ທ່ານນາງຮິນລາຣີ ຄລິນຕັນ ລັດຖະມົນຕີການຕ່າງປະເທດ
ສະຫະລັດໄ ດ້ໄປຢ້ຽມຢາມຄຸກເກົ່າຫລືສູນທໍລະມານເກົ່າ
ຂອງພວກຂະເໜນແດງ ໃນນະຄອນຫລວງຂອງກໍາປູເຈຍ
ແລະຮຽກຮ້ອງໃຫ້ມີການດໍາເນີນຄະດີ ຕໍ່ພວກທີ່ຮັບຜິດຊອບນັ້ນ.
ທ່ານນາງຄລິນຕັນໄດ້ໄປຢ້ຽມຢາມຄຸກ Tuol Sleng ກ່ອນທໍາການພົບປະກັບນາຍົກລັດຖະ
ມົນຕີຮຸນແຊນແລະພວກຜູ້ນໍາຂັ້ນສູງອື່ນໆອີກຂອງກໍາປູເຈຍ.
ບັນດາເຈົ້າໜ້າທີ່ສະຫະລັດກ່າວວ່າ ລັດຖະມົນຕີຕ່າງປະເທດສະຫະລັດຈະຂໍຮ້ອງຄະນະນໍາ
ພາຂອງລັດຖະບານໃຫ້ປັບປຸງເລື້ອງການເຄົາລົບນັບຖືສິດທິມະນຸດຂອງເຂົາເຈົ້າໃຫ້ດີຂຶ້ນ.
ປະຊາຊົນຫລາຍພັນຄົນໄດ້ຖືກທໍລະມານແລະເຂັ່ນຂ້າ ໂດຍພວກເຈົ້າໜ້າທີ່ຂະເໝນແດງ
ທີ່ຄຸກ Tuol Slengຊຶ່ງໄດ້ປ່ຽນມາເປັນຫໍພິພິດທະພັນໃນປັດຈຸບັນ. ຫລັງຈາກຍ່າງເລາະ
ເບິ່ງສູນນີ້ແລ້ວ ທ່ານນາງຄລິນຕັນໄດ້ຂຽນລົງໃນສະມຸດຮັບຕ້ອນແຂກ ຮຽກຮ້ອງໃຫ້ມີການ ດໍາເນີນຄະດີຕໍ່ພວກທີ່ຮັບຜິດຊອບນັ້ນ.
