ການາດາໄດ້ເຊື້ອເຊີນຜູ້ນຳປະຊາທິປະໄຕຂອງມຽນມາທ່ານ
ນາງອອງຊານຊູຈີໃຫ້ເດີນທາງໄປຢ້ຽມຢາມປະເທດດັ່ງກ່າວ
ເພື່ອຮັບເອົາການເປັນພົນລະເມືອງກິດຕິມະສັກ ທີ່ໄດ້ມອບ
ໃຫ້ທ່ານນາງໃນປີ 2007 ນັ້ນດ້ວຍໂຕຂອງທ່ານນາງເອງ.
ໃນຖະແຫຼງຂ່າວຢ່າງເປັນທາງການມື້ວານນີ້ນາຍົກລັດຖະ
ມົນຕີການາດາ ທ່ານ Stephen Harper ຍັງຮຽກຮ້ອງ
ໃຫ້ລັດຖະບານມຽນມາທຳການພົວພັນແບບມີຄວາມໝາຍ
ແລະການສົນທະນາຫາລື ແບບເປີດກວ້າງ ກັບທ່ານນາງ
ອອງຊານຊູຈີ ແລະຜູ້ນຳຝ່າຍຄ້ານຄົນອື່ນໆ.
ນອກຈາກທ່ານນາງອອງຊານຊູຈີທີ່ໄດ້ຖືກປ່ອຍຈາກ
ການກັກບໍລິເວນເປັນເວລາ 7 ປີໃນວັນທີ 13 ພະຈິກ
ຜ່ານມານີ້ແລ້ວ ຖານະພົນລະເມືອງກິດຕິມະສັກຂອງ
ການາດາ ແມ່ນໄດ້ມີການມອບໃຫ້ແຕ່ພຽງ 4 ຄົນທໍ່ນັ້ນ
ຮວມທັງອົງດາໄລລາມະ ແລະອະດີດປະທານາທິບໍດີອາ
ຟຣິກາໃຕ້ ທ່ານ Nelson Mandela.
ທ່ານ Harper ເວົ້າວ່າ ທ່ານເຂົ້າໃຈດີວ່າ ບູລິມມະສິດຂອງທ່ານນາງອອງຊານໃນເວລານີ້
ກໍ ຄືເພັ່ງເລັງໃສ່ການເຈລະຈາຫາລືກັບພວກນນາຍພົນຂອງລັດຖະບານທະຫານ ແຕ່ທ່ານ
ກໍເວົ້າວ່າທ່ານຫວັງວ່າທ່ານນາງຈະຮັບເອົາການເຊື້ອເຊີນດັ່ງກ່າວພາຍໃນເວລາທີ່ເໝາະສົມ.
