ໃນຂະນະດຽວກັນ ເຈົ້າໜ້າທີ່ຂັ້ນສູງສຸດຂອງສະຫະປະຊາຊາດທ່ານນຶ່ງໄດ້ໃຫ້ຄວາມໝັ້ນ
ໃຈແກ່ບັນດາເຈົ້າໜ້າທີ່ມຽນມາວ່າ ຄໍາໝັ້ນໝາຍຂອງສະຫະປະຊາຊາດຕໍ່ການສະໜັບສະ
ໜຸນການປະຕິຮູບຕ່າງໆໃນມຽນມານັ້ນ ແມ່ນໜັກແໜ້ນ.
ຮອງເລຂາທິການໃຫຍ່ສະຫະປະຊາຊາດ ທ່ານ Vijay Nambiar ໄດ້ຖະແຫລງຕໍ່ກອງ
ປະຊຸມວ່າດ້ວຍການພັດທະນານະໂຍບາຍ ໃນນະຄອນຫລວງ Naypytaw ວ່າ ສະຫະ
ປະຊາຊາດຕຽມພ້ອມທີ່ຈະຊ່ອຍເຫລືອມຽນມາ ໃຫ້ກ້າວທັນກັບການປ່ຽນແປງຂອງໂລກ
ໂດຍຈະເພີ່ມຄວາມພະຍາຍາມຂອງຕົນຂຶ້ນເປັນສອງເທົ່າ ເພື່ອຊ່ອຍລັດຖະບານປັບປຸງ
ຊີວິດການເປັນຢູ່ຂອງປະຊາຊົນມຽນມາ ໃຫ້ດີຂຶ້ນ.
ກອງປະຊຸມ 3 ມື້ ທີ່ເລີ້ມຂຶ້ນໃນວັນຈັນມື້ນີ້ ແມ່ນຈັດຂຶ້ນມາໂອ້ລົມສົນ ທະນາກັນເລື້ອງທາງ
ເລືອກຕ່າງໆໃນດ້ານນະໂຍບາຍ ເລື້ອງບູລິມະສິດ ແລະການປະຕິຮູບສະຖາບັນຕ່າງໆ
ເພື່ອເລັ່ງລັດການພັດທະນາມະນຸດ ທີ່ຮວມເອົາທຸກຊົນເຜົ່າເຂົ້ານໍາໃນມຽນມານັ້ນ.
ກອງປະຊຸມດັ່ງກ່າວໄດ້ນໍາເອົາພວກນັກຊ່ຽວຊານໃນປະເທດແລະນາໆຊາດຫລາຍກວ່າ 40
ທ່ານ ມາເຂົ້າປະກອບສ່ວນໃນການອະພິປາຍບັນຫາຕ່າງໆ ຜ່ານການແບ່ງປັນກັນເລື່ອງ
ປະສົບປະການພາຍໃນປະເທດ ພາຍໃນຂົງເຂດແລະຈາກປະເທດອື່ນໆ.
ໃນຫວ່າງບໍ່ເທົ່າໃດເດືອນຜ່ານມານີ້ ມຽນມາໄດ້ປ່ອຍພວກນັກໂທດການເມືອງຈໍານວນນຶ່ງ
ຮວມທັງທ່ານນາງອອງຊານຊູຈີ ຜູ້ນໍາຝ່າຍຄ້ານ ທີ່ໄດ້ຖືກກັກໃຫ້ຢູ່ໃນບໍລິເວນບ້ານເຮືອນ
ມາຫລາຍປີ ແລະເວລານີ້ກໍາລັງວາງແຜນຈະເຂົ້າແຂ່ງຂັນຊີງເອົາບ່ອນນັ່ງຢູ່ໃນສະພາແຫ່ງ
ຊາດນັ້ນ. ນອກນັ້ນ ມຽນມາຍັງໄດ້ໄຂການໂອ້ລົມສົນທະນາສັນຕິພາບກັບພວກກະບົດຊົນ
ເຜົ່າ ແລະຜ່ອນຄາຍໃນການຄວບຄຸມສື່ມວນຊົນນໍາ.
ພວກທີ່ຕໍາໜິຕິຕຽນມຽນມາ ກ່າວວ່າ ເຖິງແມ່ນມີການໂອນອໍານາດຈາກພວກທະຫານໃຫ້
ມາຢູ່ພາຍໃຕ້ການປົກຄອງຂອງພົນລະເຮືອນກໍຕາມ ແຕ່ພວກນາຍພົນທະຫານກໍຍັງຄອບ
ງໍາລັດຖະສະພາແລະການເມືອງນັ້ນຢູ່.
