ຜູ້ນຳຝ່າຍຄ້ານມຽນມາ ຮູ້ສຶກມີກໍາລັງໃຈ ນຳການພົບປະ ກັບປະທານາທິບໍດີ

ຜູ້ນຳປະຊາທິປະໄຕຂອງມຽນມາ ທ່ານນາງອອງຊານຊູຈີກ່າວວ່າ ທ່ານນາງມີຄວາມພໍໃຈ ໃນການພົບປະເທື່ອທຳອິດກັບປະທານາທິບໍດີພົນລະເຮືອນຄົນໃໝ່ ຂອງມຽນມາ.

ທ່ານນາງອອງຊານຊູຈີຜູ້ທີ່ເຄີຍໄດ້ຮັບລາງວັນໂນແບລຂະແໜງສັນຕິພາບກ່າວຕໍ່ພວກນັກ
ຂ່າວໃນວັນເສົາມື້ນີ້ວ່າ ທ່ານນາງໄດ້ຮັບກຳລັງໃຈໃນການພົບປະເປັນເວລານຶ່ງຊົ່ວໂມງກັບ
ປະທານາທິບໍດີ Thien Sein ໃນມື້ວັນສຸກວານນີ້.

ທ່ານນາງບໍ່ໄດ້ແຈ້ງໃຫ້ຊາບຢ່າງສະເພາະເຈາະຈົງວ່າພວກທ່ານໄດ້ສົນທະນາຫາລືກັນກ່ຽວ
ກັບເລື່ອງໃດແດ່.

ທ່ານນາງອອງຊານຊູຈີໄດ້ຄ້າງຄືນ ທີ່ນະຄອນຫຼວງເນປີດໍ ແລະໃນຕອນເຊົ້າຂອງວັນເສົາ
ມື້ີນີ້ກໍໄດ້ໄປຮ່ວມກອງປະຊຸມສະພາພັດທະນາເສດຖະກິດ ທີ່ໄດ້ຮັບຄວາມອຸບປະຖຳໂດຍ
ລັດຖະບານ.

ນີ້ແມ່ນການເດີນທາງເທື່ອທຳອິດຂອງທ່ານນາງໄປຢ້ຽມຢາມນະຄອນຫຼວງດ້ານການປົກຄອງ
ຂອງມຽນມາ ຊຶ່ງໄດ້ສ້າງຂຶ້ນໃນລະຫວ່າງຊ່ວງເວລາທີ່ທ່ານນາງຖືກກັກບໍລິເວນເທື່ອແລ້ວ.