ລິ້ງ ສຳຫລັບເຂົ້າຫາ

ລັດຖະບານທະຫານມຽນມາກ່າວ ວ່າ ພວກກະບົດ ທີ່ພວມພະຍາ ຍາມຫາທາງລົບກວນການເລືອກ ຕັ້ງ ຊຶ່ງຈະມີຂຶ້ນໃນທ້າຍປີນີ້ ໄດ້ ວາງລະເບີດ ທີ່ຫົວເມືອງແຫ່ງນຶ່ງ ໃນພາກຕາເວັນອອກ ຂອງມຽນ ມາແລະໃນເຂດໃຈກາງນະຄອນ ຢ່າງກຸ້ງ ໃນສັບປະດານີ້.

ໜັງສືພິມຂອງທາງການ New Light of Myanmar ລາຍ ງານ ໃນວັນເສົາມື້ນີ້ວ່າ ໄດ້ມີ ການສົ່ງໜ່ວຍທຳລາຍລະເບີດ ໄປຍັງ ເມືອງ Thaton ໃນມື້ ວັນພຸດແລ້ວເພື່ອປົດຄະ ນວນ ລະເບີດ 5 ລູກ ທີ່ຖືກມັດຕິດ ໃສ່ເສົາໄຟຟ້ານັ້ນ. ໜັງສືພິມ ສະບັບນີ້ເວົ້າວ່າ ລະເບີດລູກນຶ່ງ ໄດ້ແຕກຂຶ້ນ ເຮັດໃຫ້ຂາທະຫານຄົນນຶ່ງຂາດ.

ໃນເຫດຮ້າຍ ຢູ່ອີກບ່ອນນຶ່ງນັ້ນ ໜັງສືພິມຂອງມຽນມາສະບັບນີ້ ຍັງແຈ້ງວ່າ ໃນມື້ວັນພະຫັດ ຜ່ານມາ ປະຊາຊົນໄດ້ເຫັນຫໍ່ ທີ່ໜ້າສົງໄສຫໍ່ນຶ່ງ ຢູ່ເທິງຂົວໄມ້ ຂ້າມຖະໜົນແຫ່ງນຶ່ງ ໃນນະ ຄອນຢ່າງກຸ້ງ. ລາຍງານເວົ້າວ່າ ພວກທະຫານໄດ້ປົດຄະນວນລະເບີດເວລາ ທີ່ເຮັດດ້ວຍດິນ ລະເບີດປລາສຕິກ C-4.

ລາຍງານຂ່າວ ຂອງໜັງສືພິມມຽນມາເວົ້າວ່າ ພວກກະບົດ ກຳລັງພະຍາຍາມຫາທາງເພີ້ມ ທະວີ ການກໍ່ເຫດຮ້າຍຕ່າງໆ ເພື່ອລົບກວນການເລືອກຕັ້ງ ຊຶ່ງຈະມີຂຶ້ນໃນວັນທີ 7 ພະຈິກ ຈະມານີ້.

XS
SM
MD
LG