ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສັງ​ຄະ​ລາດແຄທໍລິກ ຈະ​ຖອນ​ການ​ສະໜັບສະໜຸນ ຕໍ່ການ​ເລືອກ​ຕັ້ງ ໃນບູຣຸນດີ


ຕຳຫຼວດ ແລະ ທະຫານ ກຳລັງມ້ຽນຮົ້ວ ແລະ ສິ່ງກີດຂວາງ ຂອງນັກປະທ້ວງ ໃນເຂດ Cibitoke ນະຄອນຫຼວງ Bujumbura 25 ພຶດສະພາ 2015
ຕຳຫຼວດ ແລະ ທະຫານ ກຳລັງມ້ຽນຮົ້ວ ແລະ ສິ່ງກີດຂວາງ ຂອງນັກປະທ້ວງ ໃນເຂດ Cibitoke ນະຄອນຫຼວງ Bujumbura 25 ພຶດສະພາ 2015

ສາ​ສະໜາ Catholic ໃນ Burundi ກ່າວ​ວ່າ ຕົນ​ຈະ​ຖອນ​ການ​ສະ ໜັບສະໜຸນ ຕໍ່​ການ​ເລືອກ​ຕັ້ງຄັ້ງຈະມາຂອງ​ປະ​ເທດ ຫຼັງຈາກ​ທີ່ເກີດ​ຄວາມ​ວຸ້ຍວາຍ​ທາງ​ການ​ເມືອງ ຫຼາຍອາທິດ​ຜ່ານ​ມາ.

ພະສັງຄະລາດ​ແຄ​ທໍ​ລິກໃນບູຣຸນດີ ​ໄດ້​ອອກຖະ​ແຫລ​ງການ​ສະບັບ​ນຶ່ງ ​ໃນ​ວັນ​ພະຫັດ​ມື້​ນີ້ ທີ່​ກ່າວວ່າ ພວກ​ຕົນ​ຂໍ​ຮ້ອງ​ໃຫ້ ນັກບວດຂອງ​ຕົນ ຜູ້​ທີ່ເປັນ​ຄະນະ​ກຳ​ມະ​ການເລື​ອກຕັ້ງ ​ໃຫ້ຖອນ​ໂຕ​ອອກ​ຈາກ​ຄະນະ​ກຳມະ ການ​ນັ້ນ.

​ໃນ​ວັນ​ພຸດ​ວານ​ນີ້ ລັດຖະບານ​ບູຣຸນດີ ​ໄດ້​ຂໍ​ຮ້ອງ​ໃຫ້​ຊາວ​ບູຣຸນດີ ບໍລິຈາກ​ເງິນ ທີ່​ຕ້ອງການ​ເພື່ອ​ຈັດການ​ເລືອກ​ຕັ້ງ​ໃນ​ເດືອນ​ມີ​ຖຸນາ ຍ້ອນ​ວ່າ ​ຜູ້​ໃຫ້​ທຶນຈາກຕ່າງປະ​ເທດຈຳນວນນຶ່ງ ໄດ້​ຂົ່ມ​ຂູ່​ວ່າ ຈະ​ກັກ​ການ​ຊ່ອຍ​ເຫຼືອຈາກ​ຕ່າງປະ​ເທດ​ໄວ້ ຖ້າ​ປະທານາທິບໍດີ Pierre Nkurunziza ຍັງຈະ​ສືບ​ຕໍ່​ ແຜນການເຂົ້າ​ແຂ່ງຂັນ ​ເປັນ​ສະ​ໄໝ​ທີ 3 ທີ່ເປັນ​ເລື້ອງ​ຖົກ​ຖຽງ​ກັນນັ້ນ.

ການ​ປະກາດ​ໃນທ້າຍ​ເດືອນ​ແລ້ວ​ນີ້ ຂອງ​ປະທານາທິບໍດີບູຣຸນດີ ​ໄດ້​ກໍ່​ໃຫ້​ເກີດ​ການ​ປະ​ທ້ວງ​ທາງ​ການ​ເມືອງ ​ເປັນ​ເວລາຫຼາຍອາທິດ ທີ່​ໄດ້ ກາຍເປັນຄວາມ​ຮຸນ​ແຮງ ​ທີ່ພາໃຫ້ມີ​ການ​ເສຍ​ຊີວິດ​ຫຼາຍກວ່າ 20 ຄົນ ​ແລະ ​ເກືອບ 500 ກວ່າ​ຄົນ​ໄດ້​ຮັບ​ບາດ​ເຈັບ ​ໃນ​ການ​ປະ​ທະ​ກັນ ລະຫວ່າງ ພວກ​ປະ​ທ້ວງ ​ແລະ ​ເຈົ້າໜ້າ​ທີ່ຕຳຫລວດ. ​ເມື່ອ​ຕົ້ນ​ເດືອນ​ນີ້ ພວກຕຳໜິຕິຕຽນ ປະທານາທິບໍດີບາງ​ສ່ວນ​ໄດ້​ທຳ​ການກໍ່ລັດຖະປະຫານ ທີ່​ບໍ່​ສຳ​ເລັດຜົນ ​ໃນ​ຂະນະ​ທີ່​ປະທານາທິບໍດີ ອອກໄປນອກ​ປະ​ເທດ.

​ໃນ​ເວລາ​ນີ້ ທ່ານ Nkurunziza ​ໄດ້​ປະຕິ​ເສດ ທີ່​ຈະ​ເລື່ອນເວລາໃນ​ການ​ເລືອກ​ຕັ້ງອອກ​ໄປ ​ໃນຂະນະ​ທີ່​ພວກຕິຕຽນທ່ານ ​ລວມທັງພາກ ສ່ວນຂອງສາສະໜາແຄ​ທໍ​ລິກ ​ຊຶ່ງໄດ້​ຮຽກຮ້ອງ​ໄປ​ນັ້ນ

XS
SM
MD
LG