ພວກຜູ້ຊ່ອຍທ່ານນາງອອງຊານຊູຈີກ່າວວ່າຜູ້ນຳປະຊາທິ
ປະໄຕມຽນມາມີກຳນົດທີ່ຈະພົບປະກັບທູດພິເສດຂອງສະ
ຫະລັດທ່ານ Joseph Yun ທີ່ນະຄອນຢ່າງກຸ້ງໃນຕອນ
ແລງຂອງວັນພະຫັດມື້ນີ້.
ໂຄສົກ Nyan Win ກ່າວຕໍ່ວິທະຍຸ VOA ພາກພາສາ
ມຽນມາວ່າທ່ານນາງອອງຊານຊູຈີແລະສະມາຊິກພັກສັນ
ນິບາດແຫ່ງຊາດເພື່ອປະຊາທິປະໄຕຂອງທ່ານນ່າງຫວັງ
ວ່າ ຈະໄດ້ຮັບຟັງຈາກທ່ານ Yun ກ່ຽວກັບການສົນທະ
ນາຫາລືຂອງທ່ານກັບລັດຖະບານຊຸດໃໝ່ຂອງມຽນມາ.
ທ່ານ Yun ແມ່ນຮອງລັດຖະມົນຕີຊ່ອຍວ່າການກະຊວງການຕ່າງປະເທດສະຫະລັດໄດ້
ເດີນທາງໄປນະຄອນຫຼວງເນປີດໍ ທີ່ຕັ້ງຢູ່ສອກຫຼີກຫ່າງໄກໃນວັນພຸດວານນີ້ ເພື່ອພົບປະ ກັບພວກເຈົ້າໜ້າທີ່ຂັ້ນສູງຂອງລັດຖະບານມຽນມາເປັນເທື່ອທຳອິດ ນັບແຕ່ພວກເຈົ້າໜ້າ
ທີ່ເຫຼົ່ານີ້ໄດ້ເຂົ້າຮັບຕຳແໜ່ງໃນທ້າຍເດືອນມີນາຜ່ານມາ.
ສື່ມວນຊົນຂອງທາງການມຽນມາ ລາຍງານວ່າ ທ່ານ Yun ໄດ້ພົບປະກັບລັດຖະມົນຕີ
ການຕ່າງປະເທດມຽນມາ ທ່ານ Wunna Maugn Lwin ແລະຮອງປະທານສະພາຕໍ່
ຂອງມຽນມາ ແຕ່ບໍ່ໄດ້ລາຍງານໃຫ້ຊາບ ກ່ຽວກັບລາຍລະອຽດໃນການສົນທະນາຫາລື.
ແຕ່ແນວໃດກໍຕາມກະຊວງການຕ່າງປະເທດສະຫະລັດ ກ່າວກ່ອນໜ້າການເດີນທາງໄປ
ຢ້ຽມຢາມ ເປັນເວລາ 4 ມື້ຂອງທ່ານ Yun ວ່າ ທ່ານຈະກົດດັນໃຫ້ລັດຖະບານຊຸດໃໝ່
ປະຕິຮູບກ່ຽວກັບເລື່ອງສິດທິມະນຸດ.
ພວກເຈົ້າໜ້າທີ່ຂອງພັກຝ່າຍຄ້ານອີກ 2 ພັກໃຫ້ການຢືນຢັນຕໍ່ VOA ວ່າ ພວກເຂົາ
ເຈົ້າມີໝາຍກຳນົດການ ທີ່ຈະພົບປະກັບທ່ານ Yun ທີ່ນະຄອນຢ່າງກຸ້ງໃນ ມື້ວັນເສົາ
ຈະມານີ້.
