ບັນດາເຈົ້າໜ້າທີ່ໃນພາກເໜືອຂອງລັດຄາລີຟໍເນຍ ກ່າວໃນວັນສຸກວານນີ້ວ່າ ເກົ້າຄົນ
ໄດ້ເສຍຊີວິດຈາກໄຟໄໝ້ປ່າ ນຶ່ງໃນສາມ ໄຟໄໝ້ປ່າ ຢູ່ໃນລັດນີ້ ທີ່ໄດ້ເຜົາໄໝ້ເຮືອນຊານ
ຈົນວອດວາຍຫຼາຍກວ່າ 6,400 ຫຼັງ ແລະໄດ້ບັງຄັບໃຫ້ມີການຍົກຍ້າຍອອກຈາກພື້ນທີ່
ຢ່າງກວ້າງຂວາງ.
ຫ້ອງການຕຳຫຼວດເມືອງບັດຕີ ກ່າວວ່າ ພວກເຄາະຮ້າຍສ່ວນໃຫຍ່ ໄດ້ຖືກພົບເຫັນວ່າ
ເສຍຊີວິດຢູ່ໃນລົດ ຫຼືຢູ່ນອກລົດເຂົາເຈົ້າ ໃນຂະນະທີ່ເຂົາເຈົ້າໄດ້ພະຍາຍາມຫລົບໜີ
ອອກຈາກເມືອງພາຣາດາຍສ໌ ທີ່ເປັນເມືອງຕັ້ງຢູ່ຕາມພູຜາ ທາງພາກເໜືອຂອງເມືອງ
ຊາກຣາເມັນໂຕ. ເມືອງພາຣາດາຍສ໌ ສ່ວນໃຫຍ່ໄດ້ຖືກທຳລາຍເກືອບໝົດ ຈາກໄຟປ່າ
ທີ່ເຄື່ອນຍ້າຍຢ່າງວ່ອງໄວ ຊຶ່ງໄດ້ກົດດັນໃຫ້ຊາວບ້ານຫຼາຍພັນຄົນພາກັນໜີອອກຈາກ
ບ້ານເຮືອນຂອງເຂົາເຈົ້າ.
ພວກເຈົ້າໜ້າທີ່ກ່າວໃນວັນສຸກວານນີ້ວ່າ ໄຟໄດ້ເຜົາຜານ 6,453 ຫຼັງຄາເຮືອນ ແລະອີກ
260 ຕຶກອາຄານ ທີ່ເປັນຮ້ານຄ້າຕ່າງໆ ແລະໄດ້ກວມເອົາເນື້ອທີ່ເພີ້ມຂຶ້ນເຖິງ 362 ຕາລາງ
ກິໂລແມັດ.
ໄຟປ່າທີ່ໄດ້ເລີ້ມເກີດຂຶ້ນ ໃນວັນພະຫັດມື້ຊືນນີ້ ແມ່ນໄດ້ແຮງຂຶ້ນສີ່ເທົ່າຕົວ ໃນເວລາຂ້າມ
ຄືນ ຫາວັນສຸກວານນີ້. ພວກເຈົ້າໜ້າທີ່ກ່າວວ່າ ໄດ້ຄວບຄຸມໄວ້ໄຟປ່າໄດ້ພຽງແຕ່ 5 ເປີເຊັນ
ເທົ່ານັ້ນ.
ນອກຈາກນັ້ນແລ້ວ ກໍຍັງໄດ້ພົບເຫັນພວກທີ່ເສຍຊີວິດຢູ່ໃນລົດຂອງເຂົາເຈົ້າ ຫຼາຍຄົນໃນເມືອງພາຣາດາຍ ໄດ້ຖືກບັງຄັບໃຫ້ປະລະລົດລາເຂົາເຈົ້າ ທີ່ຕິດຄ້າງຢູ່ໃນການສັນຈອນ ແລະພາກັນແລ່ນໜີເພື່ອເອົາຊີວິດລອດ.
ມີລາຍງານວ່າ ຫຼາຍສິບຄົນໄດ້ຫາຍສາບສູນ.
ເຈົ້າໜ້າທີ່ດັບເພີງລັດຄາລິຟໍເນຍ ກ່າວວ່າພວກດັບເພີງໄດ້ຍອມຕໍ່ສູ້ກັບແປວໄຟໃນວັນພະຫັດທີ່ຜ່ານມາ ແລະແທນທີ່ໄດ້ຊ່ວຍເຫຼືອຄົນໃຫ້ອອກມາມີຊີວິດ. ທ່ານສະກັອຕ ແມັກລິນ ຫົວໜ້າດັບເພີງປ່າໄມ້ ແລະປ້ອງກັນໄຟຂອງລັດຄາລີຟໍເນຍ ກ່າວວ່າ “ບັນດານັກຕໍ່ສູ້ມອດໄຟເຫລົ່ານີ້ ໄດ້ພາກັນຢູ່ທ່າທີການກູ້ໄພໝົດມື້ວານນີ້. ທ່ານກ່າວວ່າ “ເມືອງໄດ້ຫາຍຍະນະ ທຸກສິ່ງທຸກຢ່າງໄດ້ຖືກທຳລາຍ.”
ເມືອງພາຣາດາຍ ຕັ້ງຢູ່ເກືອບ 145 ກິໂລແມັດ ທາງພາກເໜືອຂອງເມືອງຊາ ກຣາເມັນໂຕ ເປັນບ້ານເຮືອນຂອງຊາວບ້ານກວ່າ 26,000 ຄົນ ອີງຕາມເວັບໄຊ.
