ລິ້ງ ສຳຫລັບເຂົ້າຫາ

ຕຳຫຼວດ ກຳປູເຈຍ ຈັບ 11 ຄົນ ທີ່ຂັດຂວາງ ການສຶກສາ ເພື່ອສ້າງເຂືຶ່ອນ ຂອງຈີນ


ບັນດານັກເຄື່ອນໄຫວ ຂອງອົງການຈັດຕັ້ງເອກກະຊົນ ທີ່ບໍ່ຂຶ້ນ ກັບລັດຖະບານ ພາກັນຮ້ອງປະທ້ວງ ຕ້ານການສ້າງເຂື່ອນ ດອນສະຫົງ

ບັນດາ​ເຈົ້າ​ໜ້າທີ່ໃນ​ພາກ​ຕາ​ເວັນ​ຕົກ​ຂອງ ກຳປູ​ເຈຍ ​ໄດ້​ກັກ​ຂັງ
​ນັກ​ເຄຶ່ອນ​ໄຫວ 11 ຄົນຫລັງ​ຈາກ​ເຂົາ​ເຈົ້າ​ໄດ້​ພະຍາຍ​າມຍຸດຕິ ບໍ່ໃຫ້ທຳການສຶກສາເພີ້ມຕື່ມ ກ່ຽວກັບແຜນການ​ສ້າງ​ເຂື່ອນ​ໄຟ
​ຟ້າຂອງ​ຈີນ.

ຊາວບ້ານໃນເຂດ​ທ້ອງ​ຖິ່ນ​ປະມານ 30 ຄົນ ​ແລະພວກ​ນັກ​ເຄຶ່ອນ​
ໄຫວປົກປ້ອງ​ສິ່ງ​ແວດ​ລ້ອມໃນເຂດຮ່ອມ​ພູ Areng ​ໃນ​ວັນ​ຈັນ​
ວານ​ນີ້ ໄດ້​ພາກັນໄປຍັງບໍລິເວນ ​ທີ່​ເຂົາ​ເຈົ້າ​ໄດ້​ສ້າງເຄື່ອງກີດຂວາງ​
ຂື້ນ​ເມື່ອ​ຕົ້ນ​ປີ​ນີ້​ ເພື່ອ​ປ້ອງກັນບໍ່ໃຫ້ສາມາດ​ເຂົ້າ​ໄປ​ຫາ ບ່ອນ​ທີ່​ໄດ້​
ສະ​ເໜີໃຫ້ມີ​ການ​ກໍ່ສ້າງ​ເຂື່​ອນ.

ທ່ານ Huon Chhundy ຜູ້ອຳນວຍການ ສູ​ນກາງ​ສຶກສາ​ດ້ານ​ກົດໝາຍ​ປະຊາ​ຄົມ ກ່າວ​ວ່າ
ການ​ປະ​ທ້ວງ​ໄດ້​ດຳເນີນໄປດ້ວຍຄວາມ​ສະຫງົບ​.

ທ່ານ Huon Chhundy ກ່າວ​ວ່າ “ສິ່ງ​ທີ່​ປະຊາຊົນ​ເຮັດ​ກໍ​ຄື​ປ້ອງ​ກັນ​ຊັບພະ​ຍາກ​ອນທຳ​ມະ​
ຊາດ ຈາກ​ຈີນ​ທີ່ຢາກ​ເຂົ້​າ​ໄປ​ໃນ​ເຂດດັ່ງກ່າວ ​ເພື່ອ​ທຳການສຶກສາ​ຄົ້ນ​ຄ​ວ້າເພີ້ມຕື່ມກ່ຽວກັບ
ການ​ສ້າງ​ເຂື່ອນ​ໄຟ​ຟ້າ. ​ເຂົາ​ເຈົ້າ​ບໍ່ໄດ້​ມີ​ຈຸດປະສົງ​ຮ້າຍ ເພື່ອ​ລົບ​ກວນ​ສັງຄົມໃດໆ ຫລືເປັນ
​ໄພຕໍ່ເຈົ້າ​ໜ້າ​ທີ່.”

ທ່ານ Alex Gonzalez ນັກ​ເຄື່ອນ​ເພື່ອໄຫວ​ປົກປ້ອງສິ່ງແວດ​ລ້ອມ ​ແລະເປັນ ຄົນ​ສັນຊາດ
​ສະ​ເປ​ນ ​ໄດ້​ຖືກ​ປ່ອຍ​ໂຕ​ຫລັງ​ຈາກຖືກກັກ​ຂັງ​ບໍ່​ເທົ່າ​ໄດ​ຊົ່ວ​ໂມງ. ນັກ​ເຄື່ອນ​ໄຫວ​ອື່ນໆອີກ
10 ຄົນ ທີ່​ເປັນຄົນ​ສັນຊາດ​ກຳປູ​ເຈຍ​ທັງ​ໝົດ ຍັງ​ຖືກ​ກັກ​ຂັງ​ຢູ່. ​ຍັງ​ບໍ່ທັນ​ຊາບ​ເທື່ອວ່າ ​ພວກ
ເຂົາ​ເຈົ້າຈະ​ຖືກ​ກ່າວ​ຫາ​ຢ່າງເປັນ​ທາງ​ການ​ກ່ຽວກັບ​ຄວາມ​ຜິດ​ໃດໆຫລື​ບໍ່.

ທ່າ​ນ Gonzalez ກ່່າວ​ຕໍ່ວີ​ໂອ​ເອວ່າ ບັນດາ​ທະນາຍຄວາມ​ຈະ​ມາ​ຈາກ ນະຄອນພະນົມ​ເປັນ ​ໃນ​ວັນ​ອັງຄານ​ມື້​ນີ້ ​ເພື່ອ​ຊອກ​ຫາ​ຊ່ອງທາງ ປ່ອຍ​ໂຕ​ພວກທີ່ຖືກຈັບ ອື່ນໆ.

​ເວລາ ວີ​ໂອ​ເອພະ​ແນ​ກພາສາ​ກຳປູ​ເຈ​ຍຕິດ​ຕໍ່​ໄປຫາ ​ໂຄສົກ​ຕຳຫລວດ​ແຫ່ງ​ຊາດ ທ່ານ Keat Chantharith ພຽງ​ແຕ່​ກ່າວ​ວ່າ ທ່ານ​ຍັງ​ບໍ່​ທັນເຫັນ​ລາຍ​ງານ​ກ່ຽວ​ກັບ​ເລື່ອງນີ້ເທື່ອ. ​ເຈົ້າ​ໜ້າ​ທີ່​ຄົນ​ອື່ນໆໄດ້ປະ​ຕິເສດ​ບໍ່ຍອມໃຫ້ຄວາມເຫັນໃດໆຫລື​ ຕິດ​ຕໍ່​ຫາ​ບໍ່​ໄດ້.

XS
SM
MD
LG