ສະມາຊິກສະພາສູງ Robert Byrd ທີ່ກຳຕ່ຳແຫນ່ງເປັນເວລາຍາວນານທີ່ສຸດ ຢູ່ໃນລັດຖະສະພາຂອງສະຫະລັດ ໄດ້ເສຍຊີວິດແລ້ວ.ໂຄສົກຂອງ ທ່ານ Byrd ຜູ້ທີ່ມີອາຍຸ 92 ປີ ຈາກພັກ Democrat ຈາກລັດ West Virginia ກ່າວວ່າ ທ່ານ Byrd ເສຍຊີວິດລົງຢ່າງ ສະງົບງຽບໃນເວລາ 3:00 ເຊົ້າ ຕາມເວລາທ້ອງຖິ່ນທີ່ໂຮງພະຍາບານ ໃນນະຄອນຫລວງ Washingotn DC.
ທ່ານ Byrd ໄດ້ໄປຮັກສາຕົວທີ່ໂຮງພະຍາບານຕັ້ງແຕ່ອາທິດທີ່ແລ້ວນີ້. ທຳອິດ ຄິດກັນວ່າທ່ານພຽງແຕ່ບໍ່ສະບາຍຍ້ອນອາການຮ້ອນເອົ້າຊື່ໆ ແລະຮ່າງກາຍຂາດນ້ຳຢ່າງແຮງ ແຕ່ອາການແລະໂຣກຢ່າງອື່ນແຊກຊ້ອນຂຶ້ນ.
ທ່ານ Byrd ໄດ້ຖືກເລືອກເຂົ້າເປັນສະມາຊິກສະພາຕ່ຳໃນປີ 1952 ແລະເປັນສະມາຊິກສະພາສູງໃນປີ 1958. ເຖິງແມ່ນທ່ານຈະບໍ່ສະ ບາຍເຈັບອອດໆແອດໆ ໃນຫວ່າງຫຼາຍປີຜ່ານມານີ້ກໍຕາມ ແຕ່ທ່ານກໍບໍ່ໄດ້ປະລະໜ້າທ່ ແລະໄດ້ຮັກສາຊື່ສຽງຂອງທ່ານໄວ້ ໂດຍສາມາດຂໍ ເງິນຊ່ວຍເຫລືອຈາກລັດຖະບານກາງ ຈຳນວນຫລາຍລ້ານ$ ໃຫ້ລັດຂອງທ່ານ.
ສະມາຊິກສະພາສູງ Byrd ເປັນຜູ້ນຶ່ງທີ່ໃຫ້ການສະໜັບສະຫນູນຢ່າງ ແຂງຂັນ ແກ່ການຫາສຽງເລືອກຕັ້ງເປັນປະທານາທິບໍດີ ຂອງທ່ານ Barack Obama ໃນປີ 2008 ນັ້ນ.
