ໃນວັນພະຫັດມື້ນີ້ ຊາວບ້ານກຳປູເຈຍ 100 ກວ່າຄົນໄດ້ພາກັນນຸ່ງເຄື່ອງເປັນໂຕປະກອບ
ໃນຮູບເງົາເລື່ອງ Avatar ທີ່ໄດ້ຮັບຄວາມນິຍົມສູງເພື່ອປະທ້ວງຕໍ່ອັນທີ່ພວກເຂົາເຈົ້າເອີ້ນ
ວ່າການທຳລາຍປ່າໄມ້ສີຂຽວ ທີ່ຍັງຫຼົງເຫຼືອຢູ່ຫລາຍທີ່ສຸດ ໃນເຂດຮາບຕໍ່າຂອງເອເຊຍຕາ
ເວັນອອກສຽງໃຕ້.
ພວກຊາວບ້ານທີ່ແຕ້ມໜ້າດ້ວຍສີຂຽວແລະສີຟ້າໄດ້ພາກັນໂຮມຊຸມນຸມປະທ້ວງຢູ່ຕໍ່ໜ້າພະ ລາດຊະວັງຫຼວງໃນນະຄອນຫຼວງພະນົມເປັນແລະຫຼັງຈາກນັ້ນກໍພາ ກັນແຍກຍ້າຍໄປຢາຍ
ໃບປິວໃນທົ່ວໂຕເມືອງ. ຕຳຫຼວດໄດ້ຈັບກຸມພວກປະທ້ວງ ຫຼາຍສິບຄົນ ແຕ່ໄດ້ປ່ອຍພວກ
ກ່ຽວໃນເວລາຕໍ່ມາໂດຍບໍ່ໄດ້ຕັ້ງຂໍ້ຫາໃດໆ.
ພວກຊາວບ້ານຈຸນີ້ເວົ້າວ່າ ມີປະມານ 200,000 ຄົນທີ່ກາງຕໍ່ອາໄສປ່າໄມ້ Prey Lang ໃນການດຳລົງຊີວິດຂອງພວກເຂົາເຈົ້າ. ແຕ່ພວກເຂົາເຈົ້າເວົ້າວ່າ ປ່າໄມ້ດັ່ງກ່າວນີ້ພວມໄດ້
ຮັບການຂົ່ມຂູ່ເພີ່ມຂຶ້ນຈາກການລັກລອບຕັດໄມ້ເຖື່ອນ ແລະການບຸກລຸກຂອງບໍລິສັດປູກຕົ້ນ
ຢາງ ແລະບໍລິສັດບໍ່ແຮ່. ພວກປະທ້ວງໄດ້ສົມທຽບຕົນເອງ ໃສ່ພວກຄົນປ່າໃນຮູບເງົາເລື່ອງ
Avatar ທີ່ໄດ້ທຳການຕໍ່ສູ້ເພື່ອປົກປ້ອງປ່າໄມ້ຈາກບັນດາບໍລິສັດທີ່ຂີ້ຕັກມັກໄດ້.
ປ່າໄມ້ Prey Lang ກວມພື້ນທີ່ປະມານ 3,600 ກິໂລແມັດມົນທົນ ຢູ່ໃນພາກເໜືອຂອງ
ກຳປູເຈຍແລະເປັນບ່ອນຢູ່ອາໄສຂອງພຶດແລະສັດທີ່ໃກ້ຈະສູນພັນຈຳນວນນຶ່ງ.
