ສະຖາປະນິກຊາວຝຣັ່ງຄົນນຶ່ງ ທີ່ຖືກກັກຕົວໄວ້ຢູ່ໃນກໍາປູເຈຍເປັນເວລາ ຫຼາຍກວ່ານຶ່ງເດືອນນັ້ນໄດ້ຖືກປ່ອຍຕົວແລະກໍບິນໄປຍັງປະເທດຈີນແລ້ວ ບ່ອນທີ່ເຈົ້າໜ້າທີ່ຕ້ອງການຢາກໃຫ້ຜູ້ກ່ຽວເປັນພະຍານໃນຄະດີທີ່ພົວພັນກັບຂ່າວນອງນັນທາງການເມືອງທີ່ໃຫຍ່ທີ່ສຸດໃນຮອບປີຢູ່ໃນປະເທດດັ່ງກ່າວ.
ບັນດາເຈົ້າໜ້າທີ່ກໍາປູເຈຍກ່າວໃນວັນພຸດນີ້ວ່າ ນາຍ Patrict Devillers ໄດ້ຂຶ້ນເຮືອບິນ ເມື່ອຕອນບ່າຍວັນອັງຄານວານນີ້ ດ້ວຍຄວາມສະໝັກໃຈ ຂອງຜູ້ກ່ຽວເອງ.
ນາຍ Devillers ຖືກຈັບກຸມເມື່ອເດືອນຜ່ານມາ ຕາມຄໍາຮ້ອງຂໍຂອງຈີນ ແຕ່ກໍບໍ່ເຄີຍໄດ້ຖືກຕັ້ງຂໍ້ຫາໃດໆ.
ມີຄົນເວົ້າວ່າ ນາຍ Devillers ຄົນນີ້ ມີຄວາມສໍາພັນດ້ານທຸລະກິດທີ່ໃກ້ ຊິດກັບ ທ່ານ Bo Xilai ເຈົ້າໜ້າທີ່ພັກຄອມມີວນີສຈີນ ທີ່ຖືກປົດຈາກຕໍາ ແໜ່ງ ແລະພັນລະຍາຂອງທ່ານ ນາງ Gu Kailao ນັ້ນ.
ທ່ານ ໂບ ຖືກປົດອອກຈາກຕໍາແໜ່ງ ຜູ້ນຳພັກຄອມມູນິສ ໃນນະຄອນ Chongqing ເມື່ອຕົ້ນປີນີ້ອັນເປັນພາກສ່ວນນຶ່ງຂອງການສືບສວນເລຶ່ອງ ການສໍ້ລາດບັງຫຼວງຄັ້ງໃຫຍ່ ໃນຂະນະທີ່ພັນລະຍາຂອງທ່ານກໍຖືກສືບ ສວນສອບສວນໃນຂໍ້ຫາເປັນຄາດຕະກອນນັກທຸລະກິດຊາວອັງກິດຄົນນຶ່ງນັ້ນ.