ເບິ່ງວີດີໂອພາສາລາວ:
ເມື່ອອາທິດແລ້ວນີ້ ທີ່ນະຄອນຢ່າງກຸ້ງ ນາງສາວມຽນມາ ຈໍານວນ 20 ຄົນ ໄດ້ເຂົ້າປະ
ກວດເອົາຕໍາແໜ່ງ ເທພີທ່ອງທ່ຽວມຽນມາປີ 2012 ຊຶ່ງເປັນການປະກວດສາວງາມທີ່ຈັດ
ຂຶ້ນໂດຍຄະນະກໍາມະການທ່ອງທ່ຽວ ເພື່ອດຶງດູດເອົາພວກທ່ອງທ່ຽວຈາກຕ່າງປະເທດ.
ທ່ານ Kyaw Htun ເລຂາຄະນະກໍາມະການການທ່ອງທ່ຽວ ກ່າວວ່າ ການສະໜັບ
ສະໜຸນໃຫ້ມີ“ການທ່ອງທ່ຽວແບບທີ່ມີຄວາມຮັບຜິດຊອບ” ຂອງທ່ານນາງ ອອງ ຊານ
ຊູຈີ ເມື່ອປີຜ່ານມານີ້ ແມ່ນໄດ້ເປັນການສົ່ງເສີມທີ່ສໍາຄັນ ຢູ່ໃນມຽນມາ. ທ່ານ Htun
ໃຫ້ຂໍ້ສັງເກດວ່າ:
“ກ່ອນປີ 2010 ນັ້ນ ທ່ານນາງ ອອງຊານ ຊູຈີ ບໍ່ໄດ້ສະໜັບສະໜຸນໃຫ້ນັກ
ທ່ອງທ່ຽວເຂົ້າໄປມຽນມາ ແຕ່ຫລັງຈາກປີ 2010 ມານີ້ ປາກົດວ່າທ່ານນາງ
ໄດ້ຊຸກຍູ້ໃຫ້ພວກນັກທ່ອງທ່ຽວ ເຂົ້າໄປຢ້ຽມຢາມມຽນມາ.”
ນັບຕັ້ງແຕ່ການປ່ອຍຕົວທ່ານນາງອອງຊານ ຊູຈີ ຈາກການກັກບໍລິເວນໃນປີ 2010 ນັ້ນ
ທຸລະກິດການທ່ອງທ່ຽວຢູ່ໃນມຽນມາ ກໍໄດ້ເພີ່ມທະວີ ຂຶ້ນເປັນສອງເທົ່າຕົວ ແລະກໍຄາດວ່າ
ຈະເພີ່ມຂຶ້ນໄປເລື້ອຍໆ ໃນ ອັດຕາ 30 ເປີເຊັນຕໍ່ປີ.
ການໂດດດ່ຽວດ້ານການເມືອງຂອງມຽນມາ
ແມ່ນໄດ້ເຮັດໃຫ້ພວກນັກທ່ອງທ່ຽວທີ່ເຄີຍມີ
ມານັ້ນເຫີນຫ່າງໄປ. ມາບັດນີ້ ແມ່ນການ
ໂດດດ່ຽວດັ່ງກ່າວ ແລະການປະຕິຮູບທາງ
ການເມືອງທີ່ກໍາລໍງດໍາເນີນໄປຢູ່ໃນຂະນະນີ້
ທີ່ກໍາລັງດຶງດູດເອົາພວກນັກທ່ອງທ່ຽວໜ້າ
ໃໝ່ ຊຶ່ງບາງຄົນກໍຍັງມີຄວາມວິຕົກຢູ່ ທີ່ຈະ
ໄປຢາມມຽນມານັ້ນ ດັ່ງເຊ່ນນາງ Mari
Nakogawa ນັກທ່ອງທ່ຽວຈາກຍີ່ປຸ່ນ
ທີ່ກ່າວວ່າ:
“ເຫດຜົນໃນການມາຢ້ຽມຢາມມຽນມາ
ຂອງຂ້ອຍຄັ້ງນີ້ ກໍຍ້ອນວ່າຂ້ອຍສົນໃຈ
ໃນສະຖານະ ການດ້ານການເມືອງຫລາຍ ດັ່ງເຊັ່ນທ່ານນາງ ອອງຊານຊູຈີ.
ຂ້ອຍບໍ່ກ້າຈະເວົ້າຢູ່ທີ່ນີ້ ຂ້ອຍຍັງຢ້ານຢູ່. ໜັງສືພິມສ່ວນຫລາຍຂອງຍີ່ປຸ່ນເວົ້າ
ວ່າ ມຽນມາເປັນປະເທດທີ່ອັນຕະລາຍ.”
ປັດຈຸບັນນີ້ ບັນດາໂຮງແຮມຕ່າງໆໃນມຽນມາ ຈະຕ້ອງໄດ້ຈອງກັນໄວ້ເປັນຫລາຍໆເດືອນ
ລ່ວງໜ້າ ສົ່ງຜົນໃຫ້ລາຄາຄ່າຫ້ອງພັກແພງຂຶ້ນ ເປັນສອງເທົ່າຕົວ ຢູ່ບາງບ່ອນ.
ແຕ່ວ່າ ບໍ່ແມ່ນແຕ່ພວກນັກທ່ອງທ່ຽວເທົ່ານັ້ນທີ່ຢາກຈະໄປຢ້ຽມຢາມມຽນມາ. ນາຍ Alex
Ruther ຜູ້ຈັດການໂຮງແຮມ Savoy Hotel ຊຶ່ງເປັນເຄືອໂຮງແຮມລະດັບນໍາໜ້າຂອງໂລກ
ກ່າວວ່າ:
“ຂະນະນີ້ ມຽນມາກໍາລັງເປີດກວ້າງຕໍ່ໂລກ. ພວກກົດໝາຍການລົງທຶນຂອງ
ຕ່າງປະເທດກໍກໍາລັງດັດແກ້ປ່ຽນແປງໄປເຊັ່ນກັນ. ດັ່ງນັ້ນ ພວກຊາວຕ່າງ
ປະເທດສາມາດເຂົ້າມາຢ້ຽມຢາມ ແລະມາລົງທຶນໄດ້. ບັນດາບໍລິສັດຕ່າງ
ປະເທດກໍາລັງພາກັນທະຍອຍເຂົ້າມາລົງທຶນ. ສະນັ້ນ ກໍແນ່ນອນວ່າ ມັນຈະ
ນໍາເອົາມຽນມາຂຶ້ນໄປຢູ່ເທິງແຜນທີ່ໂລກອີກຄັ້ງນຶ່ງ.”
ສໍາລັບພວກນັກທ່ອງທ່ຽວຂອງມຽນມາ ເຊັ່ນພວກນີ້ທີ່ກໍາລັງທ່ຽວຊົມເຈດີ Shwedagon
ທີ່ມີຊື່ສຽງຂອງມຽນມາ ທັງສິ່ງດຶງດູດເກົ່າໆແບບນີ້ ແລະການປ່ຽນແປງໃໝ່ໆ ແມ່ນເປັນ
ສິ່ງລໍ້ໃຈໃຫ້ພວກເຂົາເຈົ້າຢາກມາຢ້ຽມຢາມ.
ເບິ່ງວີດີໂອພາສາອັງກິດ:
