ເຈົ້າໜ້າທີ່ມຽນມາ ໄດ້ປ່ອຍນັກສຶກສາທີ່ເປັນພວກເຄື່ອນໄຫວ ຢ່າງໜ້ອຍ 20 ຄົນ ຊຶ່ງ
ໄດ້ຖືກຈັບໃນວັນສຸກທີ່ຜ່ານມາ ຢູ່ໃນ 4 ຕົວເມືອງ ແລະຖືກກັກຕົວໄວ້ເປັນເວລານຶ່ງຄືນ ຢູ່ສະຖານທີ່ປິດລັບຫລາຍແຫ່ງ.
ພວກນັກສຶກສາດັ່ງກ່າວໄດ້ຖືກກັກໂຕ ຢູ່ທີ່ນະຄອນຢາງກຸ້ງ, ມັນດາເລ, ລາຊີໂອ ແລະ
ຊເວັບໂບໃນແລງວັນສຸກແລ້ວນີ້ ກ່ອນໜ້າວັນຄົບຮອບ 50 ປີ ໃນວັນເສົາວານນີ້ຂອງເຫດ
ການປາບປາມຢ່າງໂຫດຮ້າຍ ຕໍ່ຂະບວນການລຸກຮືຂຶ້ນຂອງນັກສຶກສາ. ໃນປີ 1962 ທະຫານໄດ້ຖິ້ມລະເບີດໃສ່ອາຄານຂອງສະຫະພັນນັກສຶກສາ ທີ່ມະຫາວິທະຍາໄລນະ
ຄອນຢ້າງກຸ້ງ ຊຶ່ງໄດ້ສັງຫານນັກສຶກສາຫລາຍສິບຄົນ ໃນຄວາມພະຍາຍາມ ເພື່ອສະ
ຫລາຍຕົວພວກນັກສຶກສາ ທີ່ທໍາການປະທ້ວງຕ້ານການຂຶ້ນກໍາອໍານາດຂອງຈອມຜະ
ເດັດການ ນາຍພົນ Ne Win ນັ້ນ.
ພວກນັກເຄື່ອນໄຫວທາງການເມືອງ
ຊາວມຽນມາ ເອີ້ນການຈັບກຸມໃນວັນ
ສຸກຜ່ານມານັ້ນວ່າ ເປັນການເຂົ້າໃຈຜິດ
ແລະຮຽກຮ້ອງໃຫ້ລັດຖະບານທີ່ໜູນ
ຫລັງໂດຍທະຫານຈົ່ງສະແດງຄວາມ
ເຊື່ອໝັ້ນຕໍ່ພວກຜູ້ນໍານັກສຶກສາຫລາຍ
ຂຶ້ນກວ່າເກົ່າ.
ຜູ້ແທນຄະນະນຶ່ງຈາກສະມາຄົມປະຊາ
ຊາດເອເຊຍຕາເວັນອອກສຽງໃຕ້ ຫລື
ອາຊ່ຽນ ທີ່ກໍາລັງຢ້ຽມຢາມມຽນມາຢູ່
ໃນເວລານີ້ ເອີ້ນການຈັບກຸມນັ້ນວ່າ ເປັນການກົດຂີ່ຂົ່ມເຫັງ ທີ່ພາໃຫ້ຮູ້ສຶກວ່າ ວິທີການປົກ
ຄອງແບບເກົ່າ ຍັງມີຜົນບັງຄົບໃຊ້ຢູ່ ເຖິງແມ່ນວ່າໄດ້ມີການປະຕິຮູບທາງການເມືອງເລີ້ມຂຶ້ນເມື່ອໝໍ່ໆມານີ້ກໍຕາມ.
ໃນຈໍານວນຜູ້ຖືກຈັບໃນວັນສຸກຜ່ານມານັ້ນ ມີຜູ້ນໍານັກສຶກສາ ທ້າວ ພຽວ ພຽວ ອອງ
(Pyo Pyo Aung) ຊຶ່ງເປັນນັກໂທດການເມືອງ ທີ່ຖືກປ່ອຍຕົວໃນປີກາຍນີ້ ພາຍໃຕ້ການນີ
ລະໂທດກໍາ.
ພວກນັກສຶກສາໄດ້ໄປເຕົ້າໂຮມກັນຢູ່ມະຫາວິທະຍາໄລຢ້າງກຸ້ງ ໃນວັນເສົາວານນີ້ ແລະເວົ້າ
ວ່າ ການຈັບກຸມອາດສາມາດເຮັດໃຫ້ພາບພົດໃນທາງບວກຂອງລັດຖະບານມຽນມາ ທີ່ປົກ
ຄອງປະເທດມາໄດ້ 15 ເດືອນນັ້ນ ແປ້ວໄປໄດ້.
