ເຈົ້າໜ້າທີ່ຂັ້ນສູງ Burundi ຄົນໜຶ່ງ ກ່າວວ່າ ລັດຖະບານປະ
ເທດຂອງທ່ານ ມີຄວາມພໍໃຈທີ່ຈະເລີ້ມສົນທະນາກັບ ຝ່າຍ
ຄ້ານ ຫລັງຈາກໄດ້ຮຽກຮ້ອງໃຫ້ມີການສົນທະນາຈາກ ປະທາ
ນາທິບໍດີ ສະຫະລັດ ທ່ານ Barack Obama ແລະ ສະຫະ
ປະຊາຊາດ.
ທ່ານ Willy Nyamitwe ທີ່ປຶຶກສາຂັ້ນສູງຂອງ ປະທານາທິບໍ
ດີ Burundi ກ່າວຕໍ່ ວີໂອເອ ພະແນກອາຟຣິກາກາງ ໃນວັນ
ຈັນວານນີ້ວ່າ ການສົນທະນາ ອາດເກີດຂື້ນຢູ່ໃນ ຫລືນອກ
ປະເທດ. ທ່ານໄດ້ສະເໜີລາຍລະອຽດອຶ່ນໆຈຳນວນໜຶ່ງ ກ່ຽວ
ກັບວ່າອາດເກີດເປັນການສົນທະນາຕໍ່ໄປກໍເປັນໄປໄດ້.
ທ່ານ Nyamitwe ກ່າວວ່າ ລັດຖະບານຂອງທ່ານ ໄດ້ຕັ້ງຄະນະກຳມະການແຫ່ງຊາດຂຶ້ນ
ເພື່ອໂອ້ລົມສົນທະນາກັນ.
ທ່ານກ່າວວ່າ “ເບິ່ງຄືສ່າ ປະທານາທິບໍດີ Barack Obama ອ່ານຈິດໃຈຂອງ ບັນດາຜູ້ນຳ
Burundi ໄດ້. ທ່ານວ່າ ລັດຖະບານ ໄດ້ມີມານານເປັນປາກສຽງຢາກໃຫ້ມີການສົນທະນາ
ໂອ້ລົມກັນ ດັ່ງທີ່ເຊື່ອວ່າ ການແກ້ໄຂການເມືອງໃດໆຕໍ່ບັນຫາ Burundi ຈະຕ້ອງອອກມາ
ຈາກການສົນທະນາໂອ້ລົມກັນ.”
ທ່ານ Obama ກ່າວສົ່ງສານຢູ່ໃນ ວີດີໂອ ຖ່າຍທອດໃນວັນເສົາໃນ ວີໂອເອ ວ່າ ບັນດາ
ຜູ້ນຳ Burundi ສົມຄວນທີ່ຈະເຂົ້າຮວມການສົນທະນາ ເພື່ອສີ້ນສຸດວິກິດການເມືອງຂອງ
ປະເທດ ແລະຢຸດເພີ້ມຄື້ນຟອງຄວາມຮຸນແຮງ. ທ່ານໄດ້ຮຽກຮ້ອງໃຫ້ມີການສົນທະນາ ທີ່
ຈະມີສາກັນເປັນຜູ້ໄກ່ເກ່ຍ ແລະຈັດຂຶ້ນຢູ່ນອກປະເທດ. ປະທານາທິບໍດີຍັງກ່າວວ່າ ການ
ສັງຫານຄົນທີ່ໄຮ້ດຽງສາ ແລະ “ເກີດຈາກຄວາມກຽດຊັງ” ຈາກບັນດາຜູ້ນຳ Burundi ນັ້ນ
ເຮັດໃຫ້ເກີດຄວາມເສຍຫາຍແກ່ ອານາຄົດຂອງ ອາຟຣິກາກາງ.
