ບັນດາປະເທດໃຫ້ການຊ່ອຍເຫລືອແກ່ກຳປູເຈຍ ໄດ້ໃຫ້ຄຳໝັ້ນສັນຍາ ໃນວັນພະຫັດແລ້ວນີ້ ທີ່ຈະໃຫ້ການຊ່ອຍເຫລືອ
ມູນຄ່າ 1100 ລ້ານດອນລາ ເພື່ອຊ່ອຍເຫລືອກຳປູເຈຍ ທ່ີທຸກຍາກ ຂາດເຂີນເງິນສົດຢ່າງໜັກນັ້ນ ຮັບມືກັບເປົ້າໝາຍ
ການພັດທະນາຕ່າງໆຂອງຕົນ ແຕ່ຄຳ ໝັ້ນສັນຍາດັ່ງກ່າວ ໄດ້ມີຂຶ້ນໃນທ່າມກາງການຕຳໜິຕິຕຽນ ທ່ີວ່າລັດ ຖະບານ
ພະນົມເປັນ ບໍ່ໄດ້ແກ້ໄຂບັນຫາສຳຄັນຕ່າງໆ ເຊັ່ນເລື້ອງປະ ຊາຊົນບໍ່ມີທີ່ດິນຢູ່ອາໄສ ບັນຫາຄວາມໂປ່ງໃສ ແລະການ
ສໍ້ລາດບັງຫລວງ ເປັນຕົ້ນ.
ເມື່ອເວົ້າໃນທ້ອງເລື້ອງຂອງສະພາບການທົ່ວໄປຂອງໂລກແລ້ວ ເງິນຈຳນວນ 1100 ລ້ານດອນລາ ກໍບໍ່ແມ່ນຈຳນວນທ່
ີຫລວງຫລາຍພໍປານໃດ ແຕ່ສຳລັບກຳປູເຈຍ ຊື່ງເປັນປະເທດທຸກຍາກປາກໝອງ ມີງົບປະມານປະຈຳປີ ເທົ່າກັບສອງເທົ່າ
ຂອງຈຳນວນນັ້ນ ເງິນ 1 ພັນລ້ານ$ ແມ່ນເປັນຈຳນວນຫລວງຫລາຍ.
ຄຳໝັ້ນສັນຍາທ່ີຈະໃຫ້ເງິນຊ່ວຍເຫລືອເພີ່ມຂຶ້ນ 15 ເປີເຊັນນີ້ ແມ່ນ ລັດຖະມຸນຕີການເງິນຂອງກຳປູເຈຍ ທ່ານ Keat Chhon
ເປັນຜູ້ ປະກາດໃຫ້ຮູ້ ໃນວັນພະຫັດອາທິດແລ້ວນີ້ ໃນຕອນອັດກອງປະຊຸມ ຂອງບັນດາປະເທດແລະອົງການໃຫ້ຄວາມຊ່ວຍເຫລືອ
ເປັນເວລາ 2 ມື້ ທ່ີນະຄອນຫລວງພະນົມເປັນ.
ທ່ານ Keat Chhon ກ່າວວ່າ ລັດຖະບານຈະສຸມການພັດທະນາໃສ່ຂົງເຂດທີ່ເປັນບູລິມະສິດ 4 ດ້ານດ້ວຍກັນ ຄື ຖະໜົນຫົນທາງ ນ້ຳ ຊັບພະຍາກອນມະນຸດ ແລະໄຟຟ້າ. ທ່ານ Chhon ກ່າວຕື່ມວ່າ ອີກຄັ້ງນຶ່ງ ຍີ່ປຸ່ນໄດ້ເປັນປະເທດໃຫ້ການຊ່ວຍເຫລືອລາຍໃຫຍ່ທ່ີສຸດ.
ແຕ່ກອງປະຊຸມດັ່ງກ່າວ ຊຶ່ງອຳນວຍໃຫ້ພວກອົງການແລະປະເທດໃຫ້ການຊ່ວຍເຫລືອ ເຈົ້າໜ້າທ່ີຂັ້ນສູງຂອງລັດຖະບານ ແລະພວກ
ອົງການທ່ີບໍ່ມີສ່ວນພົວພັນກັບລັດຖະບານຈຳນວນນຶ່ງ ໄດ້ມາສົນທະ ນາຫາລືກັນກ່ຽວກັບບັນຫາທ່ີສຳຄັນຕ່າງໆນັ້ນ ບໍ່ໄດ້ປອດ
ຈາກການຕຳໜິຕິຕຽນ.
ທະນາຄານໂລກ ກ່າວວ່າ ມັນເປັນສິ່ງສຳຄັນທ່ີສຸດ ທ່ີລັດຖະບານພະ ນົມເປັນຕ້ອງປັບປຸງ ການຄຸ້ມຄອງຫລືຄວບຄຸມການເງິນ
ຂອງລັດ ແລະຊັບພະຍາກອນທຳມະຊາດຂອງປະເທດໃຫ້ດີຂຶ້ນ ຊຶ່ງຄວາມເຫັນດັ່ງ ກ່າວນີ້ ແມ່ນສະທ້ອນເຖິງຄຳຮຽກຮ້ອງຕ່າງໆ
ກ່ອນໜ້ານັນ ໃນຕົ້ນສັບ ປະດາ ຈາກພວກກຸ່ມສະມາຄົນພົນລະເມືອງ ທ່ີວ່າພວກປະເທດໃຫ້ເງິນຊ່ວຍເຫລືອທັງຫລາຍ ຈະຫລັບ
ຫູຫລັບຕາ ຫລືເຮັດຫູໜວກຕາ ບອດ ຕໍ່ການສໍ້ລາດບັງຫລວງແລະການຄຸ້ມຄອງຊັບພະຍາກອນທຳ ມະຊາດຂອງປະເທດຢ່າງ
ຜິດພາດນັ້ນໄດ້.
ພວກບຸກຄົນອື່ນໆອີກກໍກ່າວຫາວ່າ ເງິນທ່ີໄດ້ຮັບຈາກການຊ່ວຍເຫລືອ ນີ້ ຖືກໃຊ້ຈ່າຍໄປຢ່າງບໍ່ຖືກຕ້ອງຊອບທຳ.
ທ່ານ Masafumi Kuroki ເອກອັກຄະລັດຖະທູດຍີ່ປຸ່ນປະຈຳກຳປູເຈຍ ຊຶ່ງປະເທດຂອງທ່ານຈະໃຫ້ເງິນຊ່ວຍເຫລືອ
ເປັນຈຳນວນ 130 ລ້ານດອນລາ ກ່າວວ່າ ເຖິງແມ່ນຍັງມີຄວາມຈຳເປັນທີ່ຈະຕ້ອງປັບປຸງ ປະສິດທິພາບໃນການນຳໃຊ້
ເງິນຊ່ອຍເຫລືອ ໃຫ້ດີຂຶ້ນກໍຕາມ ແຕ່ວ່າ ຂັ້ນຕອນໃນການຕິດຕາມເບິ່ງ ທີ່ໄດ້ມີການຈັດຕັ້ງປະຕິບັດຂຶ້ນແລ້ວນັ້ນ
ໝາຍຄວາມວ່າ ກຳປູເຈຍກຳລັງດຳເນີນໄປຕາມທິດທາງທ່ີຖືກຕ້ອງ ຊຶ່ງທ່ານ Kuroki ກ່າວດັ່ງນີ້:
“ມີການຄວບຄຸມຕິດຕາມເບິ່ງການຊ່ວຍເຫລືອຫລາຍຂຶ້ນ ລະຫວ່າງລັດ ຖະບານແລະພວກປະເທດພາຄີໃນການພັດ
ທະນາ ດັ່ງນັ້ນ ຂ້າພະເຈົ້າ ຄິດວ່າ ພວກເຮົາຄວນຈະຊຸກຍູ້ໃຫ້ມີການດຳເນີນຂັ້ນຕອນການຄວບຄຸມ ຕິດຕາມເບິ່ງນີ້
ຕໍ່ໄປເລື້ອຍໆ.”
ທ່ານ Kuroki ກ່າວເຊັ່ນກັນວ່າ ປັດໄຈອື່ນໆ ນອກເໜືອໄປຈາກການປົກຄອງທ່ີດີນັ້ນ ກໍສຳຄັນເຊ່ນກັນ ຊຶ່ງທ່ານກ່າວວ່າ“ຂ້າພະເຈົ້າເຂົ້າໃຈເຖິງຄວາມສຳຄັນຂອງການປົກຄອງທີ່ດີ ຂອງເປົ້າ ໝາຍທັງຫລາຍຂອງການພັດທະນາສະຫັດສະວັດ
ແລະການຫລຸດ ຜ່ອນຄວາມທຸກຈົນ ແຕ່ຂ້າພະເຈົ້າກໍຍັງຢາກຈະເນັ້ນເຖິງຄວາມສຳຄັນ ຂອງການເຕີບໂຕດ້ານເສດຖະກິດນັ້ນນຳ.”
ໃນທົດສວັດ ຫລືໄລຍະ 10 ປີຜ່ານມານີ້ ກຳປູເຈຍໄດ້ມີການ ເຕີບໂຕດ້ານເສດຖະກິດໃນອັດຕາທີ່ສູງ ປະມານ 9 ເປີເຊັນຕໍ່ປີ
ແຕ່ ໝາກຜົນທີ່ໄດ້ຮັບຈາກການເຕີບໂຕນີ້ ປະຊາຊົນກຳປູເຈຍບໍ່ໄດ້ຮັບສ່ວນແບ່ງ ຢ່າງທົ່ວເຖິງ.
ທ່ານນາງ Annette Dixon ຫົວໜ້າທະນາຄານໂລກປະຈຳກຳປູເຈຍ ໄດ້ກ່າວຊົມເຊີຍ ທ່ີລັດຖະບານໄດ້ທຳຄວາມຄືບໜ້າ
ບາງຢ່າງ ແຕ່ກໍ ເຕືອນວ່າ ປະຊາຊົນ 4 ລ້ານຄົນ ຫລືຈຳນວນ 1 ສ່ວນ 3 ຂອງ ພົນລະເມືອງຂະເໝນທັງໝົດ ຍັງດຳລົງຊີ
ວິດຢູ່ໃນຄວາມທຸກຈົນຢູ່.
ນາຍົກລັດຖະມຸນຕີ ຮຸນແຊນ ກ່າວໃນຄຳປາໄສຂອງທ່ານວ່າ ລັດຖະ ບານຮັບຮູ້ວ່າ ການປົກຄອງທ່ີດີແມ່ນສຳຄັນທ່ີສຸດ
ເພື່ອຮັບປະກັນໃຫ້ມີ
ການພັດທະນາທ່ີທ່ຽງທຳ ສະເໝີພາບ.
ແລະທ່ານຮຸນແຊນ ກ່າວຕື່ມວ່າ ການປາບປາມການສໍ້ລາດບັງຫລວດເປັນບູລິມະສິດອັນດັບນຶ່ງ ແລະວ່າ ກົດໝາຍຕໍ່ຕ້ານ
ການສໍ້ລາດບັງຫລວງແລະການທັບມ້າງການລັກລອບຕັດໄມ້ເຖື່ອນ ສະແດງໃຫ້ເຫັນເຖິງຄວາມໝາຍໝັ້ນຂອງລັດຖະບານ.
ກ່ຽວກັບເລື້ອງປະຊາຊົນບໍ່ມີທີ່ດິນຢູ່ອາໃສ ແຕ່ໃນຂະນະດຽວກັນ ກໍມີການໃຫ້ສຳປະທານທ່ີດິນທ່ີກວ້າງໃຫຍ່ໃຫ້ແກ່ພວກ
ນັກລົງທຶນນັ້ນ ທ່ານຮຸນແຊນ ກ່າວວ່າ ລັດຖະບານຈະເອົາໃຈໃສ່ຫລາຍຂຶ້ນຕໍ່ຄວາມຕ້ອງ ການທີ່ດິນຂອງພວກຄົນທຸກຍາກນັ້ນ.
ແຕ່ພວກຕຳໜິຕິຕຽນກ່າວວ່າ ຄວາມທຸກຈົນ ການສໍ້ລາດບັງຫລວງທ່ີມີ ຢ່າງແຜ່ຫລາຍ ພວກຄົນທຸກຍາກຂາດແຄນທີ່ດິນຢູ່
ອາໃສຫລາຍຂຶ້ນນັບມື້ ແລະການເຮັດສັນຍາທ່ີບໍ່ຈະແຈ້ງ ທ່ີອະນຸມັດໃຫ້ພວກບໍລິສັດຕ່າງໆສວາຍໃຊ້ຊັບພະຍາກອນທຳມະຊາດ
ທ່ີມີຢ່າງຈຳກັດນັ້ນ ໝາຍຄວາມວ່າ ພວກຄົນທຸກຍາກບໍ່ໄດ້ຮັບການເອົາຫົວໃສ່ໃຈຊາເລີຍ.
ທ່ານ Chhon ລັດຖະມຸນຕີການເງິນ ກ່າວວ່າ ຄຳໝັ້ນສັນຍາໃຫ້ການ ຊ່ວຍເຫລືອໃນກອງປະຊຸມຄັ້ງນີ້ ແມ່ນພຽງພໍເພື່ອ
ຕອບສະໜອງຕໍ່ຄວາມຮຽກຮ້ອງຕ້ອງການຂອງຍຸດທະສາດການພັດທະນາແຫ່ງຊາດນັ້ນ ແຕ່ດັ່ງທີ່ທ່ານນາງ Annette Dixon
ຫົວໜ້າທະນາຄານໂລກປະຈຳກຳປູເຈຍ ໄດ້ກ່າວຕໍ່ກອງປະຊຸມ ກໍແມ່ນວ່າ ເປົ້າໝາຍຂອງພວກບໍລິ ຈາກເງິນແມ່ນ ເພື່ອຊ່ອຍ
ເຫລືອພວກຄົນທຸກຍາກ. ວິທີການທ່ີລັດຖະ ບານໃຊ້ຈ່າຍເງິນຊ່ວຍເຫລືອດີສ່ຳໃດນັ້ນ ຈະເປັນປັດໄຈສຳຄັນໃນການບັນລຸ
ເປົ້າໝາຍດັ່ງກ່າວ.
