ກໍາປູເຈຍກ່າວວ່າພວກຜູ້ຕາງໜ້າຂອງຕາໜ່າງໂທລະພາບຈີນຈໍານວນໜຶ່ງເດີນທາງໄປຮອດ
ກຸງພະນົມເປັນ ນະຄອນຫຼວງຂອງກໍາປູເຈຍແລ້ວເພື່ອໄຂການພົບປະຫາລືກັນເລື້ອງການ
ສ້າງຮູບເງົາສາລະຄະດີກ່ຽວກັບຊີວິດຂອງນາຍົກລັດຖະມົນຕີຮຸນແຊນນັ້ນ.
ອົງການຂ່າວ AKP ທາງການກຳປູເຈຍແຈ້ງໃຫ້ຊາບໃນວັນອັງຄານວານນີ້ວ່າ ທ່ານ
Cheng Ping ປະທານຕາໜ່າງໂທລະພາບ Sun TV ຂອງຈີນໄດ້ໂອ້ລົມສົນທະນາກັນ
ເລື້ອງແຜນການດັ່ງກ່າວໃນສັບປະດານີ້ກັບທ່ານຂຽວ ກັນຫາຣິດ ລັດຖະມົນຕີກະຊວງ
ຖະແຫລງຂ່າວກໍາປູເຈຍແລະເວົ້າວ່າ ທາງຕາໜ່າງໂທລະພາບຈີນວາງແຜນຈະສ້າງຟີມ
ຮູບເງົາສາລະຄະດີທີ່ຈະເລົ່າເລື້ອງກ່ຽວກັບການເຄື່ອນໄຫວຕ່າງໆແລະຊີວະປະວັດຂອງ
ທ່ານຮຸນແຊນນັ້ນ.
ອົງການຂ່າວ AKP ເວົ້າຕື່ມວ່າ ລັດຖະມົນຕີຖະແຫລງຂ່າວກໍາປູເຈຍໄດ້ສະແດງຄວາມ
ຍິນດີນໍາແນວຄິດດັ່ງກ່າວ ແລະໃຫ້ຄໍາໝັ້ນສັນຍາວ່າຈະໃຫ້ການຊ່ອຍເຫລືອແກ່ຕາໜ່າງ
ໂທລະພາບຈີນ ຈະອໍານວຍການປະສານງານ ແລະເອກະສານທີ່ກ່ຽວຂ້ອງທຸກຢ່າງ.
ຕາໜ່າງໂທລະພາບ Sun TV ມີສໍານັກງານຕັ້ງຢູ່ໃນຮອງກົງ ແລະອອກອາກາດເປັນພາ
ສາ Mandarin ຫລືຈີນກາງໄປຍັງທົ່ວພາກພື້ນເອເຊຍປາຊີຟິກ.