ປະທານາທິບໍດີ ມຽນມາ ກໍາລັງເດີນທາງ ມາຢ້ຽມຢາມ ສະຫະລັດ

ປະທານາທິບໍດີ ມຽນມາ ອອກເດີນທາງມາ​ຢ້ຽ​ມຢາມສະຫະ​ລັດ ​
ໃນ​ວັນ​ຈັນມື້​ນີ້ ​ໃນ​ຂະນະດຽວ​ກັນ​ກັບ​ທີ່ ຜູ້​ນໍາ​ຝ່າຍ​ຄ້ານມຽນມາ
ທ່ານ​ນາງ Aung San Suu Kyi ກໍາລັງ​ທ່ອງ​ທ່ຽວສະຫະລັດ ຢູ່​ນັ້ນ.

ທ່ານ Thien Sein ຈະ​ໄປ​ກ່າວ​ຄໍາ​ປາໄສທີ່ ກອງ​ປະ​ຊຸມສະມັດ​ຊາ​ໃຫຍ່​ຂອງ ອົງການ​ສະຫະ​ປະຊາດ ​ແລະ​ຈະ​ເນັ້ນ​ໜັກ​ເຖິງການ​ປະ
ຕິ​ຮູບ​ທີ່​ກໍາລັງ​ດໍາ​ເນີນ​ໄປ ​ຢູ່ໃນ​ປະ​ເທດ​ຂອງ​ທ່ານ ທີ່​ໄດ້​ຢູ່​ໂດດ
ດ່ຽວ ​ມາ​ເປັນ​ເວລາ​ນານນັ້ນ.

ອ​ະດີດ​ນາຍ​ພົນທ່ານ​ນີ້ ມີ​ຄວາມ​ຫວັງ​ວ່າ ຈະ​ເກ້​ຍກ່ອມ​ໃຫ້ວໍ​ຊິງ​ຕັນ ຍົກ​ເລີກ​ການ​ລົງ​ໂທດຕໍ່ມຽນມາ ຊຶ່ງ​ແຕ່​ກ່ອນ​ເອີ້ນວ່າ ພະມ້າ ຫລື Burma ນັ້ນ.

ທ່ານ​ນາງ Aung San Suu Kyi ຜູ້​ໄດ້​ຮັບ​ລາງວັນຂະແໜງ​ສັນຕິພາບ ​ກໍໄດ້ຮຽກຮ້ອງ​ກ່ຽວ​ກັບ​ເລື້ອງດັ່ງກ່າວ​ນີ້ເຊ່ນ​ດຽວ​ກັນ ​ໃນ​ຂະນະ​ທີ່​ທ່ານ​ນາງ ​ເຄື່ອນ​ໄຫວຢ້ຽມຢາມ ສະຫະລັດ.

ທ່ານ​ນາງ ​ໄດ້​ກ່າວ​ຕໍ່ ວີ​ໂອ​ເອ ວ່າ ທ່ານ​ນາງ “ຮູ້ສຶກ​ເປັນ​ບຸນຄຸນ​ຢ່າງທີ່​ສຸດ” ສໍາລັບ​ສິ່ງທີ່ລັດຖະ
ສະພາ​ສະຫະລັດ ​ໄດ້ເຮັດ​ມາ​ເປັນ​ເວລາ​ຫລາຍ​ປີ ​ເພື່ອສະໜັບສະ​ໜຸນ​ ຂະ​ບວນການ​ເພື່ອ​ປະຊາທິປະໄຕຂອງ​ທ່ານ​ນາງ ​ແຕ່​ວ່າ ບັດ​ນີ້ ປະຊາຊົນ​ມຽນມາ ຕ້ອງ​ໄດ້​ພະຍາຍາມ​ເຮັດ​ເອົາເອງ​ແລ້ວ. ທ່ານ​ນາງ ກ່າວ​ວ່າ ມັນ​ເຖິງ​ເວລາ​ແລ້ວ ທີ່ປະຊາ​ຊົນມຽນມາ​ຈະ​ຕ້ອງເປັນ​ຜູ້​ຮັບຜິດ
ຊອບ ​ການ​ຫັນປ່ຽນ​ໄປ​ສູ່ປະຊາທິປະໄຕໃນປະ​ເທດ​ຂອງ​ເຂົາ​ເຈົ້າ​ເອງ.