ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມຽນມາປ່ອຍຜູ້ນຳຝ່າຍຄ້ານ


ຜູ້ນຳປະຊາທິປະໄຕມຽນມາ ທ່ານນາງອອງຊານຊູຈີ ຫົວຍິ້ມຫຼັງຈາກໄດ້ຮັບ ຊໍ່ດອກໄມ້ຈາກພວກສະໜັບສະໜຸນ ຂະນະທີ່ທ່ານນາງ ຢືນຢູ່ປະຕູທາງເຂົ້າເຮືອນຂອງທ່ານນາງ ທີ່ນະຄອນຢ່າງກຸ້ງ (13 ພະຈິກ 2010)
ຜູ້ນຳປະຊາທິປະໄຕມຽນມາ ທ່ານນາງອອງຊານຊູຈີ ຫົວຍິ້ມຫຼັງຈາກໄດ້ຮັບ ຊໍ່ດອກໄມ້ຈາກພວກສະໜັບສະໜຸນ ຂະນະທີ່ທ່ານນາງ ຢືນຢູ່ປະຕູທາງເຂົ້າເຮືອນຂອງທ່ານນາງ ທີ່ນະຄອນຢ່າງກຸ້ງ (13 ພະຈິກ 2010)

ເຈົ້າໜ້າທີ່ມຽນມາກ່າວວ່າ ການກັກບໍລິເວນທ່ານນາງອອງ
ຊານຊູຈີ ຜູ້ນຳປະຊາທິປະໄຕຂອງມຽນມາ ໄດ້ຖືກຍົກເລີກ
ແລ້ວ.

ພວກນັກຂ່າວ ນັກການທູດແລະພວກສະໜັບສະໜຸນທ່ານ
ນາງອອງຊານຊູຈີຜູ້ທີ່ເຄີຍໄດ້ຮັບລາງວັນໂນແບລຂະແໜງ
ສັນຕິພາບຈຳນວນຫຼາຍຮ້ອຍຄົນໄດ້ພາກັນໄປທີ່ເຮືອນຂອງ
ທ່ານນາງ ຂະນະທີ່ຕຳຫຼວດຍົກຍ້າຍເຄື່ອງກີດຂວາງອອກ
ແລະເຈົ້າໜ້າທີ່ທະຫານ ໄດ້ເຂົ້າໄປທີ່ເຮືອນຂອງທ່ານນາງ
ເພື່ອອ່ານຄຳສັ່ງປ່ອຍ ໂຕທ່ານນາງຢ່າງເປັນທາງການ.

ການປ່ອຍທີ່ວ່ານີ້ມີຂຶ້ນ 7 ປີ ຫຼັງຈາກລັດຖະບານທະຫານມຽນມາໄດ້ກັກບໍລິເວນທ່ານນາງ.
ທ່ານນາງອອງຊານຊູຈີໄດ້ຖືກຄຸມຂັງບໍ່ໃນຮູບໃດກໍຮູບນຶ່ງເປັນເວລາ 15 ປີ ຂອງໄລຍະ 21
ປີທີ່ຜ່ານມາ.

ເພີ່ມໃສ່ບັນຍາກາດຢູ່ໃນມຽນມາ ທີ່ເຕັມໄປດ້ວຍຄວາມລັບຢູ່ແລ້ວນັ້ນ ກໍແມ່ນມີກຳລັງຮັກສາ
ຄວາມສະຫງົບເຂົ້າປະຈຳການເພີ່ມຂຶ້ນທີ່ນະຄອນຢ່າງກຸ້ງ ໂດຍມີລົດບັນທຸກຕຳຫຼວດປາບຈະ
ລາຈົນຈຳນວນນຶ່ງ ແລ່ນໄປມາຕາມຖະໜົນຫົນທາງ.

ການປ່ອຍທ່ານນາງອອງຊານຊູຈີ ມີຂຶ້ນ 6 ມື້ຫຼັງຈາກການເລືອກຕັ້ງເທື່ອທຳອິດຢູ່ໃນມຽນມາ
ໃນຮອບ 2 ທົດສະວັດ.

XS
SM
MD
LG