ລິ້ງ ສຳຫລັບເຂົ້າຫາ

logo-print

ຊາວລາວ ທີ່ອາໄສ ຢູ່ພາກເໜືອ ຄາລີຟໍເນຍ ຖືກໄຟປ່າ ຄຸກຄາມ


ນີ້ຄືພາບເຮືອນຊານທີ່ຖືກໄຟໄໝ້ ໃນເຂດເມືອງໂຊໂນມາ, ລັດ ຄາລິຟໍເນຍ.

ໄຟໄໝ້ປ່າຮຸນແຮງທີ່ພາກເໜືອຂອງລັດ ຄາລີຟໍເນຍ ຍັງສືບຕໍ່ແຜ່ກະຈາຍໄປຫຼາຍພື້ນ
ທີ່ກວ້າງຂວາງ ໂດຍສ້າງຄວາມເສຍຫາຍຢ່າງຫຼວງຫຼາຍຕໍ່ຊັບສິນຂອງປະຊາຊົນທີ່ອາ
ໄສຢູ່ໃນທ້ອງຖິ່ນ, ລວມທັງຄອບຄົວຂອງຄົນ ລາວ ຫຼາຍຄອບຄົວ. ໃນນັ້ນບາງຄອບຄົວ
ແມ່ນໄດ້ຮັບຄວາມເສຍຫາຍຢ່າງໜັກເຊິ່ງເຮືອນ ແລະ ຊັບສິນຂອງເຂົາເຈົ້າໄດ້ຖືກໄຟ
ໄໝ້ບໍ່ເຫຼືອ. ພຸດທະສອນ ຈະນຳລາຍລະອຽດມາສະເໜີທ່ານໃນອັນດັບຕໍ່ໄປ.

ໄຟໄໝ້ປ່າທີ່ເກີດຈາກລົມພັດແຮງໄດ້ກໍ່ໃຫ້ເກີດພາຍຸໄຟຮ້າຍແຮງໃນພື້ນທີ່ ພາກເໜືອ
ຂອງລັດ ຄາລິຟໍເນຍ ເຊິ່ງເປັນບ່ອນຜະລິດເຫຼົ້າແວັງທີ່ສຳຄັນຂອງປະເທດ.

ປັດຈຸບັນນີ້ໄຟດັ່ງກ່າວໄດ້ສ້າງຄວາມເສຍຫາຍຢ່າງຫຼວງຫຼາຍໃຫ້ແກ່ປະຊາຊົນທີ່ອາ
ໄສຢູ່ໃນທ້ອງຖິ່ນ, ໂດຍສະເພາະໃນເມືອງ Santa Rosa ເຂດ Sonoma County
ແລະອ້ອມແອ້ມ. ປະຊາຊົນຊາວ ລາວ ຈຳ ນວນນຶ່ງທີ່ອາໄສຢູ່ໃນບໍລິເວນນັ້ນ ກໍແມ່ນ
ຜູ້ທີ່ໄດ້ຮັບຜົນກະທົບຢ່າງໜັກຈາກໄພພິບັດດັ່ງກ່າວ.

ຍານາງ ບຸດສະບາ ເຈນເນັດວິໄລ ທີ່ອາໄສຢູ່ໃນເມືອງ Penngrove ເຂດ Sonoma
County ນັ້ນ ແມ່ນເຮັດວຽກທີ່ສະຖາບັນການສຶກສາສອງແຫ່ງຄື ມະຫາວິທະຍາໄລ
Junior ແລະ ມະວິທະຍາໄລລັດຖະບານ Sonoma.

ຍານາງບຸດສະບາ ເຈນເນັດວິໄລ ໄດ້ກ່າວວ່າ "ໂຮງຮຽນທັງສອງແຫ່ງໄດ້ຖືກປິດໝົດ
ອາທິດ. ທຳອິດໄດ້ປິດແຕ່ນຶ່ງມື້, ສອງມື້. ແຕ່ຕອນນີ້ເຂົາເຈົ້າຕ້ອງຂະຫຍາຍມື້ອອກໄປ
ອີກ. ຄວັນຢູ່ອາກາດແມ່ນອັນຕະລາຍຫຼາຍສຳລັບຜູ້ເຖົ້າ ແລະ ເດັກນ້ອຍ. ພວກເຮົາ
ຢູ່ແຕ່ໃນເຮືອນ ແລະ ຢູ່ວັດ ລາວ ກໍເປີດໃຫ້ຄົນໄປຂໍພັກລີ້ໄພເຊັ່ນກັນ. ພວກເຮົາໃສ່
ໜ້າກາກທຸກຄັ້ງເວລາທີ່ໄປໄສມາໄສ.”

ລັດຖະບານໃນທ້ອງຖິ່ນໄດ້ຈັດສະຖານທີ່ອາໄສລີ້ໄພສຳລັບປະຊາຊົນທີ່ມີຄວາມຕ້ອງ
ການ, ແຕ່ປະຊາຊົນຜູ້ຖືກເຄາະຮ້າຍສ່ວນໃຫຍ່ໄດ້ຫັນໄປຂໍພັກລີ້ໄພຢູ່ວັດ ລາວ ແທນ.
ດັ່ງທີ່ຍານາງ ບຸດສະບາ ໄດ້ອະທິບາຍ.

ຍານາງ ບຸດສະບາ ກ່າວວ່າ “ຕອນນີ້ຂ້າພະເຈົ້າມາເຕົ້າໂຮມກັນຢູ່ວັດລາວ ໄຊເສດຖາ
ຢູ່ເມືອງ Santa Rosa ສຳລັບປະຊາຊົນ ລາວ ທີ່ອາໄສຢູ່ໃນຊຸມຊົນນີ້ ເຂົາເຈົ້າຮູ້ສຶກ
ອຸ່ນໃຈກັບບ່ອນທີ່ເຂົາເຈົ້າຄຸ້ນເຄີຍ, ແທນທີ່ຈະໄປບ່ອນລີ້ໄພຊົ່ວຄາວ. ໂຊກດີທີ່ມີຫຼາຍ
ຄອບຄົວມາທີ່ນີ້ ໃນມື້ທຳອິດທີ່ມັນເກີດຂຶ້ນ ເຊິ່ງແມ່ນຕອນເຊົ້າຂອງວັນຈັນທີ່ຜານມາ.
ປະຊາຊົນໄດ້ພາກັນມາເຄາະປະຕູວັດ, ປຸກຄູບາອາຈານໃຫ້ຕື່ນປະມານ 2 ໂມງເຊົ້າ
ເພາະວ່າເຂົາເຈົ້າໄປບ່ອນອື່ນບໍ່ໄດ້. ດັ່ງນັ້ນເຂົາເຈົ້າຈຶ່ງມາທີ່ນີ້ ແລະ ຕິດຕາມເຫດໄຟ
ໄໝ້. ຄືນນັ້ນມີລົມແຮງຫຼາຍ."

ໄຟໄດ້ລຸກລາມໄປທົ່ວຫຼາຍເມືອງເກືອບ 69,000 ເຮັກຕາ. ຕຳຫຼວດໄດ້ປິດຫົນທາງ
ຫຼາຍເສັ້ນ ແລະ ປ້ອງກັນບໍ່ໃຫ້ປະຊາຊົນເຂົ້າໄປໃນໝູ່ບ້ານທີ່ຖືກທຳລາຍ, ເຊິ່ງບາງຄົນ
ກ່າວວ່າ ເຂົາເຈົ້າບໍ່ສາມາດຈື່ຖະໜົນ ແລະ ເຂດທີ່ຢູ່ອ້ອມແອ້ມໄດ້ເລີຍ.

ທ່ານ ຄຳພູມີ ພັນໂນຣາດ ຄົນ ລາວ ທີ່ອາໄສຢູ່ເຂດໄຟໄໝ້ໄດ້ກ່າວວ່າ “ເຂົາບໍ່ໃຫ້ໃກ້
ບ່ອນໄຟໄໝ້ຫັ້ນນະ, ມີຕຳຫຼວດ ມີ Sheriff (ຕຳຫຼວດເມືອງ) ບໍ່ໃຫ້ຄົນໄປໃກ້ເລີຍນະ.
ເຈົ້າຂອງບ້ານຜູ້ຖືກເຄາະຮ້າຍເຂົາກໍຍັງບໍ່ໃຫ້ກັບຄືນເມືອບ້ານນະ.”

ໄຟໄໝ້ປ່າໄດ້ໄໝ້ລາມນັບຕັ້ງແຕ່ຕອນແລງຂອງວັນອາທິດທີ່ຜ່ານມາ ເຊິ່ງປະຊາຊົນ
ສ່ວນໃຫຍ່ ແມ່ນໄດ້ພາກັນກຽມນອນ ຫຼື ໄດ້ນອນຫຼັບແລ້ວ ແລະ ຫຼາຍຄົນກໍກຽມຕົວ
ເກັບເຄື່ອງບໍ່ທັນ ນອກຈາກເອົາເອງໃຫ້ລອດອອກມາຈາກເຮືອນຂອງເຂົາເຈົ້າ.

ເຮືອນຂອງທ່ານ ໂກ້ ທຳມະໂສດ ພາຍຫຼັງທີ່ຖືກໄຟປ່າເຜົາໄໝ້.
ເຮືອນຂອງທ່ານ ໂກ້ ທຳມະໂສດ ພາຍຫຼັງທີ່ຖືກໄຟປ່າເຜົາໄໝ້.

ຄອບຄົວຂອງທ່ານ ໂກ້ ທຳມະໂສດ ແມ່ນນຶ່ງໃນບໍ່ເທົ່າໃດຄອບຄົວຄົນ ລາວ ທີ່ໄດ້ຮັບ
ຄວາມເສຍຫາຍໜັກສຸດຈາກໄຟໄໝ້ປ່າຄັ້ງນີ້. ທ່ານໄດ້ກ່າວວ່າ.

“ນອນບໍ່ຫຼັບເພາະວ່າລົມພັດແຮງ, ທັງລົມທັງຄວັນໄຟໄໝ້ຫັ້ນນະ, ຄວັນຂາວໆເຂົ້າມາ
ໃນເຮືອນ. ມັນມາແຮງຂຶ້ນແຮງຂຶ້ນ ກະເລີຍໄປຊ່ອງເບິ່ງໜ້າບ້ານວ່າເປັນຫຍັງຄືມາລົມ,
ມາຄວັນແທ້, ເຫັນ Neighbor (ຄົນຂ້າງບ້ານ) ຄົນ ອາເມຣິກັນ ຮ້ອງວ່າລົມມາແຮງ,
ໄຟຊິໄໝ້ບໍລິເວນນັ້ນ ກະເລີຍແລ່ນມາປຸກພໍ່ເຖົ້າ ແມ່ເຖົ້າຢູ່ຕະລ່າງ ລະກະລູກຢູ່ຫ້ອງນຶ່ງ,
ເມຍຢູ່ຫ້ອງນຶ່ງຕ່າງຫາກ, ບໍ່ໄດ້ຫ້າງເອົາຫຍັງມີແຕ່ເຄື່ອງຄາໂຕ. ເພາະວ່າມັນມີກຸ່ມເດັກ
ນ້ອຍຜູ້ນຶ່ງຂີ່ລົດກະບະ ມາລະບີບແກໄລ່ເຕືອນໃຫ້ຄົນອົບພະຍົບອອກດຽວນີ້ ເພາະວ່າ
ໄຟມັນມາແຮງ, ທັງລົມທັງໄຟ. ບໍ່ທັນໄດ້ຫຍັງ, ຊີວິດເຮົາສຳຄັນ, ວັດຖຸສິ່ງຂອງເປັນຂອງ
ນອກກາຍເຮົາ, ບໍ່ມີເຮົາຫາໄດ້.”

ຄອບຄົວຂອງທ່ານ ໂກ້ ໄດ້ສູນເສຍເຮືອນທັງໝົດຫຼັງຈາກໄຟທີ່ໄດ້ລຸກລາມໄປໃສ່. ແຕ່
ວ່າສະມາຊິກຄອບຄົວຂອງທ່ານທຸກຄົນແມ່ນປອດໄພດີ. ພ້ອມກັນນັ້ນ, ຍັງມີລູກຊາຍ
ຂອງນຶ່ງຄະນະຜູ້ຊີ້ນຳວັດ ແລະ ຜູ້ຊ່ວຍບໍລິຫານສຳລັບວັດລາວ ໄຊເສດຖາ ທີ່ເມືອງ
Santa Rosa ກໍຖືກໄຟໄໝ້ເຊັ່ນກັນ.

ປະທານາທິບໍດີ ດໍໂນລ ທຣຳ ໄດ້ປະກາດຫຼາຍພາກສ່ວນຂອງພາກເໜືອລັດ ຄາລິຟໍ
ເນຍ ເປັນເຂດໄພພິບັດ, ເຮັດໃຫ້ເຂົາເຈົ້າສາມາດໄດ້ຮັບການຊ່ວຍເຫຼືອຈາກລັດຖະ
ບານຢ່າງວ່ອງໄວ. ຜູ້ປົກຄອງລັດທ່ານ Jerry Brown ໄດ້ປະກາດພາວະສຸກເສີນໃນ 8
ເມືອງ.

ຫົວໜ້າດັບເພີງກົມປ່າໄມ້ຂອງລັດຄາລິຟໍເນຍ ທ່ານ Ken Pimlott ໄດ້ເອີ້ນໄຟໄໝ້ປ່າ
ຄັ້ງນີ້ວ່າເປັນ “ເຫດການທີ່ຮ້າຍແຮງ, ອັນຕະລາຍ ແລະ ຫາຍານະ.”

California Wildfires
please wait
Embed

No media source currently available

0:00 0:01:33 0:00

ເບິ່ງຄວາມເຫັນ (4)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG