ສປຊ ຮຽກຮ້ອງໃຫ້ ບັງກລາແດັສ ເປິດຊາຍແດນ ຮັບອົບພະຍົບຈາກມຽນມາ

ອົງການອົບ​ພະຍົບຂອງ​ສະຫະ​ປະຊາ​ຊາດ ຮຽກຮ້ອງ​ໃຫ້ບັງ​ກລາ​ແດັສເປີດ​ຊາຍ​ແດນຂອງ​
ຕົນ ຮັບ​ເອົາ​ພວກ​ທີ່​ຫລົບໜີ​ຈາກຄວາມ​ຮຸນ​ແຮງລະຫວ່າງເຜົ່າຣາຄີ​ນທີ່ນັບ​ຖື​ສາສະໜາ​ພຸດ
ແລະເຜົ່າ​ໂຣຮິງ​ຢາທີ່​ນັບຖື​ສາສະໜາອິສລາມໃນ​ມຽນມາ.

​ໃນ​ຖະ​ແຫລ​ງຂ່າວ​ສະບັບ​ນຶ່ງ​ ທີ່​ນຳ​ອອກ​ເຜີຍ​ແຜ່ໃນ​ວັນ​ສຸກວານ​ນີ້ ອົງການອົບພະຍົບສະ
ຫະ​ປະຊາຊາດກ່າວ​ວ່າ ພວກທີ່​ພະຍາຍາມ​ຫລົບໜີ ບໍ່​ສາມາດ​ທີ່​ຈະ “​ໄດ້​ຮັບ​ຄວາມ​ປອດ​ໄພ
​ແລະຄວາມ​ໝັ້ນຄົງ ທີ່​ພວກເຂົາ​ເຈົ້າ​ຕ້ອງການ​ທີ່​ສຸດ”.

ນອກ​ນັ້ນ ອົງການ​ອົບ​ພະຍົບຂອງສະຫະ​ປະຊາ​ຊາດ​ຍັງກ່າວວ່າ ຕົນ​ມີ​ຂໍ້​ມູນ​ທີ່​ໜ້າ​ເຊື່ອ​ຖື​
ໄດ້ຢັ້ງຢືນວ່າ ​ເຮືອຫລາຍ​ລໍາ​ທີ່​ມາ​ຈາກ​ມຽນມາບໍ່​ໄດ້​ຮັບ​ອະນຸຍາດ​ໃຫ້ແລ່ນ​ເຂົ້າ​ໄປ​ໃນ​ເຂດ
​ແດນ​ຂອງບັງ​ກລາ​ແດັສ​ແລະກ່າວ​ຕື່ມ​ວ່າ ພວ​ກ​ແມ່ຍິງ ເດັກນ້ອຍແລະ​ຜູ້​ທີ່ໄດ້​ຮັບ​ບາດ​ເຈັ​ບ ​
​ແມ່ນຮ່ວມ​ຢູ່​ໃນ​ບັນດາ​ເຮືອເຫຼົ່ານັ້ນ.

​ໃນ​ຕົ້ນ​ອາທິດ​ນີ້​ ບັນດາ​ເຈົ້າ​ໜ້າ​ທີ່ບັງ​ກລາ​ແດັສ ຊຶ່ງ​ປະຊາຊົນສ່ວນ​ໃຫ່ຍ​ເປັນຊາວ​ມຸສລິ​ມ
​ນັ້ນ ກ່າວ​ວ່າ ພວກຕຳຫຼວດຊາຍ​ແດນໄດ້​ສົ່ງຊາວ​ມຸສລິ​ມ​ເຜົ່າ​ໂຣຮິງ​ຢາຫລາຍຮ້ອຍ​ຄົນທີ່​
ພະຍາຍາມ​ໜີການ​ສູ້​ຫລົບ​ໃນ​ມຽນມາກັບ​ຄືນ​ໄປ. ລັດຖະມົນ​ຕີ​ການ​ຕ່າງປະ​ເທດບັງ​ກລາ
​ແດັສກ່າວ​ວ່າ ມັນ​ບໍ່ແມ່ນ​ຜົນ​ປະ​ໂຫຍ​ດທີ່ດີ​ສຳ​ຫຼັບບັງ​ກລາ​ແດັສ​ຈະ​ຮັບ​ເອົາ​ຊາວ​ໂຣຮິງ​ຢາ​.

ມີຊາວ​ໂຣຮິງ​ຢາ ປະມານ 300,000 ຄົນ​ໄດ້​ພາກັນອາ​ໄສ​ຢູ່​ໃນບັງ​ກລາ​ແດັສເວລາ​ນີ້. ປະ
ມານ​ສິບ​ເປີ​ເຊັນ​ຂອງ​ຈຳນວນ​ດັ່ງກ່າວ ​ແມ່ນ​ຢູ່​ທີ່ສູນ​ອົບ​ພະ​ຍົບ 2 ​ແຫ່ງຂອງ​ທາງ​ການ​ບັງ​
ກລາ​ແດັສ​.

ບັນດາ​ເຈົ້າ​ໜ້າ​ທີ່​ມຽນມາກ່າວ​ວ່າ ການ​ສູ້​ລົບ​ລະ​ຫວ່າງ ​ເຜົ່າຣາຄີ​ນທີ່​ນັບຖື​ສາສະໜາ​ພຸດ ​
ແລະ​ເຜົ່າ​ໂຣຮິງ​ຢາ ທີ່​ນັບຖື​ສາສະໜາອິສລາມ ​ໃນ​ລັດຣາຄີ​ນ ທາງພາກ​ຕາ​ເວັນ​ຕົກ​ຂອງ
​ມຽນມານັ້ນ ​ເຮັດ​ໃຫ້ 30 ຄົນ​ເສຍ​ຊີວິດ.

ທາງ​ການມຽນມາ​ກ່າວ​ວ່າ ຫຼາຍ​ສິບ​ພັນ​ຄົນ​ໄດ້​ຖືກ​ຍົກຍ້າຍ​ບໍ່​ມີ​ບ່ອນຢູ່ ​ແລະເຮືອນຫຼາຍ​
ກວ່າ 2,500 ຫລັງ ໄດ້​ຖືກໄ​ຟ​ໄໝ້.