ພວກສະມາຊິກໃນຄອບຄົວແລະເພື່ອນຝູງຂອງທ່ານ Chut Wutty ນັກເຄື່ອນໄຫວປົກ
ປ້ອງສິ່ງແວດລ້ອມທີ່ຖືກຂ້າຕາຍໄປ ທວງໃຫ້ນຳເອົາຜູ້ທີ່ສັງຫານທ່ານມາລົງໂທດ ຫຼັງ
ຈາກຜູ້ປຸກລະດົມທີ່ມີຊື່ງສຽງຕໍ່ ຕ້ານການລັກຕັດໄມ້ທີ່ຜິດກົດໝາຍ ໃນກໍາປູເຈຍທ່ານ
ນີ້ ໄດ້ຖືກຍິງ ຕາຍໂດຍສາລະວັດທະຫານ ໃນເຂດປ່າສະຫງວນ Cardamom ກາງ
ໃນແຂວງເກາະກົງນັ້ນ.
ທ່ານ Chut Wutty ເປັນຜູ້ອໍານວຍການຂອງກຸ່ມປົກປ້ອງແຫຼ່ງຊັບ ພະຍາກອນທໍາມະ
ຊາດ ໄດ້ຖືກຍິງຕາຍ ຍ້ອນບໍ່ຍອມມອບຮູບພາບທີ່ທ່ານໄດ້ຖ່າຍເອົາການຕັດໄມ້ທີ່ເຊື່ອ
ວ່າຜິດກົດໝາຍໃນເຂດປ່າສະຫງວນ Cardamom ກາງ ໃຫ້ສາລະວັດທະຫານນັ້ນ.
ເຊື່ອກັນວ່າທ່ານ Chut Wutty ໄດ້ຕິດຕາມໄປນໍາພວກນັກໜັງສືພິມ 2 ຄົນ ຈາກໜັງ
ສືພິມ The Cambodia Daily ຊຶ່ງເປັນໜັງສືພິມລາຍວັນ ພາສາອັງກິດໃນທ້ອງຖິ່ນ
ໄປເບິ່ງສະຖານທີ່ໆມີການສະເໜີໃຫ້ເປັນບ່ອນສ້າງເຂື່ອນໄຟຟ້າພະລັງນໍ້ານັ້ນ.
ເວລາຍັງມີຊີວິດຢູ່ ທ່ານ Chut Wutty ໄດ້ທໍາການຕໍາໜິຕິຕຽນຢ່າງໜັກຕໍ່ການສໍ້ລາດ
ບັງຫຼວງໂດຍພວກເຈົ້າໜ້າທີ່ລັດຖະບານແລະພວກທະຫານໃນອາດຊະຍາກໍາປ່າໄມ້
ນັ້ນ.
ທ່ານ Wutty ໄດ້ຖືກຂົ່ມຂູ່ມາຫຼາຍຄັ້ງໃນວຽກງານຂອງທ່ານຕໍ່ຕ້ານ ພວກອາດຊະຍາ
ກອນປ່າໄມ້ ແຕ່ທ່ານ Marcus Hardtke ຜູ້ປະສານງານໂຄງການເອເຊຍຕາເວັນ
ອອກສຽງໃຕ້ ສໍາລັບກຸ່ມ ARA ຊຶ່ງເປັນກຸ່ມອະນຸລັກປ່າໄມ້ເຢຍຣະມັນທີ່ສະໜັບສະ
ໜຸນວຽກງານຂອງທ່ານ Chut Wutty ນັ້ນກ່າວວ່າ ການຂົ່ມຂູ່ແລະການໃຫ້ສິນບົນ
ຈະຊື້ທ່ານບໍ່ໄດ້.
ທ່ານ Marcus Hardtke ກ່າວວ່າ ມັນຈະເປັນໂສກນາຕກໍາຍິ່ງໃຫຍ່ທີ່ສຸດ ຖ້າຫາກ
ການເສຍຊີວິດຂອງທ່ານ Chut Wutty ບໍ່ພາໃຫ້ຄົນອື່ນໆລຸກຂຶ້ນແລະເວົ້າອອກມາ
ນັ້ນ ມັນຈະເປັນສິ່ງກົງກັນຂ້າມກັບອັນທີ່ທ່ານ Wutty ຢາກເຮັດນັ້ນ. ປະຊາຊົນຄວນ
ຈະເອົາແບບຢ່າງຂອງທ່ານ ແລະພວກເຮົາຕ້ອງການປະຊາຊົນຈໍານວນຫຼາຍພັນຄົນ
ຄືທ່ານ Wutty ໃນກໍາປູເຈຍນັ້ນ.
ເບິ່ງວີດີໂອ ລາຍງານພາສາຂະເໝນ: