ຫົວໜ້າຄົນງານຊາວຈີນຄົນນຶ່ງ ທີ່ເບື່ອໜ່າຍນໍາພວກລູກນ້ອງທີ່
ບໍ່ເຮັດວຽກ ໃນກໍາປູເຈຍ ໄດ້ຖືກສົ່ງກັບຄືນໄປຈີນ ຫຼັງຈາກທີ່
ເກືອບໄດ້ກໍ່ເຫດການຈະລາຈົນຂື້ນ.
ສານກໍາປູເຈຍແຫ່ງນຶ່ງ ພົບເຫັນວ່າ ນາງ Wang Zia Chao
ອາຍຸ 43 ປີ ມີຄວາມຜິດ ຖານດູໝິ່ນກະສັດ ຍ້ອນໄດ້ທໍາລາຍ
ຮູບພາບສອງຮູບຂອງມື້ລາງສະເດັດເຈົ້ານະໂຣດົມ ສີຫະນຸ.
ບັນດາໄອຍະການ ກ່າວວ່າ ນາງ ຫວັງ ໄດ້ຈີກຮູບເຫລົ່ານັ້ນ
ຍ້ອນໂມໂຫໃຫ້ ພວກຄົນງານຊາວກໍາປູເຈຍທີ່ມີແຕ່ພາກັນເບິ່ງ
ຮູບພາບຂອງພະອົງ ແທນທີ່ຈະຕັ້ງໜ້າເຮັດວຽກ.
ນາງ ຫວັງ ໄດ້ຂໍຂະມາໂທດຕໍ່ສານ ໂດຍກ່າວວ່າ ນາງບໍ່ຮູ້ວ່າຮູບພາບເຫຼົ່ານັ້ນແມ່ນຮູບຂອງກະສັດ ທີ່ຊາວກໍາປູເຈຍຫຼາຍໆຄົນເຄົາລົບບູຊາວ່າ “ກະສັດບິດາ”. ນາງເວົ້າວ່າ ຖ້າຂ້າພະເຈົ້າຮູ້ ຂ້າພະເຈົ້າກໍຈະບໍ່ທໍາລາຍ ຮູບນັ້ນດອກ.
ນອກຈາກຖືກເນລະເທດແລ້ວ ສານໄດ້ຕັດສິນຝາກໂທດນາງຫວັງໄວ້ນຶ່ງປີ ແລະປັບໄໝ ປະມານ 500 ໂດລາ.
ທັນທີຫຼັງຈາກເຫດການດັ່ງກ່າວເກີດຂຶ້ນໃນວັນຈັນຜ່ານມານີ້ ພວກຄົນງານ ຫຼາຍກວ່າ 1000 ຄົນ ພາກັນໂຮມຊຸມນຸມ ທວງໃຫ້ທາງການຈັບກຸມນາງຫວັງ.
ເຈົ້າໜ້າທີ່ຕໍາຫຼວດກ່າວວ່າ ຖ້າຫາກພວກເຂົາເຈົ້າບໍ່ໄປເຖິງໂຮງງານໄວນັ້ນ ຊີວິດຂອງນາງຫວັງ ອາດຕົກຢູ່ໃນອັນຕະລາຍໄດ້.
ບໍ່ເຮັດວຽກ ໃນກໍາປູເຈຍ ໄດ້ຖືກສົ່ງກັບຄືນໄປຈີນ ຫຼັງຈາກທີ່
ເກືອບໄດ້ກໍ່ເຫດການຈະລາຈົນຂື້ນ.
ສານກໍາປູເຈຍແຫ່ງນຶ່ງ ພົບເຫັນວ່າ ນາງ Wang Zia Chao
ອາຍຸ 43 ປີ ມີຄວາມຜິດ ຖານດູໝິ່ນກະສັດ ຍ້ອນໄດ້ທໍາລາຍ
ຮູບພາບສອງຮູບຂອງມື້ລາງສະເດັດເຈົ້ານະໂຣດົມ ສີຫະນຸ.
ບັນດາໄອຍະການ ກ່າວວ່າ ນາງ ຫວັງ ໄດ້ຈີກຮູບເຫລົ່ານັ້ນ
ຍ້ອນໂມໂຫໃຫ້ ພວກຄົນງານຊາວກໍາປູເຈຍທີ່ມີແຕ່ພາກັນເບິ່ງ
ຮູບພາບຂອງພະອົງ ແທນທີ່ຈະຕັ້ງໜ້າເຮັດວຽກ.
ນາງ ຫວັງ ໄດ້ຂໍຂະມາໂທດຕໍ່ສານ ໂດຍກ່າວວ່າ ນາງບໍ່ຮູ້ວ່າຮູບພາບເຫຼົ່ານັ້ນແມ່ນຮູບຂອງກະສັດ ທີ່ຊາວກໍາປູເຈຍຫຼາຍໆຄົນເຄົາລົບບູຊາວ່າ “ກະສັດບິດາ”. ນາງເວົ້າວ່າ ຖ້າຂ້າພະເຈົ້າຮູ້ ຂ້າພະເຈົ້າກໍຈະບໍ່ທໍາລາຍ ຮູບນັ້ນດອກ.
ນອກຈາກຖືກເນລະເທດແລ້ວ ສານໄດ້ຕັດສິນຝາກໂທດນາງຫວັງໄວ້ນຶ່ງປີ ແລະປັບໄໝ ປະມານ 500 ໂດລາ.
ທັນທີຫຼັງຈາກເຫດການດັ່ງກ່າວເກີດຂຶ້ນໃນວັນຈັນຜ່ານມານີ້ ພວກຄົນງານ ຫຼາຍກວ່າ 1000 ຄົນ ພາກັນໂຮມຊຸມນຸມ ທວງໃຫ້ທາງການຈັບກຸມນາງຫວັງ.
ເຈົ້າໜ້າທີ່ຕໍາຫຼວດກ່າວວ່າ ຖ້າຫາກພວກເຂົາເຈົ້າບໍ່ໄປເຖິງໂຮງງານໄວນັ້ນ ຊີວິດຂອງນາງຫວັງ ອາດຕົກຢູ່ໃນອັນຕະລາຍໄດ້.
