ພະແນກການຕິດຕາມຊິ້ງຊອມທາງດ້ານນິວເຄລຍຂອງອົງການສະຫະປະຊາຊາດໄດ້ຮ້ອງຂໍ
ໃຫ້ມຽນມາ ອະນຸຍາດໃຫ້ຄະນະກວດກາຂອງສະຫະປະຊາຊາດເຂົ້າໄປກວດເບິ່ງສະຖານທີ່
ສົງໄສທາງດ້ານນິວເຄລຍ ຢູ່ໃນປະເທດດັ່ງກ່າວ.
ເມື່ອໄວໆມານີ້ ອົງການພະລັງານປະລະມະນູສາກົນ ໄດ້ສົ່ງຈົດໝາຍຢ່າງເປັນທາງການສະ
ບັບນຶ່ງ ໄປຍັງລັດຖະບານມຽນມາ ເພື່ອຂໍຮ້ອງ ເຂົ້າໄປກວດເບິ່ງສະຖານທີ່ສົງໄສຕ່າງໆ.
ອົງການສະຫະປະຊາຊາດ ສົງໄສມາເປັນເວລາຫຼາຍໆປີແລ້ວວ່າ ມຽນມາມີໂຄງການນິວ
ເຄລຍລັບ ໂດຍໄດ້ຮັບການສະໜັບສະໜຸນ ຈາກເກົາຫຼີເໜືອ.
ເຖິງແມ່ນໃນໄລຍະຜ່ານມາ ອົງການພະລັງງານປະລະມະນູສາກົນ ໄດ້ຮ້ອງຂໍໃຫ້ມຽນມາ
ສົ່ງຂໍ້ມູນຕ່າງໆກ່ຽວກັບໂຄງການນິວເຄລຍທີ່ອາດເປັນໄປໄດ້ນັ້ນໃຫ້ແກ່ຕົນ ແຕ່ອົງການ
ດັ່ງກ່າວ ກໍບໍ່ເຄີຍຂໍຮ້ອງ ເພື່ອເຂົ້າໄປກວດກາ ຢ່າງເປັນທາງການເລີຍ.
