ລິ້ງ ສຳຫລັບເຂົ້າຫາ

ເຈົ້າ​ໜ້າ​ທີ່​ມຽນມາ ​ໄດ້​ກັກ​ຂັງພະສົງ​ສາສະໜາ​ພຸດ​ອົງ​ນຶ່ງ​ໄວ້ ຫລັງ​ຈາກ ເພິ່ນໄດ້​ຖືກ​ປ່ອຍ
ອອກ​ຈາກ​ຄຸກ​ເມື່ອ​ໄວໆ​ມານີ້ໃນຖານ​ເປັນ​ຜູ້​ນໍາ​ປະ​ທ້ວງ ຕໍ່ຕ້ານ​ລັດ​ຖະ​ບານ​ໃນ​ປີ 2007.

ບັນດາ​ຜູ້​ເຫັນ​ເຫດການ​ ໄດ້​ແຈ້ງ​ໃຫ້​ສື່​ມວນ​ຊົນ​ຕາ​ເວັນ​ຕົກຊາ​ບວ່າ ​ໃນ​ຕອນ​ເຊົ້າ​ວັນ​ສຸກ
ນີ້ ພະ​ອາຈານ Shin Gambira ໄດ້​ຖືກ​ນໍາ​ຕົວອອກ​ຈາກ​ວັດ​ແຫ່ງ​ນຶ່ງໃນ​ນະຄອນ​ຢ່າງ​ກຸ້ງ ​
ໂດ​ຍຜູ້​ຊາຍ​ຈໍານວນ​ນຶ່ງ ຊຶ່ງ​ເຂົາ​ເຈົ້າ​ໄດ້​ປະກາດ​ຕົນ​ເອງ​ວ່າ ​ເປັນເຈົ້າໜ້າ​ທີ່​ລັດ​ຖະ​ບານ ​
ໃນ​ເຂດ​ ນະຄອນຢ່າງ​ກຸ້ງ.

ພວກ​ຜູ້​ຊາຍ​ຈຸນີ້ ​ບໍ່​ໄດ້​ບອກ​ວ່າ ​ເຂົາ​ເຈົ້າ​ຈະພາ​ພະ​ອາຈານ Gambira ​ໄປ​ໃສ ​ແລະດ້ວຍ​
ເຫດຜົນ​ອັນ​ໃດ.

ພະ​ອາຈານ Shin Gambira ​ເຄີຍ​ເປັນ​ຜູ້ນໍາ​ຄົນ​ນຶ່ງໃນ​ອັນ​ທີ່​ເອີ້ນວ່າ “ການ​ປະຕິວັດຜ້າ
ເຫລືອງ" ຊຶ່ງ​ໄດ້ນໍາພາ​ພວກ​ພະສົງ ​ເດີນ​ຂະ​ບວນຕໍ່ ຕ້ານ​ອໍານາດ​ການ​ປົກ​ຄອງ​ຂອງລັດ​
ຖະ​ບານ​ທະຫານ ທີ່​ກຳ​ອຳນາດຢູ່​ໃນ​ເວລາ​ນັ້ນ. ການ​ໂຮມ​ຊຸມນຸມ​ປະ​ທ້ວງ​ຄັ້ງ​ໃຫ່ຍ ຂອງ​
ພວກ​ພະ​ສົງໄດ້​ຖືກ​ເຈົ້າໜ້າ​ທີ່​ປາ​ບປາມ​ຢ່າງ​ຮຸນ​ແຮງ ​ແລະພະ​ອາຈານ Gambari ​ໄດ້​ຖືກ
ຕັດສິນ​ໂທດໃນ​ເວລາ​ຕໍ່​ມາໃຫ້​ຈຳ​ຄຸກ ​68 ປີ ຮ່ວມ​ທັງໃຫ້​ເຮັດ​ວຽກ​ໜັກອີກ 12 ປີ​.

ມີ​ລາຍ​ງານ​ວ່າ ພະອາຈານ Gambira ຫາ​ກໍເລີ້ມເປີດ​ຫລາຍໆ​ວັດຄືນ​ໃໝ່ ຫລັງ​ຈາກ​ທີ່​ໄດ້​
ຖືກ​ສັ່ງ​ປິດ​ ​ໂດຍ​ອະດີດອໍານາດການ​ປົກ​ຄອງລັດ​ຖະ​ບານ​ທະຫານ ລຸນ​ຫຼັງທີ່​ໄດ້​ມີ​ການ​ທັບ​
ມ້າງ​ປາບ​ປາມ​ການ​ປະ​ທ້ວງ.

ພະອາຈານ Gambari ​ແມ່ນ​ຜູ້​ນຶ່ງ​ໃນ​ຈໍາ​ນວນພວກ​ນັກ​ໂທດ​ການ​ເມືອງ 651 ຄົນທີ່​ຖືກ
ປ່ອຍ​ຕົວ​ອອກ​ຈາກ​ຄຸກ​ໃນ​ເດືອນ​ແລ້ວ​ນີ້ໂດຍ​ລັດຖະບານພົນລະ​ເຮືອນ​ມຽນ​ມາທີ່ໄດ້​ຮັບ​ການ
ໜຸນ​ຫລັງ​ຈາກ​ພວກທະຫານ.

ເບິ່ງວີດີໂອ ກ່ຽວກັບພວກນັກໂທດການເມືອງມຽນມາ

XS
SM
MD
LG