ການກະກຽມກຳລັງດຳເນີນຢູ່ ສຳຫລັບເລືອກຕັ້ງປະທານາທິບໍດີ
ໃນເດືອນມິຖຸນາ ທີ່ປະເທດ Burundi ທ່າມກາງທີ່ມີຄຳຖາມວ່າ
ປະທານາທິບໍດີ Pierre Nkurunziza ຄວນຈະລົງສະມັກເປັນ
ສະໄໝທີສາມຫຼືບໍ່.
ຫວ່າງມໍ່ໆມານີ້ ຫລາຍພັນຄົນໄດ້ເຂົ້າຮ່ວມການເດີນຂະບວນ ທີ່
ສະໜັບສະໜູນໂດຍລັດຖະບານ ໃນນະຄອນຫລວງ Bujumbura
ຂອງ Burundi ໃນຂະນະທີ່ປະເທດຕຽມການເລືອກຕັ້ງ ປະທານາ
ທິບໍດີ ໃນທ້າຍປີນີ້.
ເຖິງແມ່ນວ່າ ປະທານາທິບໍດີ Nhurunziza ຍັງບໍ່ທັນໄດ້ປະກາດ
ການສະມັກຂອງທ່ານບັນດາກຸ່ມສັງຄົມພົນລະເຮືອນຈຳນວນນຶ່ງ ກ່າວວ່າ ຖ້າຫາກທ່ານ
ໄດ້ຮັບໄຊຊະນະອີກ ນີ້ຈະເປັນສະໄໝທີສາມທີ່ຜິດກົດໝາຍ. ຄວາມສັບສົນມີຢູ່ວ່າ ສະໄໝທຳອິດຂອງທ່ານນັ້ນຄວນນັບເອົາຫລືບໍ່ ເພາະວ່າເວລານັ້ນ ທ່ານໄດ້ຖືກເລືອກຈາກສະພາ ແທນທີ່ແມ່ນການເລືອກຕັ້ງໂດຍກົງພາຍໃຕ້ລັດຖະທຳມະນູນ.
ແຕ່ຮອງລັດຖະມົນຕີຊ່ອຍວ່າການກະຊວງຕ່າງປະເທດສະຫະລັດ ທ່ານ David Gilmour
ກ່າວວ່່າ ບໍ່ກ່ຽວວ່າ ລັດຖະທຳມະນູນກ່າວວ່າຢ່າງໃດ ຂໍ້ຕົກລົງສັນຕິ ພາບ Arusha ຍັງ
ສືບຕໍ່ເປັນອົງປະກອບທີ່ສຳຄັນຂອງສະຖຽນລະພາບ ທີ່ຍັງມີ ຢູ່ຕໍ່ມາຂອງປະເທດ. ຂໍ້ຕົກ
ລົງດັ່ງກ່າວ ພຽງແຕ່ອະນຸຍາດໃຫ້ເປັນປະທານາທິບໍ ດີໄດ້ສອງສະໄໝເທົ່ານັ້ນ.
ເຖິງຢ່າງໃດກໍດີ ເອກອັກຄະລັດຖະທູດ Burundi ປະຈຳນະຄອນຫລວງວໍຊິງຕັນ ທ່ານ
Ernest Ndabashinze ກ່ວວ່າ ການເລືອກຕັ້ງປະທານາທິບໍດີ ສົມຄວນທີ່ຈະປະຕິບັດ
ຕາມ ລັດຖະທຳມະນູນຂອງ Burundi.
ໃນການສົນທະນາຫວ່າງມໍ່ໆມານີ້ ກ່ຽວກັບການກະກຽມເລືອກຕັ້ງນັ້ນ. ຮອງລັດຖະມົນ
ຕີຊ່ອຍວ່າການກະຊວງການຕ່າງປະເທດສະຫະລັດ ທ່ານ Gilmour ກ່າວວ່າ ວໍຊິງຕັນ
ມີຄວາມໝາຍໝັ້ນຕໍ່ຄວາມທຸ່ນທ່ຽງແລະສັງຄົມປະຊາທິປະໄຕ ໃນ Burundi. ທ່ານກ່າວ
ວ່າ ໄດ້ມີການອະນຸມັດ 13 ລ້ານໂດລາ ຕໍ່ຄວາມພະຍາຍາມດັ່ງກ່າວ ແຕ່ກໍຍັງມີສາເຫດ
ທີ່ພາໃຫ້ເປັນຫ່ວງຢູ່ ເພາະວ່າ ການຈັບກຸມບັນດານັກຂ່າວ ສະມາຊິກພັກຝ່າຍຄ້ານຈຳ
ນວນນຶ່ງ ແລະບຸກຄົນອື່ນໆອີກ ທີ່ໄດ້ກ່າວໂຈມຕີທ່າທີຂອງລັດຖະບານນັ້ນ.
