ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

​ປ່າ​ໄມ້ໃຫຍ່ ​ທີ່​ຍັງ​ເຫຼືອ​ຢູ່ ຈຸສຸດ​ທ້າ​ຍ ຂອງ​ກຳປູເຈຍ ​ຕົກ​ຢູ່​ໃນ​ອັນຕະລາຍ


ປະຊາຊົນກຳປູເຈຍ ເດີນຂະບວນ ໄປຈຸດບ່ອນທີ່ນັກເຄື່ອນໄຫວ ຕໍ່ຕ້ານການຕັດໄມ້ທຳລາຍປ່າ ທ່ານ Chut Wutty ຖືກຂ້າຕາຍ ຢູ່ໃນແຂວງ Koh Kong, ວັນທີ 11 ພຶດສະພາ 2012.
ປະຊາຊົນກຳປູເຈຍ ເດີນຂະບວນ ໄປຈຸດບ່ອນທີ່ນັກເຄື່ອນໄຫວ ຕໍ່ຕ້ານການຕັດໄມ້ທຳລາຍປ່າ ທ່ານ Chut Wutty ຖືກຂ້າຕາຍ ຢູ່ໃນແຂວງ Koh Kong, ວັນທີ 11 ພຶດສະພາ 2012.

ບັນດານັກ​ເຄື່ອນ​ໄຫວ​ດ້ານປ່າ​ໄມ້ ​ໃນ​ກຳປູ​ເຈຍ ກ່າວ​ວ່າ ການ
​ຕັດ​ໄມ້​ທີ່​ຜິດ​ກົດໝາຍ ​ແມ່ນ​ກຳລັງ​ເຮັດ​ໃຫ້​ປ່າ​ໄມ້ໃຫຍ່​ອັນ​ສຳຄັນ
​ທີ່​ຍັງ​ເຫຼືອ​ຢູ່ ຈຸສຸດ​ທ້າ​ຍຂອງ​ປະ​ເທດ ​ຕົກ​ຢູ່​ໃນ​ອັນຕະລາຍ.

ບັນດານັກ​ເຄື່ອນ​ໄຫວ ​ທີ່ໄປ​ເຕົ້າ​ໂຮມ​ກັນ ຢູ່​ນະຄອນຫລວງ​
ພະນົມ​ເປັນ​ໃນ​ວັນ​ພຸດ​ວານ​ນີ້ ບອກ​ກັບຜູ້​ສື່​ຂ່າວ​ວີ​ໂອ​ເອວ່າ ​ໃນ
​ພຽງປີ​ນີ້ ປີ​ດຽວ​ເທົ່າ​ນັ້ນ ມີການສົ່ງໄມ້ພິເສດລາຄາແພງ ຢ່າງ​ນ້ອຍ
55,000 ​ໂຕນ​ ໄປ​ປະ​ເທດ​ຈີນ​ຊຶ່ງເປັນ​ສ່ວນ​ນຶ່ງ​ຂອງອັນ​ທີ່​ເຂົາ​ເຈົ້າ
ເອີ້ນວ່າ​ ການຄ້າ “ຢ່າງເປັນ ​ລະບົບ” ​ ທີ່​ລວມທັງ​ການ​ຮ່ວມ​ໄມ້​
ຮ່ວມ​ມື​ຂອງ​ບັນດາເຈົ້າໜ້າຂັ້ນສູງແລະ ກອງ​ກຳລັງ​ຮັກສາ​ຄວາມ
ສະຫງົບ.

ທ່ານ Em Sopheak ນັກ​ເຄື່ອນ​ໄຫວ ຈາກ​ແຂວງ Mondulkiri ໃນ ພາກ​ຕາ​ເວັນ​ອອກ​ຂອງປະເທດ ​ຜູ້​ທີ່​ເຮັດ​ວຽກ​ກັບ​ ສູນ​ອົບຮົມ​ດ້ານກົດ ໝາຍ​ຊຸມ​ຊົນ ຫຼື Community Legal Education Center ​ໄດ້ຖິ້ມ ໂທດ​ໃສ່​ການ​ສໍ້​ລາດ​ບັງ​ຫລວງ.

ທ່ານ Em ​ເວົ້າວ່າ “ພວກ​ເຈົ້າໜ້າ​ທີ່​ກ່ຽວຂ້ອງ ສົມຮູ້​ຮ່ວມ​ຄິດ​ຢ່າງເປັນ​ລະບົບ​ ນັບແຕ່ເຈົ້າແຂວງລົງ​ໄປ​ຮອດ​ພໍ່ບ້ານ.”

ໃນ​ຂະນະ​ດຽວ​ກັນ ​ໂຄສົກ​ຂອງກະຊວງສິ່ງ​ແວດ​ລ້ອມ ທ່ານ Sao Sopheap ​ໄດ້​ພົບ​ປະ​ກັບ​ບັນດາ​ຜູ້​ສື່​ຂ່າວ ​ເພື່ອ​ໂຕ້​ຖຽງ​ ຕໍ່ການ​ກ່າ​ວ ອ້າງ​ເຫຼົ່ານີ້ ​ວ່າ​ລັດຖະບານ​ແມ່ນ​ບໍ່​ໄດ້​ດຳເນີນການ​ພຽງ​ພໍ​ ເພື່ອ​ປາບ ປາມ​ບັນຫາ​ດັ່ງກ່າວ.

ທ່ານ​ກ່າວ​ວ່າ “ລັດຖະບານ​ມີອັນທີ່ພວກເຮົາເອີ້ນວ່າ​ນະ​ໂຍບາຍເພື່ອ​ສະຫງວນ​
ປ່າ​ໄມ້ ຄືນຶ່ງສືບ​ຕໍ່​ປາບປາມການກໍ່​ອາຊາະຍາກຳດ້ານປ່າ​ໄມ້ ປ້ອງ​ກັນບໍ່ໃຫ້ມີ​
ການ​ຕັດໄມ້​ ຖາງ​ປ່າ ​ແລະ ທຳ​ລາຍຊັບພະຍາ​ກອນ​ທຳ​ມະ​ຊາດຕ່າງໆ. ສອງມາ ເມື່ອເວົ້າເຖິງເລື້ອງ​ປ່າ​ໄມ້​ແລ້ວ ພວກ​ເຮົາ​ຈະ ສືບ​ຕໍ່​ໂຄງການ​ເພື່ອ​ປົກປັກຮັກສາ
ແລະ​ຟື້ນ​ຟູ​ປ່າ​ໄມ້. ພວກ​ເຮົາ​ມີ​ໂຄງ ການ​ເພື່ອ​ປູກ​ຕົ້ນ​ໄມ້ທົດ​ແທນ​ໃນ​ບໍລິ​ເວນ
ຕ່າງໆ ບ່ອນທີ່​ປ່າ​ໄມ້​ໄດ້ຮັບ ຄວາມເສຍ​ຫາຍ ​ຫຼື ຖືກ​ທຳລາຍ​ໄປນັ້ນ.”

ກະຊວງ​ກະສິກຳແຈ້ງ​ວ່າ ມີ​ລາຍ​ງານກ່ຽວກັບການກໍ່​ອາ​ຊະ​ຍາ​ກຳ​ດ້ານ ​ປ່າ​ໄມ້ເພີ້​ມຂຶ້ນ
ຈາກ​ປະມານ 500 ກໍລະນີ ​ໃນ​ປີ 2012 ມາ​ເປັນ​ເກືອບ 1,900 ກໍລະນີ ​ໃນ​ເກົ້າ​ເດືອນ​
ຕົ້ນ​ປີນີ້.

ວີດີໂອ: ຊາວກຳປູເຈຍໂກດແຄ້ນ ກ່ຽວກັບການຕັດໄມ້ທຳລາຍປ່າ:

XS
SM
MD
LG