ພວກປະຊາຊົນທີ່ສະໜັບສະໜຸນປະທານາທິບໍດີ Mohamed
Morsi ທີ່ໄດ້ຖືກໂຄ່ນລົ້ມໄປແລ້ວນັ້ນ ຍັງພາກັນສືບຕໍ່ປະທ້ວງ
ຢູ່ໃນນະຄອນຫຼວງໄຄໂຣຂອງອີຈິບ ເຖິງແມ່ນໄດ້ມີຄໍາສັ່ງຈາກ
ກໍາລັງຮັກສາຄວາມປອດໄພ ໃຫ້ຍຸຕິແລະສະຫຼາຍຕົວໄປ ກໍຕາມ.
ສະຖານະການທີ່ເມືອງ Nasr ຂອງໄຄໂຣ ຂ້ອນຂ້າງງຽບສະຫງົບ
ໃນຕອນເຊົ້າວັນອາທິດມື້ນີ້ ຫຼັງຈາກການສູ້ລົບກັນລະຫວ່າງ
ກໍາລັງຮັກສາຄວາມປອດໄພ ແລະພວກສະໜັບສະໜຸນທ່ານ
Morsi ທີ່ໄດ້ສັງຫານ ຢ່າງໜ້ອຍ 74 ຄົນ ທີ່ນະຄອນຫຼວງໄຄໂຣ
ແລະເມືອງ Alexandria ນັບຕັ້ງແຕ່ວັນສຸກເປັນຕົ້ນມາ. ແລະ
ບາດເຈັບອີກປະມານ ນຶ່ງພັນຄົນ.
ຂະບວນການພະລາດອນພາບມຸສລິມ ຂອງທ່ານ Morsi ເວົ້າເມື່ອວັນເສົາວານນີ້ວ່າ ຕໍາຫຼວດໄດ້ເປີດສາກຍິງໃສ່ພວກເດີນຂະບວນປະທ້ວງທີ່ບໍ່ມີອາວຸດ ຢູ່ເມືອງ Nasr ບ່ອນສະມາຊິກຂອງພັກພະລາດອນພາບມຸສລິມ ພາກັນກາງເຕັ້ນປະທ້ວງ ມາເປັນເວລາຫຼາຍ
ອາທິດ ເພື່ອທວງໃຫ້ນໍາເອົາທ່ານ Morsi ກັບມາເປັນປະທານາທິບໍດີຄືນອີກນັ້ນ.
ເຈົ້າໜ້າທີ່ອີຈິບປະຕິເສດຂໍ້ກ່າວຫານັ້ນ ໂດຍກ່າວວ່າ ຕໍາຫຼວດພຽງແຕ່ຍິງລະເບີດນໍ້າຕາໃສ່ພວກປະທ້ວງ ແລະວ່າພວກເດີນຂະບວນປະທ້ວງທີ່ສະໜັບສະໜຸນທ່ານ Morsi ນັ້ນ ເປັນຝ່າຍກໍ່ຄວາມຮຸນແຮງ.
ທີ່ເມືອງ Alexandria ເຈົ້າໜ້າທີ່ອີຈິບເວົ້າວ່າ ພວກປະຊາຊົນທີ່ຢູ່ໃນວັດອີສລາມແຫ່ງນຶ່ງ ໄດ້ຍິງໄປໃສ່ຄຸ້ມໃກ້ຄຽງເມື່ອວັນເສົາວານນີ້ ແຕ່ຝ່າຍສະໜັບສະໜຸນທ່ານ Morsi ເວົ້າວ່າ ພວກມືປືນໄດ້ຍິງໃສ່ວັດອີສລາມ.
ເມື່ອວັນເສົາວານນີ້ ທ່ານ ຈອນ ແຄຣີ ລັດຖະມົນຕີຕ່າງປະເທດສະຫະລັດ ໄດ້ເອີ້ນໄລຍະ
ເວລານີ້ວ່າ ເປັນຊ່ວງເວລາຫົວລ້ຽວຫົວຕໍ່ ສໍາລັບອີຈິບ ແລະເຕືອນວ່າ ເຫດການກໍ່ຄວາມຮຸນແຮງນັ້ນ ມີແຕ່ຈະທັບມ້າງຄວາມກ້າວໜ້າໃນການສ້າງຄວາມປອງດອງຊາດ ແລະ
ປະຊາທິປະໄຕຂອງອີຈິບເທົ່ານັ້ນ.
ທ່ານ ແຄຣີ ເວົ້າວ່າ ເຈົ້າໜ້າທີ່ອີຈິບ ມີພັນທະທາງສິນລະທໍາ ແລະທາງກົດໝາຍ ທີ່ຈະ
ຕ້ອງເຄົາລົບນັບຖື ເສລີພາບໃນການປາກເວົ້າ ແລະການເຕົ້າໂຮມກັນ. ພ້ອມດຽວກັນ ທ່ານຮຽກຮ້ອງໃຫ້ທໍາການສືບສວນສອບສວນທີ່ບໍ່ເຂົ້າຂ້າງຝ່າຍໃດ ກ່ຽວກັບເຫດການຮຸນແຮງຄັ້ງລ່າສຸດນີ້.
ທ່ານ Morsi ໄດ້ຖືກຄຸມຕົວໄວ້ທີ່ສະຖານກັກຂັງລັບຂອງກອງທັບ ນັບຕັ້ງແຕ່ວັນທີ 3 ກໍລະ
ກົດເປັນຕົ້ນມາ. ເຈົ້າໜ້າທີ່ເວົ້າວ່າ ພວກເຂົາເຈົ້າກໍາລັງ ສືບສວນສອບສວນຂໍ້ກ່າວຫາຕ່າງໆທີ່ວ່າ ທ່ານ Morsi ໄດ້ສົມຮູ້ຮ່ວມຄິດກັບກຸ່ມຮາມາສຫົວຮຸນແຮງປາແລັສໄຕນັ້ນ.
![Clashes in Egypt]()
Photo Gallery:
ຊາກສົບຊາວອີຈິບຜູ້ເສຍຊີວິດ
Morsi ທີ່ໄດ້ຖືກໂຄ່ນລົ້ມໄປແລ້ວນັ້ນ ຍັງພາກັນສືບຕໍ່ປະທ້ວງ
ຢູ່ໃນນະຄອນຫຼວງໄຄໂຣຂອງອີຈິບ ເຖິງແມ່ນໄດ້ມີຄໍາສັ່ງຈາກ
ກໍາລັງຮັກສາຄວາມປອດໄພ ໃຫ້ຍຸຕິແລະສະຫຼາຍຕົວໄປ ກໍຕາມ.
ສະຖານະການທີ່ເມືອງ Nasr ຂອງໄຄໂຣ ຂ້ອນຂ້າງງຽບສະຫງົບ
ໃນຕອນເຊົ້າວັນອາທິດມື້ນີ້ ຫຼັງຈາກການສູ້ລົບກັນລະຫວ່າງ
ກໍາລັງຮັກສາຄວາມປອດໄພ ແລະພວກສະໜັບສະໜຸນທ່ານ
Morsi ທີ່ໄດ້ສັງຫານ ຢ່າງໜ້ອຍ 74 ຄົນ ທີ່ນະຄອນຫຼວງໄຄໂຣ
ແລະເມືອງ Alexandria ນັບຕັ້ງແຕ່ວັນສຸກເປັນຕົ້ນມາ. ແລະ
ບາດເຈັບອີກປະມານ ນຶ່ງພັນຄົນ.
ຂະບວນການພະລາດອນພາບມຸສລິມ ຂອງທ່ານ Morsi ເວົ້າເມື່ອວັນເສົາວານນີ້ວ່າ ຕໍາຫຼວດໄດ້ເປີດສາກຍິງໃສ່ພວກເດີນຂະບວນປະທ້ວງທີ່ບໍ່ມີອາວຸດ ຢູ່ເມືອງ Nasr ບ່ອນສະມາຊິກຂອງພັກພະລາດອນພາບມຸສລິມ ພາກັນກາງເຕັ້ນປະທ້ວງ ມາເປັນເວລາຫຼາຍ
ອາທິດ ເພື່ອທວງໃຫ້ນໍາເອົາທ່ານ Morsi ກັບມາເປັນປະທານາທິບໍດີຄືນອີກນັ້ນ.
ເຈົ້າໜ້າທີ່ອີຈິບປະຕິເສດຂໍ້ກ່າວຫານັ້ນ ໂດຍກ່າວວ່າ ຕໍາຫຼວດພຽງແຕ່ຍິງລະເບີດນໍ້າຕາໃສ່ພວກປະທ້ວງ ແລະວ່າພວກເດີນຂະບວນປະທ້ວງທີ່ສະໜັບສະໜຸນທ່ານ Morsi ນັ້ນ ເປັນຝ່າຍກໍ່ຄວາມຮຸນແຮງ.
ທີ່ເມືອງ Alexandria ເຈົ້າໜ້າທີ່ອີຈິບເວົ້າວ່າ ພວກປະຊາຊົນທີ່ຢູ່ໃນວັດອີສລາມແຫ່ງນຶ່ງ ໄດ້ຍິງໄປໃສ່ຄຸ້ມໃກ້ຄຽງເມື່ອວັນເສົາວານນີ້ ແຕ່ຝ່າຍສະໜັບສະໜຸນທ່ານ Morsi ເວົ້າວ່າ ພວກມືປືນໄດ້ຍິງໃສ່ວັດອີສລາມ.
ເມື່ອວັນເສົາວານນີ້ ທ່ານ ຈອນ ແຄຣີ ລັດຖະມົນຕີຕ່າງປະເທດສະຫະລັດ ໄດ້ເອີ້ນໄລຍະ
ເວລານີ້ວ່າ ເປັນຊ່ວງເວລາຫົວລ້ຽວຫົວຕໍ່ ສໍາລັບອີຈິບ ແລະເຕືອນວ່າ ເຫດການກໍ່ຄວາມຮຸນແຮງນັ້ນ ມີແຕ່ຈະທັບມ້າງຄວາມກ້າວໜ້າໃນການສ້າງຄວາມປອງດອງຊາດ ແລະ
ປະຊາທິປະໄຕຂອງອີຈິບເທົ່ານັ້ນ.
ທ່ານ ແຄຣີ ເວົ້າວ່າ ເຈົ້າໜ້າທີ່ອີຈິບ ມີພັນທະທາງສິນລະທໍາ ແລະທາງກົດໝາຍ ທີ່ຈະ
ຕ້ອງເຄົາລົບນັບຖື ເສລີພາບໃນການປາກເວົ້າ ແລະການເຕົ້າໂຮມກັນ. ພ້ອມດຽວກັນ ທ່ານຮຽກຮ້ອງໃຫ້ທໍາການສືບສວນສອບສວນທີ່ບໍ່ເຂົ້າຂ້າງຝ່າຍໃດ ກ່ຽວກັບເຫດການຮຸນແຮງຄັ້ງລ່າສຸດນີ້.
ທ່ານ Morsi ໄດ້ຖືກຄຸມຕົວໄວ້ທີ່ສະຖານກັກຂັງລັບຂອງກອງທັບ ນັບຕັ້ງແຕ່ວັນທີ 3 ກໍລະ
ກົດເປັນຕົ້ນມາ. ເຈົ້າໜ້າທີ່ເວົ້າວ່າ ພວກເຂົາເຈົ້າກໍາລັງ ສືບສວນສອບສວນຂໍ້ກ່າວຫາຕ່າງໆທີ່ວ່າ ທ່ານ Morsi ໄດ້ສົມຮູ້ຮ່ວມຄິດກັບກຸ່ມຮາມາສຫົວຮຸນແຮງປາແລັສໄຕນັ້ນ.
