ລິ້ງ ສຳຫລັບເຂົ້າຫາ

3 ອະດີດຜູ້ນໍາຂະເໝນແດງ ຮ້ອງຂໍຕໍ່ສານໃຫ້ປ່ອຍໂຕ ພວກຕົນ

  • ວັນນະສອນ ແກ້ວດາຣາ

ນາຍ Nuon Chea ຫົວໜ້າດ້ານອຸດົມການຂອງຂະບວນການທີ່ທຸກຄົນຮູ້ໃນນາມ ນ້ອງຜູ້ທີ່ 2

ທີ່ກໍາປູເຈຍ ທະນາຍຄວາມຂອງ 3 ອະດີດຜູ້ນໍາຂະເໝນແດງ ທີ່ມີກໍານົດຈະຖືກນໍາຂຶ້ນສານ ດໍາເນີນຄະດີ ໃນກາງປີນີ້ ໄດ້ຮ້ອງຮຽນໄປຍັງສານອາຊະຍາກໍາສົງຄາມສາກົນ ໃນນະຄອນ ຫລວງພະນົມເປັນ ໃຫ້ປ່ອຍລູກຄວາມຂອງເຂົາເຈົ້າ. ນາຍ Robert Carmichael ລາຍ ງານມາຈາກກຸງພະນົມເປັນ ດັ່ງວັນນະສອນຈະນໍາມາສະເໜີທ່ານ ຕໍ່ໄປ.

ວັນຈັນຜ່ານມານີ້ແມ່ນເປັນຄັ້ງທໍາອິດທີ່ 3 ອະດີດຜູ້ນໍາຂະ
ເໝນແດງໄດ້ໄປປາກົດຕົວຢູ່ສານອາຊະຍາກໍາສົງຄາມນາໆ
ຊາດ ພ້ອມກັນ.

ພວກທະນາຍຄວາມຂອງພວກເຂົາເຈົ້າໄດ້ຮ້ອງຂໍໃຫ້ສານ
ປ່ອຍພວກກ່ຽວ ກ່ອນການດຳເນີນຄະດີຂອງພວກເຂົາ
ເຈົ້າ ຊຶ່ງຄາດວ່າຈະມີຂຶ້ນໃນກາງປີນີ້.

ພວກທະນາຍກ່າວຕໍ່ສານວ່າ ພວກລູກຄວາມທີ່ສູງອາຍຸ
ຂອງເຂົາເຈົ້ານັ້ນໄດ້ຖືກຄຸມຂັງກາຍລະຍະເວລາທີ່ລະບຽບ
ການຂອງສານໄດ້ອະນຸຍາດໃຫ້ແລ້ວ.

ຜູ້ຕ້ອງຫາທັງ 3 ທີ່ຖືກນໍາຕົວຂຶ້ນສານນັ້ນ ມີຮວມທັງ
ນາຍ Nuon Chea ຫົວໜ້າດ້ານອຸດົມການຂອງຂະບວນ
ການທີ່ທຸກຄົນຮູ້ໃນນາມ ນ້ອງຜູ້ທີ່ 2; ນາຍ Khieu
Samphan ທີ່ເປັນປະມຸກປະເທດຂອງກຸ່ມຂະເໝນແດງ
ແລະນາງ Ieng Thirith ອະດີດລັດຖະມົນຕີກະຊວງກິດຈະການສັງຄົມ.

ຜູ້ຕ້ອງຫາຄົນທີ່ 4 ຄືອະດີດລັດຖະມົນຕີກະຊວງການຕ່າງປະເທດ Ieng Sary ນັ້ນ
ບໍ່ໄດ້ຂໍອຸທອນຕໍ່ຄໍາຕັດສິນຂອງສານເມື່ອບໍ່ດົນມານີ້ ທີ່ວ່າບຸກຄົນທັງ 4 ຕ້ອງໄດ້ຖືກຄຸມ
ຕົວໄວ້ ກ່ອນການດຳເນີນຄະດີນັ້ນ.

ໄອຍະການຂອງສານນາໆຊາດທ່ານ Andrew Cayley ກ່າວໃນວັນຈັນຜ່ານມານີ້ວ່າ
ການຂໍຮ້ອງໃຫ້ປ່ອຍຕົວຂອງນາຍ Nuon Chea ແມ່ນຂັດກັບວິທີການຕັດສິນຄະດີ
ຄວາມຂອງສານນາໆຊາດ.

ທ່ານຍັງກ່າວວ່າ ນາຍ Nuon Chea ຄວນຈະຢູ່ພາຍໃຕ້ການຄວບຄຸມຕົວຂອງເຈົ້າໜ້າທີ່
ຢູ່ຕໍ່ໄປ ເພາະວ່ານາຍ Nuon Chea ໄດ້ສະແດງໃຫ້ເຫັນວ່າ ລາວຍັງສາມາດຂົ່ມຂູ່ພວກ
ທີ່ຢູ່ໃຕ້ອໍານາດລາວໃນຖັ້ນແຖວຂອງຂະເໝນແດງນັ້ນ ໄດ້ຢູ່.

ຢ່າງນ້ອຍກໍຍັງມີຜູ້ນຶ່ງໃນຈຳນວນນັ້ນ ທີ່ມີໝາຍກໍານົດຈະໃຫ້ການຕ້ານນາຍ Nuon
Chea ແລະທ່ານ Cayley ກ່າວຕື່ມວ່າ ພວກພະຍານຄົນອື່ນໆຍັງມີຄວາມຢ້ານກົວ
ທີ່ຈະໄປໃຫ້ການ ຊຶ່ງທ່ານກ່າວວ່າ:

“ສານທີ່ເຄົາລົບ, ເມື່ອເວົ້າເຖິງຕຳແໜ່ງຂອງຜູ້ຕ້ອງຫາພາຍໃນປະເທດປະຊາ
ທິປະໄຕກໍປູເຈຍແລ້ວ ລາວອາດສາມາດທຳຄວາມກົດດັນຕໍ່ພວກພະຍານ ໂດຍສະເພາະແມ່ນພວກທີ່ຢູ່ໃຕ້ບັງຄັບບັນຊາຂອງລາວມາກ່ອນນັ້ນ ແລະ
ຄວາມຈິງ ມັນກໍໄດ້ມີຫຼັກຖານບາງຢ່າງກ່ຽວກັບເລື່ອງນີ້ ເກີດຂຶ້ນແລ້ວ.”

ພວກໄອຍະການຍັງເຕືອນໄດ້ວ່າ ພວກຈໍາເລີຍມີຊື່ຂອງພວກທີ່ຈະມາເປັນພະຍານ.

ເປັນທີ່ຄາດກັນວ່າ ສານຈະໄດ້ຕັດສິນກ່ຽວກັບຄຳຮ້ອງຂໍດັ່ງກ່າວພາຍໃນເວລາ 30 ມື້.

ໃນຕົ້ນເດືອນນີ້ ບຸກຄົນທັງ 4 ໄດ້ຖືກຟ້ອງໃນຂໍ້ຫາຂ້າລ້າງເຊື້ອຊາດເຜົ່າພັນ, ກໍ່ໂທດກຳ
ຕ້ານມະນຸດຊາດ ແລະກໍ່ອາຊະຍາກຳສົງຄາມ ແລະອາຊະຍາກຳອື່ນໆອີກ ພາຍໃຕ້ ກົດໝາຍກຳປູເຈຍ ແຕ່ພວກເຂົາໄດ້ປະຕິເສດຕໍ່ຂໍ້ຫາເຫຼົ່ານີ້.

ມີປະຊາຊົນຫຼາຍເຖິງ 2 ລ້ານ 2 ແສນຄົນ ຖືກຂ້າຕາຍພາຍໃຕ້ລະບອບການປົກຄອງຂອງ
ພວກຂະເໝນແດງໃນລະຫວ່າງປີ 1975 ຫາ 1979.

ຜູ້ນໍາຂະບວນການດັ່ງກ່າວນີ້ແມ່ນນາຍ Pol Pot ທີ່ໄດ້ເສຍຊີວິດໄປແລ້ວໃນປີ 1998.

ປີກາຍນີ້ ທາງສານອາຊະຍາກຳນາໆຊາດໄດ້ຕັດສິນໂທດ ອະດີດຫົວໜ້າຮັກສາຄວາມ
ປອດໄພຂອງພວກຂະເໝນແດງ ນາຍ Duch ໃຫ້ຈໍາຄຸກເປັນເວລາ 30 ປີ. ທັງໄອຍະ
ການແລະພວກທະນາຍຄວາມຂອງນາຍ Duch ໄດ້ຂໍອຸທອນຕໍ່ຄໍາຕັດສິນຂອງສານ ຊຶ່ງ
ມີກໍານົດວ່າຈະໄດ້ພິຈາລະນາກ່ຽວກັບເລື່ອງນີ້ ໃນທ້າຍເດືອນມີນາຈະມາເຖິງນີ້.

XS
SM
MD
LG