ລິ້ງ ສຳຫລັບເຂົ້າຫາ

ອັງກິດ ເປີດເຜີຍ ຮູບປັ້ນເຄິ່ງໂຕ ຂອງພະເຈົ້າ Richard ທີ III (ສະໄລດ໌)


ຮູບພາບເຜີຍແຜ່ຈາກ ມະຫາວິທະຍາໄລ Leicester ສະແດງໃຫ້ເຫັນ ຮ່າງກະດູກຂອງພະເຈົ້າ Richard ທີ II ທີ່ຄົ້ນພົບຢູ່ໃຕ້ດິນ ບ່ອນຈອດລົດ
ຮູບ​ປັ້ນ​ເຄິ່ງ​ໂຕ​ຂອງເຈົ້າ​ຊີວິດ​ອັງກິດ Richard ທີ III ​ໄດ້​ຖືກ​ເປີດ
ເຜີຍເປັນ​ຄັ້ງ​ທໍາ​ອິດ ຫລັງ​ຈາກ​ນຶ່ງ​ມື້ທີ່​ບັນດາ​ນັກວິທະຍາສາດຮັບ
​ຮູ້​ວ່າ​ ຮ່າງ ກະ​ດູກທີ່ພົບເຫັນຢູ່​ໃຕ້​ດິນບ່ອນ​ຈອດ​ລົດ ​ໃນ​ພາກ​
ກາງຂອງອັງກິດນັ້ນ​ແມ່ນ​ເຈົ້າ​ຊີວິດ​ອັງກິດ​ແທ້.

ແບບຢ່າງຮູບ​ປັ້ນປະລາສຕິກສໍ​າລອງສາມ​ມິ​ຕິແມ່ນ​ອີງໃສ່​ຫົວ​ກະ​ໂຫລ​ກ ຂອງເຈົ້າ​ຊີວິດ ຜູ້​ທີ່​ຖືກ​ສັງຫານ​ຢູ່​ໃນ​ສະໜາມ​ລົບ ປີ 1485.

ບັນດາ​ນັກວິທະຍາສາດ ​ໄດ້​ຂຸດ​ຄົ້ນ​ເອົາ​ຊາກ​ກະດູກ​ຂອງພະ​ເຈົ້າ Richard ອອກ​ມາ​ຈາກ​ໃຕ້​ດິນ​ ບ່ອນຈອດ​ລົດ ​ໃນ​ເດືອນ​ຕຸລາ​ປີ​ກາຍ​ນີ້ ທີ່​ເມືອງ​ Leicester.

​ໃນ​ວັນ​ຈັນ​ຜ່ານ​ມາ ບັນດາ​ນັກ​ຄົ້ນ​ຄວ້າ ຮັບ​ຮູ້​ວ່າ ຫົວ​ກະ​ໂຫລ​ກທີ່​ມີຊາກ​ການ​ສູ້​ລົບນັ້ນ
ແມ່ນຂອງພະ​ເຈົ້າ​ຊີວິດ ຫລັງ​ຈາກ DNA ຖືກຕ້ອງ​ກັບ​ຕົວ​ຢ່າງທີ່​ນໍາ​ມາ​ຈາກຍາດຕິ​ພີ່ນ້ອງ​ ທີ່​ຫ່າງ​ໄກທີ່​ຍັງ​ມີ​ຊີວິດ​ຢູ່.

ພະ​ເຈົ້າ Richard ທີ III ​ໄດ້​ປົກຄອງອັງກິດ ພຽງ​ແຕ່​ສອງ​ປີ ກ່ອນ​ຖືກ​ສິ້ນພະ​ຊົນ ທີ່
ສະໜາມ​ລົບ Bosworth ​ໂດຍ​ທະຫານ​ຂອງພະ​ເຈົ້າ Henry Tudor ຊຶ່ງ​ໃນ​ເວລາ​ນັ້ນ ​ໄດ້ຂຶ້ນຄອງ​ບັນລັງໂດຍ​ພະ​ອົງ​ເອງ​ນັ້ນ.

XS
SM
MD
LG