ບັນດາເຈົ້າໜ້າທີ່ Cameroon ກ່າວວ່າ ພວກຫົວຮຸນແຮງ
Boko Haram ໄດ້ລັກພາໂຕປະຊາຊົນຢ່າງໜ້ອຍ 60 ຄົນ
ຮວມທັງພວກເດັກນ້ອຍນຳ ໃນວັນອາທິດວານນີ້ ໃນການບຸກ
ໂຈມຕີຂ້າມຊາຍແດນຈາກໄນຈີເຣຍ.
ບັນດາເຈົ້າໜ້າທີ່ກ່າວວ່າ ປະຊາຊົນຫຼາຍຄົນພະຍາຍາມຢຸດ
ພວກຫົວຮຸນແຮງ ໄດ້ຖືກຂ້າຕາຍ ແລະບ້ານເຮືອນປະມານ
80 ຫຼັງຖືກເຜົາໄໝ້ລົງຈຳດິນ.
ທ່ານ Issa Tchiroma Bakary ລັດຖະມົນຕີຖະແຫຼງຂ່າວ
Cameroon ເອີ້ນພວກລັກພາໂຕນັ້ນວ່າ ປ່າເຖື່ອນ ແລະ
ໄຮ້ໂຕບົດກົດໝາຍ ແລະກ່າວຕື່ມວ່າ ບໍ່ມີຫຍັງທີ່ຈະຢຸດພວກເຂົາໃນການເຂັ່ນຂ້ານີ້ໄດ້.
