ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຫົວໜ້າສະຫະປະຊາຊາດ ໄປຢ້ຽມຢາມ ມຽນມາ


ທ່ານພັນກິມູນແລະພັນລະຍາ ຮັບເອົາດອກໄມ້ ເວລາໄປຮອດໂຮງແຮມ ໃນກຸງ
ຢັ້ງກຸ້ງ.
ວັນທີ 29 ເມສາ 2012.
ທ່ານພັນກິມູນແລະພັນລະຍາ ຮັບເອົາດອກໄມ້ ເວລາໄປຮອດໂຮງແຮມ ໃນກຸງ ຢັ້ງກຸ້ງ. ວັນທີ 29 ເມສາ 2012.

ທ່ານ​ພັນ​ກິ​ມູນ ​ເລຂາທິການ​ໃຫຍ່​ສະຫະ​ປະຊາ​ຊາດ​ເດີນທາງ​ໄປ​ຮອດມຽນມາ​ແລ້ວ ຊຶ່ງ​ຢູ່
ທີ່​ນັ້ນ ​ທ່ານ​ຈະ​ທໍາ​ການ​ພົບ​ປະ​ກັບ​ທ່ານ​ນາງອອງ ຊານຊູ​ຈີ ທີ່​ເຄີຍ​ໄດ້​ຮັບ​ລາງວັນ​ໂນ​ແບລ
ຂະ​ແໜງ​ສັນຕິພາບມາ​ກ່ອນ ​ແລະປະທານາທິບໍດີ Thein Sein ​ແຫ່ງ​ມຽນມາ.

ທ່ານ​ພັນ​ກິ​ມູນ ​ເດີນທາງ​ໄປ​ຮອດ​ນະຄອນ​ຢັ້ງ​ກຸ້ງ ​ເມືອງ​ໃຫຍ່​ສຸດຂອງ​ມຽນມາ ໃນວັນອາ
ທິດມື້​ນີ້ ​ແລະໄດ້ບິນ​ໄປ​ຍັງ​ນະຄອນຫຼວງ​ຝ່າຍ​ປົກຄອງ ​ເນ​ປີ​ອິດໍ ໃນ​ຕອນ​ບ່າຍ​ມື້​ນີ້.

ທ່ານ​ມີ​ໝາຍ​ກໍານົດ​ທີ່​ຈະ​ກ່າວ​ຄໍາ​ປາ​ໄສຕໍ່​ສະພາ​ແຫ່ງ​ຊາດ​ຂອງ​ມຽນມາ​ໃນ​ວັນ​ຈັນ​ມື້​ອື່ນ
ຊຶ່ງ​ຈະ​ເປັນ​ຄໍາ​ປາ​ໄສ​ຄັ້ງ​ທໍາ​ອິດ​ໂດຍ​ແຂກ​ເມືອງຕ່າງປະ​ເທ​ດ​ລະດັບສູງ​ນັ້ນ.

ທ່ານ​ນາງ Catherine Ashton ຫົວໜ້າ​ນະ​ໂຍບາຍ​ການ​ຕ່າງປະ​ເທດ​ຂອງ​ສະຫະພາບ
ຢູ​ໂຣບ ກໍ​ກໍາລັງ​ທໍາ​ການ​ຢ້ຽມຢາມ​ມຽນມາ​ເຊ່ນ​ກັນ ລຸນຫຼັງທີ່​ສະຫະພາບ​ຢູ​ໂຣບ​ໄດ້​ປະ
ກາດ​ຫວ່າງ​ໄວໆມາ​ນີ້ ງົດ​ການ​ລົງ​ໂທດ​ ​ຕໍ່​ມຽນມາ ​ທີ່​ຖືກ​ໂດດດ່ຽວ​ມາ​ເປັນ​ເວລາ​ດົນ​ນານ
ນັ້ນ.

ທ່ານ​ພັນ​ກິ​ມູນ ​ແລະ​ທ່ານ​ນາງ Ashton ທັງ​ສອງ​ມີ​ໝາຍ​ກໍານົດ​ທີ່ຈະ​ທໍາ​ການ​ພົບ​ປະ​
ກັບ​ປະທານາທິບໍດີ Thein Sein ​ໃນ​ວັນ​ຈັນ​ມື້ອື່ນ ​ແລະ​ຍັງ​ບໍ່​ເປັນ​ທ່ີ່ຈະ​ແຈ້ງ​ເທື່ອ​ວ່າ
ທັງສອງ​ທ່ານຈະ​ໄປພົບ​ປະ​ກັບ​ທ່ານ Thein Sein ພ້ອມ​ກັນ ຫຼື​ວ່າ ຄົນ​ລະ​ເທື່ອ.

ໃນ​ວັນ​ອັງຄານ​ມື້ຮື​ນີ້ ​ເລຂາທິການ​ໃຫຍ່​ສະຫະ​ປະຊາ​ຊາດ​ຈະ​ພົບປະ​ກັບ​ ທ່ານ​ນາງ​
ອອງຊານ​ ຊູ​ຈີ ທີ່​ເປັນ​ຜູ້​ນໍາ​ຂອງ​ພັກ​ຝ່າຍ​ຄ້ານສັນນິບາດ​ແຫ່ງຊາດ​ເພື່ອ​ປະຊາທິປະ​
ໄຕ​ໃນ​ມຽນມາ ​ນັ້ນ.

ທ່ານ​ນາງ Ashton ທີ່ໄດ້​ທໍາ​ການ​ພົບ​ປະ​ກັບຜູ້​ນໍາ​ຝ່າຍ​ຄ້ານ​ແລ້ວນັ້ນ ​ໄດ້​ໄຂ​ຫ້ອງ​
ການໃໝ່​ຂອງ​ອີ​ຢູຂຶ້ນ ​ທີ່​ນະຄອນ​ຢັ້ງ​ກຸ້ງ ​ໃນ​ວັນ​ເສົາ​ວານນີ້​ ເພື່ອ​ກໍາກັບດູ​ແລການ​ບໍ
ລິ​ຫານໂຄງການ​ຊ່ອຍ​ເຫຼືອ​ຕ່າງໆຂອງ​ອີ​ຢູ ແລະ ຮັບ​ມື​ກັບ​ເລື້ອງ​ການ​ເມືອງນັ້ນ.

XS
SM
MD
LG