ລິ້ງ ສຳຫລັບເຂົ້າຫາ

ວັນເສົາ, 04 ກຸມພາ 2023

ສາທະລະນະລັດ ອາຟຣິກາກາງ ປະກາດຍຸບ ກຸ່ມກະບົດ Seleka


Tracer rounds cross the sky over the Syrian town of Kobani, as seen from the Mursitpinar crossing on the Turkish-Syrian border in the southeastern town of Suruc in Sanliurfa province.
ປະທານ​າທິບໍດີສາທາລະນະ​ລັດອາ​ຟຣິກາກາງ ກ່າວ​ວ່າ ທ່ານ
ໄດ້ສັ່ງ​ໃຫ້ຍຸບ​ ກຸ່ມກະບົດ Seleka ທີ່​ຊ່ອຍ​ໃຫ້​ທ່ານ ​ໄດ້​ເຂົ້າກໍາ
​ອໍາ​ນາດ​ໃນ​ຕົ້ນ​ປີ​ນີ້.

ປະທານາທິບໍດີ Michel Djotodia ​ໄດ້​ປະກາດ ​ໃນມື້​ວັນ​ສຸກ
​ວານນີ້ ຢູ່​ນະຄອນ​ຫລວງ Bangui ​ໂດຍ​ກ່າວ​ວ່າ ​ແນວ​ໂຮມ​
ຂອງ​ກະບົດ​ດັ່ງກ່າວ “ບໍ່​ມີ​ຕໍ່​ໄປ​ອີກ​ແລ້ວ​.” ​ແຕ່ທ່ານກໍບໍ່​ໄດ້​ໃຫ້​
ລາຍ​ລະ​ອຽດ​ເພີ້​ມ​ເຕີມ​ໃດໆກ່ຽວ​ກັບ​ບາດກ້າວທີ່​ທ່ານຈະເອົາ
​ເພື່ອ​ຍຸບ​ກຸ່ມກະບົດ​ນີ້.

​ໃນ​ເດືອນ​ມີນາປີນີ້ ປະທານາທິບໍດີ Djotodia ​ໄດ້​ນໍາພາແນວ​ໂຮມ​ກໍາ ລັງ​ປະກອບ​ອາວຸດ​ ພາຍ​ໃຕ້ຊື່ Seleka ​ເພື່ອ​ໂຄນ​ລົ້ມປະທານາທິບໍດີ Francois Bozize ​ເຮັດ​ໃຫ້ການ​ປົກຄອງ ເປັນ​ເວລາ 10 ປີ​ ຂອງ​ຜູ້ກ່ຽວສິ້ນສຸດ​ລົງ.

ຫວ່າງ​ມໍ່ໆ​ມາ​ນີ້ ມີ​ການຖິ້ມ​ໂທດ​ໃສ່ ບັນ​ດາ​ນັກ​ລົບ​ຈາກຂະ​ບວນການ ຂອງພວກ​ກະບົດກຸ່ມ
​ນີ້ ​ໃນ​ການ​ປະ​ທະກັນ​ກັບພວກ​ທະ​ຫານ​ບ້ານ​ທີ່​ເປັນ ຄູ່​ປໍ​ລະ​ປັກ ຕະຫລອດ​ທັງ​ການປຸ້​ນຈີ້
ລັກ​ລົດ ຂົ່ມຂືນ ​ແລະ​ຄາດ​ຕະກໍາ. ຄວາມ​ຮຸນ​ແຮງ​ໄດ້​ບັງ​ຄັບ​ໃຫ້​ຫລາຍ​ສິບ​ພັນ​ຄົນຕ້ອງ​ຫລົບໜີ​ຈາກ​ເຮືອ​ນ ຊານ​ບ້ານ​ຊ່ອງ​ຂອງ​ພວກ​ເຂົາ​ເຈົ້າ.

ປະທານາທິບໍດີ Djotodia ກ່າວ​ວ່າ ທ່ານ​ຕ້ອງການ​ຈະ​ຈັດໃຫ້​ມີການ​ເລືອກ​ຕັ້ງ​ ຢູ່ໃນ​ປະ​ເທດດັ່ງກ່າວ ​ພາຍ​ໃນ​ໄລຍະ 18 ​ເດືອນຕໍ່ໜ້າ.

ສາທາລະນະ​ລັດອາ​ຟຣິກາກາງ ​ໄດ້ປະສົບກັບ​ການກໍ່ລັດຖະປະຫານ​ ​ແລະ​ການ​ກໍ່​ກະ
ບົດ​ຫລາຍໆ​ຄັ້ງ ​ນັບ​ຕັ້ງ​ແຕ່​ໄດ້​ຮັບເອກ​ກະລາດ​ຈາກ ​ຝຣັ່ງ​ ໃນ​ປີ 1960.

ທ່ານອາດຈະມັກເລື້ອງນີ້ຄືກັນ

XS
SM
MD
LG