດແປດແຜ່ລາມອອກໄປ.
ທ່ານ Teng Kunthy ເລຂາທິການໃຫຍ່ຂອງ ອົງການ AIDS ແຫ່ງຊາດກຳປູເຈຍ ກ່າວ
ວ່າ ພວກພະນັກງານສາທາ ຫາກໍໄດ້ກວດເບິ່ງຊາວບ້ານ ພຽງປະມານ 650 ຄົນເທົ່ານັ້ນ
ມາຮອດປັດຈຸບັນ.
ເບິ່ງວີດີໂອ ພາສາລາວ ກ່ຽວກັບແມ່ຍິງທີ່ເປັນໂຣກເອດສ໌ ຢູ່ກຳປູເຈຍ:
ບັນດາພະນັກງານຮັກສາສຸຂະພາບ ຮູ້ເລື່ອງກ່ຽວກັບສະຖານະການ ຢູ່ໝູ່ບ້ານແຫ່ງນັ້ນ
ເວລາຜູ້ຊາຍ ແລະແມ່ຍິງໃນໄວຊະລາສອງຄົນ ຖືກກວດພົບວ່າ ຕິດເຊື້ອ HIV ໃນຕົ້ນ
ເດືອນນີ້.
ຜ່ານມາ ກຳປູເຈຍແມ່ນໄດ້ທຳຄວາມກ້າວໜ້າ ໃນການຫລຸດຜ່ອນອັດ ຕາການຕິດເຊື້ອ
HIV ແລະໂຣກ AIDS ຢູ່ໃນປະເທດລົງ ຈາກອັດ ຕາສູງເກືອບຮອດ 2 ເປີເຊັນໃນປີ
1998. ກຳປູເຈຍໄດ້ວາງເປົ້າໝາຍທີ່ຈະກຳຈັດເຊື້ອ HIV ໃຫ້ໝົດສິ້ນໄປ ພາຍໃນປີ
2020 ຈາກອັດຕາການຕິດເຊື້ອ 0.7 ເປີເຊັນ ໃນປັດຈຸບັນ.
