ພວກລັດຖະກອນແລະພະນັກງານທະຫານໃນກຳປູເຈຍ ຈະໄດ້ເຫັນເງິນເດືອນຂອງເຂົາເຈົ້າເພີ່ມຂຶ້ນ 20% ໃນແຜນງົບປະມານໃໝ່ຂອງປະເທດ.ລາຍງານຂ່າວຂອງວັນຈັນມື້ນີ້ເວົ້າວ່າ ລັດຖະບານໄດ້ຮັບຮອງເອົາງົບປະມານ ຈຳນວນ 2 ພັນ 4 ຮ້ອຍລ້ານໂດລ່າ ສໍາລັບແຜນການໃຊ້ຈ່າຍຂອງປີ 2011 ຊຶ່ງແມ່ນປະມານ 17% ສູງກວ່າປີນີ້.
ໂຄສົກຂອງສະພາລັດຖະມົນຕີ ທ່ານຜາຍ ສີພັນ ກ່າວວ່າ ງົບປະມານໃຊ້ຈ່າຍ ດ້ານການປ້ອງກັນປະເທດແລະຄວາມ ປອດໄພນັ້ນ ຈະເພີ່ມຂຶ້ນຈາກປະມານ 276 ລ້ານໂດລາ ໃນປີນີ້ ເປັນເກືອບຮອດ 300 ລ້ານໂດລາ ໃນປີ 2011.
ພວກປະເທດໃຫ້ການຊ່ວຍເຫລືອຕ່າງໆ ທີ່ເປັນຜູ້ປະກອບສ່ວນໃຫຍ່ໃນງົບປະມານຂອງກຳປູເຈຍ ໄດ້ຕ້ອງຕິການໃຊ້ຈ່່າຍທາງທະຫານໃນລະດັບສູງຂອງກໍາປູເຈຍໃນອະດີດ ແລະເລື້ອງນີ້ກໍຄົງຈະເປັນບັນຫາຖົກຖຽງກັນອີກ.
ໃນເດືອນມິຖຸນາຜ່ານມານີ້ ພວກໃຫ້ເງິນຊ່ວຍເຫລືອໄດ້ປະ ກາດການຊ່ວຍເຫລືອດ້ານການພັດທະນາໃຫ້ແກ່ກໍາປູເຈຍ ໃນຈໍານວນເຖິງ 1 ພັນ 1 ຮ້ອຍລ້ານໂດລາ.
