ລິ້ງ ສຳຫລັບເຂົ້າຫາ

ເຈົ້າໜ້າທີ່ຂັ້ນສູງຂອງຈີນ ຢ້ຽມຢາມກໍາປູເຈຍ

  • ບົວສະຫວັນ

ທ່ານ Wu Banggou, ປະທານຄະນະກໍາມາທິການຖາວອນຂອງ ສະພາປະຊາຊົນແຫ່ງຊາດຈີນ.

ເຈົ້າໜ້າທີ່ຝ່າຍ​ນິຕິບັນຍັດ​ຂັ້ນສູງ​ສຸດ ຂອງ​ຈີນ​ກໍາລັງຢູ່​ໃນກໍາປູ​ເຈຍ ເວລາ​ນີ້ ເພື່ອ​ທຳ​ການ ຢ້ຽມຢາມ​ເປັນ​ເວລາ 4 ມື້ ທີ່​ແນ​ໃສ່​ເພື່ອຮັດ ແໜ້ນ​ສາຍ​ສໍາພັນ​ລະຫວ່າງ​ສອງ​ປະ​ເທດ ​ໃຫ້​ໃກ້ຊິດຂຶ້ນກວ່າ​ເກົ່າ.

ການ​ເດີນທາງ​ໄປ​ປະ​ເທດດັ່ງກ່າວ​ຂອງ​ເຈົ້າໜ້າທີ່ຂັ້ນສູງ​ຂອງຈີນທ່ານ​ນີ້ ​ໄດ້​ມີ​ຂຶ້ນພາຍ​ໃນ​
ເວລາສອງ​ສາມມື້ ຫລັງ​ຈາກ​ການ​ຢ້ຽມຢາມ​ ຂອງລັດຖະມົນຕີ​ກະຊວງ​ການ​ຕ່າງປະ​ເທດ​
ສະຫະລັດ ທ່ານ​ນາງ ຮີລເລີຣີ ຄລິນ​ເຕິ​ນ ທີ່​ກໍ​ລັງທຳ​ການ​ຢ້ຽມຢາມ 7 ​ປະ​ເທດ ​ໃນ​ພາກ
ພື້ນ​ເອ​ເຊຍປາຊີ​ຟິກ​ ​ເພື່ອ​ສະ​ແດງ​ໃຫ້ຮູ້ວ່າ ສະຫະລັດ​ຍັງ​ມີ​ຄວາມ​ມຸ້ງໝັ້ນຕໍ່ການ​ພົວພັນ
ຊ່ວຍ​ເຫລືອ​ພາກພື້ນດັ່ງກ່າວ ບ່ອນທີ່ຈີນກໍາລັງ​ແຜ່ອິດ​ທິພົນ​ຂອງຕົນອອກ​ໄປຫລາຍ​ຂຶ້ນ
ນັບມື້ນັ້ນ​.

ອົງການ​ຂ່າວ ຊິນ​ຫົວ ​ຂອງທາງ​ການ​ຂອງ​ຈີນ ​ເວົ້າວ່າ ການ​ໄປ​ຢ້ຽມຢາມນະຄອນ​ພະນົມ​
ເປັນ​ຂອງ​ທ່ານ Wu Banggou, ປະທານ​ຄະນະ​ກໍາມາ​ທິການ​ຖາວອນຂອງສະພາປະຊາ
ຊົນແຫ່ງ​ຊາດຈີນ ​ແມ່ນ​ເພື່ອ​ແນ​ໃສ່ ເພີ້ມທະວີຄວາມ​ໄວ້​ເນື້ອ​ເຊື່ອ​ໃຈຊຶ່ງ​ກັນ​ແລະ​ກັນ ​ແລະ
ຮັດ​ແໜ້ນ ມິດຕະພາບລະຫວ່າງຈີນກັບກໍາປູ​ເຈຍ ໃຫ້​ໝັ້ນຄົງຂຶ້ນ.

ໃນ​ອາທິດ​ແລ້ວ​ນີ້ ຈີນ​ໄດ້​ຕົກລົງໃຫ້​ການ​ຊ່ວຍ​ເຫລືອກໍາປູ​ເຈຍ 700 ລ້ານ​ໂດ​ລາສະຫະລັດ
ເພື່ອ​ສ້າງ​ທາງ​ລົດໄຟ ​ໄປຫາຊາຍ​ແດນ​ຫວຽດນາມ ຊຶ່ງ​ຈະ​ຊ່ວຍ​ຊຸກຍູ້​ໃຫ້​ກຳປູ​ເຈຍມີ​ການ​ຄ້າ
ຂາຍ​ກັບບັນດາປະ​ເທດ​ເພື່ອນບ້ານ​ເພີ້ມຂຶ້ນ.

ທ່ານ​ວູ ຍັງ​ຈະ​ໄດ້​ໄປ​ຢ້ຽມຢາມ ອິນ​ໂດ​ເນ​ເຊຍ ​ແລະ​ໄທອີກ ​ໃນ​ລະຫວ່າງການ​ເດີນທາງ
ເປັນ​ເວລາ 10 ວັນ​ຂອງ​ທ່ານ​ໃນ​ຄັ້ງນີ້.

XS
SM
MD
LG