ລິ້ງ ສຳຫລັບເຂົ້າຫາ

ນັກສ້າງຮູບເງົາ ຕໍ່ຕ້ານ ສາສະໜາອີສລາມ ຖືກຕັດສິນໂທດ ຈໍາຄຸກ ນຶ່ງປີ


ນາຍ Mark Basseley Youssef (ຂວາ) ຕອບຄໍາຖາມ ກັບທະນາຍຄວາມຂອງລາວ ທ່ານ Steven Seiden ທີ່ສານສະຫະລັດ.
ຊາຍຊາວ California ຜູ້ທີ່ຢູ່ເບື້ອງຫຼັງຮູບເງົາ video ທີ່ຕໍ່ຕ້ານ
ສາສະໜາອິສລາມທີ່ເປັນສາເຫດຂອງການປະທ້ວງຢ່າງແຜ່
ຫລາຍຂອງຊາວມຸສລິມໃນທົ່ວໂລກນັ້ນ ແມ່ນໄດ້ຖືກຕັດສິນ
ໂທດຈໍາຄຸກເປັນເວລານຶ່ງປີ ຍ້ອນບໍ່ປະຕິບັດຕາມຂໍ້ບັງຄັບຂອງ
ສານ ໃນລະຫວ່າງທີ່ຖືກຝາກໂທດໄວ້ ຍ້ອນການກະທໍາຜິດກົດ
ໝາຍຄັ້ງກ່ອນ.

ສານສະຫະລັດໃນເຂດນະຄອນ Los Angeles ໄດ້ຕັດສິນ
ໂທດນາຍ Mark Basseley Youssef ໃນວັນພຸດວານນີ້
ຫຼັງຈາກທີ່ລາວໄດ້ຮັບສາລະພາບໃນ 4 ກະໂທງ ຊຶ່ງຮວມທັງ
ການໃຊ້ບັດປະຊາຊົນປອມ ແລະບໍ່ປະຕິບັດຕາມຂໍ້ບັງຄັບຂອງ
ສານໃນລະຫວ່າງທີ່ຖືກຝາກໂທດໄວ້ ໃນຄະດີສໍ້ໂກງທະນາ
ຄານ. ແຕ່ການລະເມີດກົດໝາຍຕ່າງໆເຫລົ່ານັ້ນ ບໍ່ໄດ້ກ່ຽວ
ພັນກັບຮູບເງົາຕໍ່ຕ້ານສາສະໜາ ອິສລາມ ທີ່ຊື່ວ່າInnocence of Muslims ທີ່ໝິ່ນປະ ໝາດພະສາດສະດາຈານ Muhammad ນັ້ນ.

ນາຍ Youssef ນັ້ນແມ່ນຊາວອີຈິບໂດຍກໍາເນີດ ທີ່ນັບຖືສາສະໜາ Christ ນິກາຍ Coptic.
ຜູ້ກ່ຽວຖືກຈັບໃນທ້າຍເດືອນກັນຍາ ຫຼັງຈາກທີ່ໄດ້ຫຼົບລີ້ຊ່ອນຕົວ ຫຼັງຈາກທີ່ຮູບເງົາທີ່ລາວ ສ້າງດ້ວຍທຶນຕົວເອງນັ້ນ ໄດ້ສ້າງຄວາມເຄືອງແຄ້ນໃຫ້ຊາວມຸສລິມໃນທົ່ວໂລກ ທີ່ໄດ້ນໍາ ໄປສູ່ການປະທ້ວງຢ່າງຮຸນແຮງຈົນມີການບາດເຈັບລົ້ມຕາຍໃນລີເບຍນັ້ນ.
XS
SM
MD
LG