ລິ້ງ ສຳຫລັບເຂົ້າຫາ

ທ.ນ. ອອງຊານ ຊູຈີ ໄປເປີດຕົວເປັນຄັ້ງ ປະຫວັດສາດ ຢູ່ທີ່ສະພາແຫ່ງຊາດ

  • ດຣ. ສິມມາລາ

ຜູ້ນໍາຝ່າຍຄ້ານມຽນມາ ທ່ານນາງ ອອງຊານ ຊູຈີ (ຜູ້ທີ 3) ນັ່ງຢູ່ບ່ອນນັ່ງຂອງຕົນໃນເວລາເຂົ້າຮ່ວມກອງປະຊຸມ ສະໄໝສາມັນຂອງສະພາແຫ່ງຊາດ ທີ່ສະພາຕໍ່າໃນເນປິດໍ, ນະຄອນຫລວງດ້ານການປົກຄອງ ໃນວັນທີ 9 ກໍລະກົດ, 2012.

ຜູ້ນໍາຝ່າຍຄ້ານມຽນມາ ທ່ານນາງ ອອງຊານ ຊູຈີ ໄດ້ໄປເປີດຕົວເປັນຄັ້ງປະຫວັດສາດຢູ່
ທີ່ສະພາ​ແຫ່ງ​ຊາດ.

ຜູ້ຊະນະລາງວັນໂນແບລຂະ​ແໜງສັນຕິພາບທ່ານນີ້ ໄດ້​ເຂົ້າປະຈໍາບ່ອນນັ່ງຂອງຕົນ ທີ່ ສະພາຕໍ່າຂອງມຽນມາເປັນຄັ້ງທໍາອິດໃນວັນຈັນມື້ນີ້ ຢູ່ເນປິດໍ ນະຄອນຫລວງດ້ານການ
​ປົກຄອງ​. ການມີໜ້າຂອງທ່ານນາງ ອອງຊານ ຊູຈີ ​ແມ່ນ​ເປັນຂີດໝາຍບັ້ນ​ຕອນຂອງການ ຕໍ່ສູ້ທີ່ຍືດເຍື້ອຍາວນານຂອງທ່ານນາງ ເພື່ອນໍາເອົາປະຊາທິປະໄຕມາສູ່ບ້ານ ເກີດເມືອງ
ນອນຂອງຕົນ.

ທ່ານນາງໄດ້​ເຂົ້ານັ່ງ​ໃນ​ສະພາ ຮ່ວມກັບ​ເພື່ອນສະມາຊິກພັກສັນນິບາດ​ແຫ່ງ​ຊາດເພື່ອປະ
ຊາທິປະ​ໄຕ ຫລື NLD ພ້ອມກັບບັນດາ​ຜູ້​ແທນ​ຄົນອື່ນໆ. ສະພາ​ແຫ່ງ​ຊາດ​ຂອງ​ມຽນມາ ຍັງຖືກຄອບຄອງໂດຍທະຫານ ແລະພັນທະມິດທາງການ​ເມືອງຂອງພວກເຂົາຢູ່.

ພັກ NLD ຊຶ່ງໃນຄັ້ງນຶ່ງ ເຄີຍເປັນພັກຢູ່ທາງນອກ ທີ່ຕໍ່ຕ້ານລັດຖະບານນັ້ນ ບັດນີ້ ໄດ້
ກາຍມາເປັນພັກການເມືອງຫລັກພັກ​ນຶ່ງ ລຸນຫລັງການເລືອກຕັ້ງຄັ້ງສໍາຄັນໃນ ເດືອນເມ
ສາທີ່ຜ່ານມາຂອງມຽນມາ ແລະການປ່ຽນແປງຢ່າງ​ກວ້າງ​ຂວາງຂອງລັດຖະບານຊຸດໃໝ່.

XS
SM
MD
LG