ທີມຊອກຄົ້ນຫາຢູ່ໃນລັດຄາລີຟໍເນຍຂອງສະຫະລັດ ໄດ້ພົບເຫັນຊາກສົບຕື່ມອີກໃນ
ວັນອັງຄານວານນີ້ ຢູ່ໃນເຂດທີ່ຖືກເຜົາຜານ ໂດຍໄຟປ່າທີ່ຮ້າຍແຮງສຸດ ໃນປະຫວັດ
ສາດຂອງລັດ ທີ່ເຮັດໃຫ້ມີຜູ້ເສຍຊີວິດທັງໝົດແລ້ວ 48 ຄົນ.
ພວກກູ້ໄພ ພາກັນເຮັດວຽກ ໂດຍໃຊ້ໝາດົມກິ່ນ ແລະໃຊ້ລະບົບວິເຄາະ DNA ຢ່າງ
ຮິບດ່ວນຢູ່ໃນແລະອ້ອມແອ້ມເມືອງພາຣາດາຍສ໌ ຊຶ່ງເປັນເມືອງທີ່ມີປະຊາຊົນ 27,000
ຄົນອາໄສຢູ່ ບ່ອນທີ່ໄຟປ່າໄດ້ໄໝ້ລາມກວ້າງອອກຢ່າງວ່ອງໄວ ໂດຍໄດ້ທຳລາຍບ້ານເຮືອນຫຼາຍກວ່າ 7,000 ຫຼັງແລ້ວ.
ພວກເຈົ້າໜ້າທີ່ກ່າວວ່າ ຫຼາຍກວ່າ 200 ຄົນ ຍັງຊອກຫາບໍ່ເຫັນ ໃນຂະນະທີ່ການຊອກ
ຄົ້ນ ຍັງດຳເນີນຢູ່ຕໍ່ໄປ ແລະໄຟໄດ້ໄໝ້ລາມຂຶ້ນໄປເໜືອ ແລະທາງຕາເວັນອອກຂອງ
ເມືອງພາຣາດາຍສ໌.
ຜູ້ບັນຊາການຕຳຫຼວດເມືອງບັດຕ໌ ທ່ານຄໍຣີ ໂຮນເນ ໄດ້ບອກບັນດານັກຂ່າວວ່າ ຫົກ
ຊາກສົບທີ່ພົບເຫັນໃນວັນອັງຄານວານນີ້ ແມ່ນພົບຢູ່ໃນເຮືອນ.
ເມື່ອມີການຖາມວ່າ ພວກເຈົ້າໜ້າທີ່ໄດ້ດຳເນີນການຢ່າງພຽງພໍບໍ ໃນການເຕືອນໃຫ້
ຜູ້ຄົນຍົກຍ້າຍໜີ ທ່ານໂຮນເນກ່າວວ່າ ເຂົາເຈົ້າໄດ້ເຮັດຢ່າງສຸດຂີດ ແລະຫຼັງຈາກ
ປະເຊີນໜ້າຢ່າງເຕັມທີ່ກັບໄຟປ່າດັ່ງກ່າວນີ້ແລ້ວ ຈະມີເວລາພິຈາລະນາວ່າ ມີບົດ
ຮຽນໃດທີ່ສາມາດຮຽນຮູ້ໄດ້ຕໍ່ອະນາຄົດ.
ທ່ານກ່າວວ່າ “ພວກເຮົາໄດ້ພະຍາຍາມຍົກຍ້າຍຫຼາຍສິບພັນຄົນອອກຈາກເຂດດັ່ງ
ກ່າວຢ່າງຮີບດ່ວນ ທີ່ໄຟໄດ້ເລີ້ມໄໝ້ຢ່າງວ່ອງໄວ ແລະບໍ່ກ່ຽວວ່າແຜນຂອງທ່ານຈະ
ເຮັດນັ້ນແມ່ນຫຍັງ ບໍ່ມີແຜນໃດໆໝົດທີ່ຈະສຳເລັດ 100 ເປີເຊັນ ເວລາທ່ານຮັບມື
ກັບຄວາມວຸ້ນວາຍຂະໜາດໃຫຍ່ດັ່ງກ່າວ.”
ໄຟໄໝ້ປ່າມັກເກີດຂຶ້ນຢູ່ໃນລັດຄາລີຟໍເນຍ ໂດຍສະເພາະໃນໄລຍະນີ້ຂອງປີ ເວ
ລາລົມທີ່ມີຄວາມອຸ່ນ ແລະແຫ້ງແລ້ງ ຊ່ວຍເຮັດໃຫ້ໄຟປ່າໄໝ້ລາມຢ່າງໄວ.
ທ່ານໂຣນເນ ກ່າວວ່າ ມັນເປັນໄປໄດ້ທີ່ຄົນບໍ່ເອົາໃຈໃສ່ ໃນຄວາມຮູ້ສຶກຜິດພາດ
ກ່ຽວກັບຄວາມປອດໄພ ໃນຜົນສຳເລັດຂອງພວກເຈົ້າໜ້າທີ່ດັບໄຟທີ່ຜ່ານມາ ທີ່ສາ
ມາດຄວບຄຸມໄຟປ່າໄວ້ໄດ້ ຢູ່ໃນຂົງເຂດ.
ທ່ານກ່າວວ່າ "ຂ້າພະເຈົ້າຄິດຢູ່ເລື້ອຍໆວ່າ ເຂົາເຈົ້າອີງໃສ່ປະສົບພະການທີີ່ຜ່ານ
ມາ ແລະບາງທີ ໃນກໍລະນີນີ້ ທີ່ເປັນໄພສຳລັບພວກເຂົາເຈົ້າ.”
